Baefeso 1:11 - Setswana 1970

¹¹ Ee, mo go ene, yo re dirilweng ba ona ka ene, rona ba re tlhomamisitsweng pele ka fa maikaelelong a ona o o dirang tsotlhe ka fa kgakololong ya go rata ga ona

Lefoko: La Botshelo Kgolagano e Ntsha

¹¹ Segolo jang ka ntlha ya se Keresete a se dirileng, re nnile dimpho tsa Modimo tse o di itulelang, mme ka ele bontlhabongwe jwa leano la bogosi re sale re tlhophiwa go nna ba One go tswa tshimologong, mme dilo tsotlhe di diragala fela jaaka o sale o ikaeletse bogologolo.

Bibela ea Boitsépho 1890 (Sechuana Tlhaping - Moffatt Bible)

¹¹ Eo, le rona re bonyeñ boshua mo go ena, ka re le re laolecoe pele kaha boikaeleloñ yoa ona, o o rihañ lilo cotle kaha taoloñ ea thata ea ona;

BAEBELE e e Boitshepo

¹¹ Le rona re bileng ra dirwa boswa mo go ene, ka re go laoletswe gale ka fa boikaelelong jwa one o o dirang dilo tsotlhe ka fa kgakololong ya go rata ga one;

Baefeso 1:11 Iomraidhean Croise

Yobe 12:13

Nnyaya! Botlhale le bonatla di mo go ona; ke ona o o nang le maano le temogo.

Yobe 33:29

Bonang, Modimo o direla motho tsotlhe tseo gabedi le gararo,

Lipesalema 37:18

Morena o itse malatsi a ba ba tlhamaletseng; boswa jwa bona bo tla nna ka bosakhutleng.

Liane 8:14

Kgakololo le botswerere di mo go nna; ke na le kutlwisiso le thata.

Yesaye 25:1

Morena, o Modimo wa me! Ke tla go tumisa, ke baka leina la gago; gonne o dirafaditse dikgakgamatso, e leng maikaelelo a kgale a a ikanyegang a boammaaruri.

Yesaye 28:29

Tseo le tsona di tswa mo Moreneng wa masomosomo; gonne o na le maikaelelo a a gakgamatsang, le botlhale jo bogolo.

Yesaye 5:19

ba ba reng: “A a itlhaganele, a akofise tiro ya gagwe gore re e bone; a boikaelelo jwa Moitshepi wa Iseraele bo atamele, bo dirafale gore re bo itse!”

Yeremie 23:18

Gonne ke mang yo o neng a ema mo lekgotleng la Morena, a lemoga, a utlwa lefoko la gagwe? Ke mang yo o reeditseng lefoko la gagwe, a le utlwa?

Yeremie 32:19

O mogolo mo kgakololong, o nonofile mo tirong; matlho a gago a budulogetse ditsela tsotlhe tsa bana ba batho gore o duele mongwe le mongwe ka fa tsamaong ya gagwe le ka fa leungong la ditiro tsa gagwe.

Sekarie 6:13

Ee, ene o tla aga Tempele ya Morena, Ene o tla bona tlotlego e kgolo, a nna mo sedulong sa gagwe sa bogosi, a busa; le gona o tla nna moperesiti a le mo sedulong sa gagwe sa bogosi, mme go tla nna kutlwano ya kagiso fa gare ga bogosi le boperesiti.

Ditiro 13:48

Ya re baheitane ba utlwa, ba itumela, ba galaletsa Lefoko la Morena. Botlhe ba ba tlhaoletsweng botshelo jo bo sa khutleng ba dumela.

Ditiro 2:23

ene yoo yo o neetsweng losong ka maikaelelo a a beilweng ke Modimo le ka kitsetsopele ya ona, lona lo mmapotse, lwa mmolaya ka diatla tsa baikepi;

Ditiro 20:27

gonne ga ke a ka ka tlhaetsa sepe, mme ke lo boleletse maikaelelo a Modimo otlhe.

Ditiro 20:32

“Mme jaanong, bakaulengwe, ke lo neela mo Moreneng le mo Lefokong la bopelotlhomogi jwa gagwe yo o nonofileng go lo aga le go lo naya boswa mmogo le botlhe ba ba itshepisitsweng.

Ditiro 26:18

go ba budulola matlho gore ba sokologe, ba tswe mo lefifing, ba tsene leseding, ba tswe mo thateng ya ga Satane, ba ineele Modimo, gore ba amogele boitshwarelo jwa dibe le boswa mmogo le ba ba itshepisitsweng ka go dumela mo go nna.’

