Amose 7:3 - Setswana 1970

³ Ke fa Morena a rebega bogale. Morena a re: “Ga go kitla go dirafala!”

Bibela ea Boitsépho 1890 (Sechuana Tlhaping - Moffatt Bible)

³ Yehova a ikuatlaela mouo: Ga go kitla go na yalo, go bua Yehova.

BAEBELE e e Boitshepo

³ Jehofa a ikwatlhaela seo a re: “Ga go ketla go dirala.”

Amose 7:3 Iomraidhean Croise

Genese 6:7

Jaanong Morena a re: “Ke tla nyeletsa batho ba ke ba tlhodileng, ke ba tlosa mo lefatsheng; bone batho le diruiwa le digagabi le dinonyane tsa legodimo; gonne ke ikwatlhaya, ka ke ba dirile.”

1 Litihalo 21:15

Mme Modimo wa roma moengele kwa Jerusalema go mo senya; ya re a ntse a senya, Morena a ela tlhoko, a rebega bogale, a raya moengele yo o senyang a re: “Go lekanye jaanong! Gonyetsa letsogo.” E ne e le fa moengele wa Morena a eme fa seboaneng sa ga Orenane wa Mojebusi.

Lipesalema 106:45

A gopola kgolagano ya gagwe ka ntlha ya bona, a busa bogale, ka a na le bopelontle jo bogolo.

Lipesalema 78:38

Mme ona ka o le kutlwelo-botlhoko, o ne o itshwarela molato, o sa ba nyeletse; e bile o ne o busa bogale jwa ona gantsi, o sa tsose kgakalo yotlhe ya ona.

Lipesalema 90:13

Boa, Morena! Go tla nna goleele go le kae? O utlwele batlhanka ba gago botlhoko.

Ekesodo 32:14

Ke fa Morena a busa pelo, a sa bolae morafe wa gagwe jaaka a ne a o bopetse.

Yeremie 26:19

“Jaanong a Hesekia, kgosi ya Juta, le Bajuta botlhe ba mmolaile? A ga ke re, o ne a boifa Morena, a kopa bopelothomogi fa pele ga Morena! Ke fa Morena a fetola maikaelelo a gagwe, a sa ba ise mo tatlhegong jaaka a ba bopetse. Jaanong a rona re ka dira bosula jo bo kana, ra ikisa ka rosi mo tatlhegong?”

Yeremie 42:10

‘Fa lo nna mo lefatsheng le, lo iketlile, ke tla lo agisa, ke sa lo rutle; ke tla lo tlhoma, ke sa lo kumole. Gonne ke utlwa botlhoko ka ntlha ya petso e ke e lo diretseng.

Hoshee 11:8

“Nka go latlha jang, Eferaime? Nka go tlogela jang, Iseraele? Nka go dira jang jaaka Atema? Nka go senya jang jaaka Seboime? Ke tlhomoga pelo, ke go utlwela botlhoko thata.

Yoele 2:13

Ikgagoleng dipelo, e seng diaparo, lo tlhabologele kwa Moreneng, Modimo wa lona; gonne ene o boitshwarelo le kutlwelo-botlhoko; o pelotelele le lorato lo logolo, mme o a tle a buse bogale jwa gagwe.

Yoele 2:14

Go itse mang, ka gongwe o tla bo busa gape, a tlogela lesego, e leng dijo le dino tse di supelwang Morena, Modimo wa lona.

Amose 5:15

Tlhoang tse di bosula, ratang tse di molemo, dirang tshiamo mo lekgotleng; ka gongwe Morena, Modimo wa masomosomo, o tla utlwela masalela a ga Josefa botlhoko.

Amose 7:6

Ke fa Morena a rebega bogale gape. Morena Modimo a re: “Ga go kitla go dirafala!”

Yone 3:10

Jaanong ya re Modimo o bona ditiro tsa bona tsa go boa mo ditseleng tse di bosula tsa bone, Modimo wa ithibela mo petsong e o neng o ikaeletse go e ba direla mme wa se ka wa e dirafatsa.

Deuteronome 32:36

Gonne Morena o tla direla morafe wa gagwe tshiamo, a utlwela batlhanka ba gagwe botlhoko. Gonne o tla bona, fa thata e feleletse, fa go feleletse yo o bofegileng le yo o gololesegileng.

Jakobe 5:16

Ka moo, ipobolelaneng dibe, lo rapelelane gore lo fole. Thapelo ya mosiami e nonofile go dira tse dikgolo, fa e le ya tlhoafalo.