Amose 2:4 - Setswana 1970

⁴ Morena o bua jaana a re: “Ga nkitla ke thibela petso ka ntlha ya maleo a le mane a Juta, le fa e le a mararo fela, ka ba latlhile molao wa Morena, ba se ka ba tshegetsa ditaolo tsa gagwe, mme medimo ya maaka ya bone e ba timeditse e borraabo ba neng ba e sala morago.

Bibela ea Boitsépho 1890 (Sechuana Tlhaping - Moffatt Bible)

⁴ ¶ Go bua yalo Yehova: Kaga litlolo li teri, tsa Bayuda, le kaga li for, ga ’nkitla ki bosa peco ea bona; gone ba latlile molao oa ga Yehova; mi ba si ka ba tsegetsa litaeo tsa gague, mi maka a bona a ba timeritse, a borabo ba le ba a latela:

BAEBELE e e Boitshepo

⁴ Jehofa o bua jaana, a re: “Ka ditlolo di le tharo tsa Juta, ee, ka di le nne, ga nketla ke faposa petso ya teng; ka ba ganne molao wa ga Jehofa, ba se ka ba tshegetsa ditao tsa gagwe, maaka a bone a ba timeditse, a borraabo ba ne ba a sala morago.

Amose 2:4 Iomraidhean Croise

2 Likhosi 17:19

Le Bajuta ba se ka ba tshegetsa ditaolo tsa Morena, Modimo wa bone, mme ba sepela ka fa mekgweng e Baiseraele ba e dirileng.

2 Litihalo 25:14

Jaanong ya re Amasia a boa a sena go bolaya Baetomo, a tla le medimo ya ba Seire, a feta a e ipeela go nna medimo ya gagwe, a e obamela a e tshubela maswalo.

2 Litihalo 30:7

Lo se ka lwa nna jaaka borraeno le ba ga lona ba ba neng ba leofela Morena, Modimo wa borraabo, ka boikanyologo, mo a bileng a ba neela mo tatlhegong jaaka lo ntse lo bona.

Nehemie 1:7

Re go leofetse ka tshokamo, ra se ka ra tshegetsa ditaolo tsa gago le melao ya gago le ditshiamelo tsa gago tse o di laetseng Moše motlhanka wa gago.

Nehemie 9:26

“Mme ba go ganetsa, ba go tlogela, ba latlha molao wa gago, ba o hularela, ba bolaya baporofeti ba gago ba ba neng ba ba tlhagisa go ba tlhabololela kwa go wena; ba dira tsa dikgalo tse dikgolo.

Yesaye 28:15

E re ka lo buile lwa re: “Re dirile kgolagano le loso, re utlwanye le felo ga baswi; fa petso e tla ka thata jaaka morwalela, ga e nke e fitlha mo go rona; gonne re dirile maaka botshabelo jwa rona, re iphitlha ka tsietso.”

Yesaye 44:20

Yo o ineelang molora o timeditswe ke pelo e e tsietsegileng; ga a nke a pholosa mowa wa gagwe; ga a botse gore: “A ga go na maaka mo seatleng sa me se se jang?”

Yeremie 16:11

foo o ba arabe o re: ‘Ke ka gore borraeno ba ntlogetse, go bua Morena, ba sala medimo e sele morago, ba e direla, ba e obamela, mme nna, ba ntlogela, ba se ka ba tshegetsa molao wa me.

Yeremie 16:12

Mme lona lo dirile bosula bogolo go borraeno. Bonang, mongwe le mongwe o latela pelo e e bosula ya gagwe e e thatafetseng, lo sa nkutlwe.

Yeremie 17:27

Mme e tla re fa lo sa nkutlwe, lo sa itshepise letsatsi la Sabata, fa lo rwala morwalo le go tsena ka ona mo dikgorong tsa Jerusalema ka letsatsi la Sabata, foo ke tla tshuba molelo mo dikgorong tsa gagwe o o tla nyeletsang matlo a borena a Jerusalema, o o sa ka keng wa tingwa ka gope.’ ”

Yeremie 6:19

Utlwa, wena lefatshe! Bonang, ke isa morafe o mo tatlhegong, e le leungo la dikakanyo tsa bone. Gonne ga ba a tlhokomela mafoko a me; le molao wa me ba o latlhile.

Yeremie 8:2

ba a anegela letsatsi le ngwedi le lesomo lotlhe la legodimo, le ba le ratileng, ba le direla, ba le latela, ba le batla, ba le obamela. Ga a kitla a phuthwa le e seng go fitlhwa gape. E tla nna moutele mo masimong.

Yeremie 8:9

Batlhalefi ba tla tlhajwa ke ditlhong, ba tseana, ba tshwarega; gonne ba latlhile Lefoko la Morena. Jaanong ba na le botlhale bofe?