Ditiro 4:28

mme tota e le go dira tsotlhe tse letsogo la gago le thato ya gago di laotseng pele gore di dirafale.

Baroma 11:34

“Gonne ke mang yo o itsileng maikaelelo a Morena, gongwe mogakolodi wa gagwe e ne e le mang?”

Baroma 8:17

Mme fa re le bana, e bile re barua-boswa, e bong barua-boswa ba Modimo le barua-boswa mmogo le Keresete, fa tota re bogisiwa nae, ke go re, re tle re galalediwe nae.

Baroma 8:28

Mme re itse gore bone ba ba ratang Modimo, dilo tsotlhe di dira mmogo go ba tsalela molemo, e bong bone ba ba biditsweng ka fa boikaelelong jwa Modimo.

Baroma 8:29

Gonne ba o ba itsileng pele, o ba tlhaotse pele gore ba tshwane le popego ya Morwaa-ona, a tle a nne motsalwapele mo baneng ba le bantsi.

Baroma 8:30

Mme ba o ba tlhaotseng pele, e bile o ba biditse; ba o ba biditseng, e bile o ba siamisitse; ba o ba siamisitseng, e bile o ba galaleditse.

Baroma 9:11

gonne e rile bana ba ise ba tsalwe, ba ise ba dire molemo gongwe bosula,

Bagalatia 3:18

Gonne fa boswa bo bonwa ka molao, bo tla bo bo sa tlhole bo bonwa ka tsholofetso; mme Modimo o bo file Aborahame fela ka tsholofetso.

Baefeso 1:14

o e leng sebeelelo sa boswa jwa rona, gore go gololwe ba e leng ba ona go boka kgalalelo ya ona.

Baefeso 1:18

o be o lo nee matlho a a sedimogetsweng a dipelo tsa lona, lo tle lo itse gore tsholofelo ya pitso ya ona ke efe, le gore khumo ya kgalalelo ya boswa jwa ona mo baitsheping ke e e ntseng jang,

Baefeso 1:5

ka o sa le o re tlhomamisa pele ka lorato go nna bana ba ona ka Jesu Keresete ka fa natefelong ya thato ya ona,

Baefeso 1:8

jo o bo re totiseditseng ka botlhale jotlhe le temogo,

Baefeso 1:9

ka go re itsise bosaitsiweng jwa thato ya ona e o neng o e ikaeletse mo go ene,

Baefeso 3:11

ka fa boikaelelong jo bo se nang tshimologo, jo o bo dirafaditseng mo go Keresete Jesu Morena wa rona

Deuteronome 4:20

Mme lona Morena o lo tsere, a lo ntsha mo leisong le le gakolosang tshipi, e bong kwa Egepeto gore lo nne morafe wa gagwe wa boswa jaaka go ntse gompieno.

Bakolosa 1:12

lo leboge Rara ka boitumelo yo o re nonotshitseng go nna le kabelo mo bosweng jwa baitshepi mo leseding,

Bakolosa 3:24

ka lo itse gore lo tla amogela boswa mo Moreneng e le tuelo. Kana lo direla Morena Keresete.

Tito 2:14

yo o re ineeletseng losong gore a re golole mo tshiamololong yotlhe, a be a itshekise batho gore e nne ba gagwe ba ba tlhoafaletseng ditiro tse di molemo.

Tito 3:7

gore e tle e re fa re sena go siamisiwa ka bopelotlhomogi jwa ona, re nne barua-boswa ba botshelo jo bo sa khutleng jo re bo solofelang.

Bahebera 6:17

Ke ka moo e rileng Modimo o rata gagolo go supetsa baja-boswa ba tse di solofeditsweng bosafetogeng jwa boikaelelo jwa ona, wa di tiisa ka maikano;

Jakobe 2:5

Reetsang, ba ga etsho ba ba rategang: A Modimo ga o a itlhophela ba e leng bahumanegi mo lefatsheng go nna bahumi mo tumelong le barua-boswa ba puso e o e solofeditseng ba ba o ratang?

1 Petero 1:4

re tle re rue boswa jo bo sa nyeleleng, jo bo se nang sebala, jo bo sa swabeng, jo lo bo boloketsweng kwa legodimong,

1 Petero 3:9

Lo se ka lwa lefa bosula ka bosula gongwe komano ka komano, mme bogolo tshegofatsang, ka lo bileditswe gona moo gore lo rue lesego.