Baefeso 1:1 - Setswana 1970

¹ Nna Paulo, moapostolo wa ga Keresete Jesu ka go rata ga Modimo, ke kwalela baitshepi ba kwa Efeso ba ba dumelang mo go Keresete Jesu:

Lefoko: La Botshelo Kgolagano e Ntsha

¹ Ditsala tsa me tsa Bakeresete mo Efeso tse di rategang, tse ka malatsi otlhe di ikanyegang mo Moreneng: ke nna Paulo yo ke lo kwalelang, yo ke tlhophilweng ke Modimo go nna morongwa wa ga Jesu Keresete.

Bibela ea Boitsépho 1890 (Sechuana Tlhaping - Moffatt Bible)

¹ PAULO moapostoloi oa ga Yesu Keresete ka thato ea Morimo, go baitsephi ba ba kua Efesia, le go barumeri ba ba mo go Keresete Yesu;

BAEBELE e e Boitshepo

¹ Ke nna Paulo, ke moaposetole wa ga Keresete Jesu ka go rata ga Modimo; ke kwalela baitshepi ba ba kwa Efeso, le badumedi mo go Keresete Jesu.

Baefeso 1:1 Iomraidhean Croise

Lipalo 12:7

Mme ka ga Moše motlhanka wa me, ga go a nna jalo, ke yo o ikanyegang mo ntlong yotlhe ya me.

Luke 16:10

Yo o ikanyegang mo go se sennye o ikanyega le mo go se segolo; mme yo o sa siamang mo go se sennye, ga a siama le mo go se segolo.

Ditiro 16:15

Ya re a sena go kolobediwa le ba ntlo ya gagwe, a kopa a re: “Fa lo nkaya ke le yo o dumelang mo Moreneng, tsenang mo ntlong ya me, lo nne teng.” Mme a re emelela thata.

Ditiro 18:19

Ba fitlha kwa Efeso, mme a ba tlogela teng. Ene a tsena mo senagogeng, a fetolana le Bajuta.

Ditiro 18:21

mme a ba sadisa sentle a re: “Kana ke tshwanetse go nna mo moletlong o o tlang kwa Jerusalema. Ke tla boela kwano go lona, fa Modimo o rata.” Mme a tloga mo Efeso ka mokoro.

Ditiro 9:13

Anania a fetola a re: “Morena, ke utlwile ka ba bantsi ka ga monna yoo gore o diretse baitshepi ba gago kwa Jerusalema tse di bosula tse di kana kang!

Baroma 1:1

Nna Paulo, motlhanka wa ga Jesu Keresete, yo ke biditsweng go nna moapostolo, ka tlhaolelwa Efangele ya Modimo

Baroma 1:7

Ke kwalela lona lotlhe ba lo kwa Roma, lona baratwi ba Modimo, lona baitshepi ba lo biditsweng: A bopelotlhomogi bo nne le lona le kagiso tse di tswang mo go Modimo Rraetsho le mo go Morena Jesu Keresete!

Baroma 8:1

Jaanong he, ga go na katlholo ya tatlho epe mo go bone ba ba mo go Keresete Jesu, ba ba sa tsamaeng ka fa nameng, mme ba tsamaya ka fa moweng.

1 Bakorinta 4:12

Re itapisa ka tiro ya diatla tsa rona; fa re omanngwa, rona re a tshegofatsa; fa re bogisiwa, rona re a itshoka.

1 Bakorinta 4:17

Ke gona ka moo ke lo rometseng Timotheo yo e leng morwaake yo o rategang, yo o ikanyegang mo Moreneng. Ke ene yo o tla lo gopotsang ditsela tsa me mo go Keresete, jaaka ke ruta gongwe le gongwe mo diphuthegong tsotlhe.

2 Bakorinta 1:1

Nna Paulo, moapostolo wa ga Keresete Jesu ka go rata ga Modimo, le Timotheo mokaulengwe, re kwalela phuthego ya Modimo ya kwa Korinthe le baitshepi botlhe ba ba mo lefatsheng lotlhe la Agaya:

Bagalatia 1:1

Nna Paulo moapostolo – yo ke sa rongwang ke batho le e seng ka motho, mme e le ka Jesu Keresete le Modimo Rara yo o mo tsositseng mo baswing –

Bagalatia 3:26

gonne lotlhe lo bana ba Modimo ka go dumela mo go Keresete Jesu.

Bagalatia 3:28

Ga go Mojuta gongwe Mogerika, ga go motlhanka gongwe yo o gololesegileng, ga go monna gongwe mosadi; gonne lotlhe lo tshwana fela mo go Keresete Jesu.

Bagalatia 3:9

Ka moo ba e leng ba tumelo ba tshegofadiwa mmogo le Aborahame wa modumedi;

Baefeso 1:15

Ka moo le nna, fa ke sa le ke utlwa ka ga go dumela ga lona mo go Morena Jesu le ka fa lo ratang baitshepi botlhe ka teng,

Baefeso 2:10

Gonne re tiro ya ona, re tlholetswe ditiro tse di molemo mo go Keresete Jesu, tse Modimo o di etleeditseng pele gore re tsamae mo go tsona.

Baefeso 2:13

Mme lona ba lo kileng lwa bo lo le kgakala, lo atameditswe jaanong ka madi a ga Keresete mo go Keresete Jesu.

Baefeso 2:6

wa re tsosa nae, wa re nnisa nae mo legodimong go nna mo go ene Keresete Jesu,

Baefeso 6:21

Jaanong Tigiko, mokaulengwe yo o rategang, modiredi yo o ikanyegang wa Morena, o tla lo itsise dilo tsotlhe gore le lona lo itse ka fa ke phelang ka teng, le se ke se dirang.

Bakolosa 1:2

re kwalela baitshepi ba kwa Kolose, e bong bakaulengwe ba ba dumelang mo go Keresete: A bopelotlhomogi bo nne le lona le kagiso tse di tswang mo go Modimo Rraetsho le mo go Morena Jesu Keresete!

Tshenolo 17:14

Tsona tseo di tla tlhabana le Kwana; mme Kwana e tla di fenya; gonne ke yona Morena wa barena le Kgosi ya dikgosi; mme ba ba nang nayo ke ba ba biditsweng, ba ba tlhaotsweng, ba ba ikanyegang.”

Tshenolo 2:10

O se ka wa boifa tse o tla di bogang. Bona, Diabolo o tla latlhela bangwe ba lona mo kgolegelong gore lo lekwe; lo tla nna le pitlagano ka malatsi a le some. O nne boikanyo go ya losong, mme ke tla go naya serwalo sa botshelo.

Tshenolo 2:13

“ ‘Ke itse ditiro tsa gago le kwa o agileng teng, kwa sedulo sa ga Satane se leng teng; o itshwareletse ka leina la me, wa se ka wa itatola go dumela mo go nna, le e seng ka malatsi a Antipase, moswela-tumelo wa me yo o boikanyo, o bolaetsweng koo go lona ka ona, kwa Satane o agileng teng.