Baefeso 4:2 - Setswana 1970

² ka boikokobetso jotlhe le bonolo le bopelotelele le ka go itshokelana mo loratong;

Lefoko: La Botshelo Kgolagano e Ntsha

² Nnang boikokobetso le bonolo. Nnang pelotelele yo mongwe mo go yo mongwe, lo leke go iphapaanya ka lorato le diphoso tse lo ka di diralanang.

Bibela ea Boitsépho 1890 (Sechuana Tlhaping - Moffatt Bible)

² Ka bonolo yoa pelu yotle, le bopelunomi, le bopelutelele, go iphapanyana mo loratoñ;

BAEBELE e e Boitshepo

² Ka boikokobetso jotlhe le bonolo, le ka bopelotelele, ka go iphapaanya mo loratong;

Baefeso 4:2 Iomraidhean Croise

Lipesalema 138:6

Gonne Morena o godimo, mme o leba yo o boikokobetso; mme yo o ikgodisang ena o mo itse a sa le kgakala.

Lipesalema 45:4

Itlame letheka ka tšhaka ya gago, wena mogale; e bong ya borena jwa gago le kgalalelo ya gago.

Liane 16:19

Go ikokobetsa le ba ba ikokobetsang go gaisa go abelana thopo le ba ba ikgodisang.

Liane 3:34

Ba e leng basotli o tla ba sotla; mme ba ba ikokobetsang o tla ba tlhomogela pelo.

Moreri 7:8

Bokhutlo jwa selo bo gaisa tshimologo ya sona; yo o pelotelele o phala yo o ikgodisang.

Yesaye 57:15

Gonne go bua jaana yo o tlotlometseng yo o godimodimo, yo o agileng mo bosakhutleng, yo leina la gagwe e leng Yo-o-Boitshepo, a re: “Ke agile kwa godimodimo le mo felong ga boitshepo. Le gona ke ntse ke na le yo o mowa o ngomogileng, o o kokobeditsweng, gore ke lapolose mewa ya ba ba kokobeditsweng, ke rudise pelo tsa ba ba bogisegileng.

Sefanya 2:3

Batlang Morena, lona lotlhe ba lo pelonolo ba lefatshe, ba lo dirileng ka fa tshiamong ya gagwe; batlang tshiamo, batlang boikokobetso; ka gongwe lo ka fitlhega ka letsatsi la bogale jwa Morena.

Sekarie 9:9

Itumele thata, morwadia Sione, o duduetse, morwadia Jerusalema; bona, kgosi ya gago e e tla kwa go wena, e siame, e tletse pholoso, e pelonolo, e palame esele, e leng eselana, ngwana wa esele.

Lipalo 12:3

Monna yoo, Moše, o ne a le pelonolo thata bogolo go batho botlhe ba ba mo lefatsheng.

Mataio 11:29

Ipeleseng jokwe ya me, lo ithute mo go nna; gonne ke bonolo le boikokobetso mo pelong, mme lo tla bonela mewa ya lona tapologo.

Mareko 9:19

Jesu a ba raya a re: “Mofuta wa batho ba ba sa dumeleng ke lona! Ke tla nna le lona go fitlhelela leng? Ke tla lo itshokela sebaka se se kana kang? Mo tsiseng kwano go nna!”

Ditiro 20:19

ke direla Morena ka boikokobetso jotlhe, le ka dikeledi, le ka dithaelo tse di nkwetseng ka ditalelo tsa Bajuta,

Baroma 15:1

Rona ba re leng thata, re tshwanetse go itshokela makoa a ba ba seng thata, e seng go ikgatlha.

1 Bakorinta 13:7

Lo iphapaanya le dilo tsotlhe, lo dumela dilo tsotlhe, lo solofela dilo tsotlhe, lo itshokela dilo tsotlhe.

Bagalatia 6:2

Rwadisanyang merwalo, ke gone lo tla bong lo dirafatsa molao wa ga Keresete.

Baefeso 1:4

jaaka o sa le o re itlhophela ka ene pele, lefatshe le ise le tlholwe, gore re nne boitshepo, re se nyatsege fa pele ga ona,

Bakolosa 1:11

lo thatafadiwe ka thata yotlhe ka fa thateng ya kgalalelo ya ona gore lo be lo nne le tshwarelelo yotlhe le bopelotelele;

1 Timoteo 6:11

Mme wena, motho wa Modimo, tshaba dilo tseo! O tsôtelele tshiamo le poifo-Modimo le tumelo le lorato le boitshoko le bopelonolo.

2 Timoteo 2:25

a be a kgalemele baganetsi ka bonolo, e tle e re gongwe Modimo o ba nee tlhabologo e e isang kitsong ya boammaaruri,

Jakobe 1:21

Ka moo latlhang maswe tlhe le bosula jo bo setseng, lo amogele ka bonolo Lefoko le le tlhomilweng mo go lona, le le nonofileng go pholosa mewa ya lona.

1 Petero 3:15

Mme lo itshepise Morena Keresete mo dipelong tsa lona, lo ntse lo iketleeditse go araba mongwe le mongwe yo o batlang boikarabelo mo go lona ka ga tsholofelo e lo nang nayo, mme e nne ka bonolo le ka poifo.

1 Petero 3:8

Ke akaretsa ke re: Nnang pelonngwe fela lotlhe lo nne pelotlhomogi, lo ratane jaaka bana ba motho, lo nne kutlwelo-botlhoko le boikokobetso.