1 Petero 4:3 - Setswana 1970

³ Gonne go lekanye, fa re dirisitse thato ya baheitane mo sebakeng se se fetileng ka go tsamaya ka boitaolo le dikeletso le botagwa le bojabele le tlhapelo le ditirelo tsa medimo e sele tse di maila.

Lefoko: La Botshelo Kgolagano e Ntsha

³ Ka lobaka lo lo fetileng lo dirile dilo tse di bosula tse batho ba ba sa itseng Modimo ba di itumelelang ebong, boaka, dithato tsa nama, go nwa bojalwa, mediro ya boitaolo, botlhapelwa, le kobamelo ya medimo ya disetwa, le dibe tse dingwe tse di maswe.

Bibela ea Boitsépho 1890 (Sechuana Tlhaping - Moffatt Bible)

³ Gone motla o o hetileñ oa botselo yoa rona o lekanye, o re rihetseñ thato ea bahaitene ka ona, ka re le ra tsamaea mo boakeñ, le likhatlego, le mo bogoluñ yoa boyaloa, le meriho ea tlapelo, le tago, le tihelo ea merimo ea liseto e e mashue bobe;

BAEBELE e e Boitshepo

³ Gonne lobaka lo lo fetileng lo tshwanetse go bo ne ne lo lekanye lwa go dira keletso ya Baditšhaba, le lwa go tsamaya mo bopepeng le mo dithatong le mo go nweng bojalwa, le mo ditlhapelong, le mo ditagong, le mo ditirelong tse di makgapha tsa medimo ya disetwa;

1 Petero 4:3 Iomraidhean Croise

2 Samuele 13:28

Mme Abesalomo o ne a laetse batlhanka ba gagwe a re: “Lo tle lo ele tlhoko, fa Amenone a sena go tlhapelwa, ke tla lo raya ke re: ‘Itayang Amenone!’ Foo lo mmolae! Lo se boife! Kana ke nna ke lo laetseng jalo. Tiang lo nne pelokgale.”

1 Likhosi 21:26

A dira tse di maswe thata ka go latela medimo e e tenang, fela jaaka go ne go dira Baamori ba Morena o neng a ba leleka fa pele ga Baiseraele.

2 Litihalo 15:8

E rile Asa a utlwa mafoko ao le thero ya ga Asaria morwa Otete moporofeti, a itshupa a tiile, a tlosa medimo e e maila mo lefatsheng lotlhe la Juta le la Benyamene le mo metseng e o neng a e thopile kwa dithabeng tsa Eferaime; a ba a ntšhwafatsa aletare ya Morena e e neng e le fa pele ga matseno a Tempele ya Morena.

Yesaye 28:7

Mme ba mono le bone ba theekela ka weine, ba thekesediwa ke bojalwa. Moperesiti le moporofeti ba theekela ka bojalwa, ke digole tsa weine, ba thekesediwa ke bojalwa. Ba a thekesela, fa ba bona pono; ba theekela fa ba atlhola.

Yesaye 5:11

A tatlhego ya bone wee ba ba phakelelang go batla bojalwa, le ba ba nnetseng weine e e ba tlhapelang go ya gareng ga bosigo.

Yesaye 65:4

ba ba ntseng mo mabitleng, ba lala mo mafelong a a fitlhegileng, ba ja nama ya kolobe, ba na le moro wa maila mo dipitseng tsa bone;

Yeremie 16:11

foo o ba arabe o re: ‘Ke ka gore borraeno ba ntlogetse, go bua Morena, ba sala medimo e sele morago, ba e direla, ba e obamela, mme nna, ba ntlogela, ba se ka ba tshegetsa molao wa me.

Yeremie 16:18

Mme pelepele ke tla ba beletsa molato wa bone le maleo a bone gabedi, ka ba itshekolotse lefatshe la me ka ditoto tsa maila a bone; ka makgapha a bone a ne a tletse mo bosweng jwa me.”

Esekiele 44:6

“Raya dirukhutlhi tse e leng Baiseraele ò re: ‘Morena Modimo o bua jaana o a re: Makgapha otlhe a lona a ntenne, lona Baiseraele!

Esekiele 45:9

“Morena Modimo o bua jaana a re: ‘Go lekanye tota, lona dikgosi tsa Iseraele! Tlosang kgatelelo le tshenyo. Dirang ka tshiamo le ka molao. Khutlang go leleka morafe wa me mo nageng ya one le mo malapeng a one!’ Morena Modimo o buile jalo.

Mareko 7:22

le tsa boikanyologo jwa banyalani le megagaru le tsa bokgopo le bolotsana le boitaolo le lefufa le go kgala le boikgantsho le bosilo.

Ditiro 17:30

“Fa e le metlha ya botlhoka-kitso, Modimo o e tlhokomologile, mme jaanong o laela batho botlhe mo ntlheng tsotlhe go tlhabologa;

Baroma 13:13

A re tsamaeng re itshotse sentle jaaka mo motshegareng, e seng mo medirong ya tlhapelo le ya botagwa, e seng mo marobalelong a boaka le mekgweng e e maswe, e seng mo kgannye le mo lefufeng;

1 Bakorinta 12:2

Lo itse gore e rile lo sa le baheitane, lwa gogelwa kwa medimong ya diseto e e dimumu jaaka lo timeditswe.

1 Bakorinta 6:11

Bangwe ba lona ba ne ba ntse jalo; mme jaanong lo tlhapisitswe, lo itshepisitswe, lo siamisitswe ka leina la Morena Jesu Keresete le ka Mowa wa Modimo wa rona.

2 Bakorinta 12:21

e se re gongwe fa ke sena go tla gape, Modimo wa me wa nkokobetsa mo go lona, mme ka hutsafalela ba le bantsi ba bone ba ba kileng ba leofa, mme ba se ka ba sokologa mo boitshekologong le boakeng le bopepeng, tse ba di dirileng.

Bagalatia 5:19

Ditiro tsa nama di a bonatsega, e bong tlhalo le boaka le se se maswe le boitaolo

Bagalatia 5:21

le tsa bopelotshetlha le dipolao le tsa botagwa le mediro ya tlhapelo le tse di ntseng jalo, tse ke di lo bolelelang jaaka nkile ka bua pele ka re: Ba ba dirang dilo tse di ntseng jalo ga ba nke ba rua boswa jwa puso ya Modimo.

Baefeso 5:18

Se tagweng ke bojalwa, ka botlhaswa bo tswa mo go jona; mme tlalang Mowa;

1 Batedaloni 4:5

e seng ka go fenngwa ke keletso, jaaka baheitane ba ba sa itseng Modimo.

Tito 3:3

Gonne le rona re kile ra bo re le bosilo, re sa utlwe, re timetse, re direla dikeletso le dikgatlhego dingwe le dingwe, re phela ka bosula le ka lefufa, re ilega, re tlhoanye.

1 Petero 1:14

Nnang bana ba ba utlwang, se laolweng ke dikeletso tsa pele tsa go tlhoka kitso ga lona,

Juda 1:4

Gonne go itshusumeditse batho bangwe ba e sa leng bogologolo ba kwaletswe katlholo ya go re: Ke baikepi ba ba fetolang bopelotlhomogi jwa Modimo wa rona boitaolo, mme ba itatola Molaodi yo o tlhelele, Morena wa rona Jesu Keresete.