Yeremie 9:14

mme ba latela dipelo tsa bone tse di thatafetseng, le boBaale ba ba ba tlwaeditsweng ke borraabo.”

Esekiele 13:22

“ ‘E re ka lo boifisitse dipelo tsa basiami ka maaka, tse nna ke neng ke sa rate go di utlwisa botlhoko; lwa tiisa diatla tsa baikepi gore ba se ka ba tlogela ditsela tsa bone tse di bosula, le gore ba se ka ba phedisiwa,

Esekiele 20:13

Mme Baiseraele ba nkganetsa mo sekakeng; ba ne ba sa sepele ka fa ditaolong tsa me, ba nyatsa ditshiamo tsa me tse motho a tshwanetseng go di dira gore a phele ka tsona; le boSabata ba me ba di itshepolola thata. Ka ba ka re: Ke tla goromeletsa bogale jwa me mo go bone mo sekakeng go ba nyeletsa.

Esekiele 20:16

Ke ka gore ba ne ba nyatsa ditshiamo tsa me, ba sa sepele ka fa ditaolong tsa me, ba itshepolola boSabata ba me. Gonne dipelo tsa bone di ne di sala medimo e e maila ya bone morago.

Esekiele 20:18

Ka laela bana ba bone mo sekakeng ka re: Lo se ka lwa sepela ka fa tlwaelong ya borraeno, le e seng go tshegetsa mekgwa ya bone; se itlatseng maswe ka medimo e e maila ya bone!

Esekiele 20:24

Ka gonne ba ne ba sa dire ka fa melaong ya me, ba nyatsa ditaolo tsa me, ba itshepolola boSabata ba me; matlho a bone a latela medimo e e maila ya borraabo.

Esekiele 20:30

“Ka moo he, raya Baiseraele ò re: ‘Morena Modimo o botsa jaana o a re: A lo ikgotlela ka mekgwa ya borraeno? A lo akafala ka go latela maila a medimo ya bone?

Esekiele 22:28

Baporofeti ba teng ba ba taka ka motako wa maaka ka go bona dipono tsa tsietso le ka go ba bolelela boitseanape jwa maaka. Ba bua ba re: “Morena Modimo o bua jaana le jaana,” mme Morena a sa re jalo.

Esekiele 22:8

Tse di boitshepo tsa me o di nyaditse; boSabata ba me o di itshepolotse.

Hoshee 12:2

Eferaime o ikanya phefo, o latela phefo e kgolo ya botlhabatsatsi. O tlhola a ntsifatsa maaka le kgatelelo. Ba dira kgolagano le Asiria, lookwane lo isiwa kwa Egepeto.”

Hoshee 12:3

Morena o na le kgang le Juta, o tla betsa Jakobe ka ntlha ya ditsela tsa gagwe, a mmusolosa ka fa ditirong tsa gagwe.

Hoshee 6:11

“Le wena, Juta, o baakanyeditswe thobo, mogang ke busetsang batshwarwi ba morafe wa me kwa gae.

Amose 1:3

Morena o bua jaana a re: “Ga nkitla ke thibela petso ka ntlha ya maleo a le mane a Damaseko, le fa e le a mararo fela. Gonne ba phothile ba Gileate ka meotlwana ya ditshipi.

Amose 3:2

“Ke lona lo le losi ke lo itsileng mo ditshikeng tsotlhe tsa lefatshe; ka ntlha ya moo ke tla lo beletsa maleo otlhe a lona.”

Mike 6:12

E re ka bahumi ba motse ba tletse kgatelelo, baagi ba ona ba bua maaka, ba na le diteme tsa bolotsana mo maganong a bona,

Habakuke 2:18

Setshwantsho se se setilweng se thusa eng, fa modiri wa sona a se betlile? Le setshwantsho se se bopilweng, se e leng moruti wa maaka, se thusa eng, fa modiri wa sona a se ikanya ka go dira medimo e e dimumu?

Baroma 1:25

ba ba fetotseng boammaaruri jwa Modimo maaka, mme ba tlotla setlhodiwa, ba se direla bogolo go Motlhodi yo o tshwanetsweng ke pako ka bosakhutleng. Amen.

1 Batedaloni 4:8

Jalo he, yo o nyatsang ga a nyatse motho, mme o nyatsa Modimo o o lo neileng Mowa o o Boitshepo wa ona.

1 Petero 1:18

ka lo itse gore mo tsamaong ya boithamako ya lona e lo e bonyeng mo go borraeno, ga lo a gololwa mo go yona ka dilo tse di nyelelang, jaaka selefera le gouta,

Basiamisi 10:6

Mme Baiseraele ba fela ba dira tse di bosula mo matlhong a Morena, ba direla boBaale le boAšethorethe le medimo ya Siria le ya Sitone le ya Moabe le ya Baamone le ya Bafelesita; ba tlogela Morena, ba se ka ba mo direla.