1 Petero 3:4 - Setswana 1970

⁴ mme a e nne motho yo o fitlhegileng wa pelo yo o apereng mokgabo o o sa nyeleleng wa mowa o o bonolo, o o iketlileng; ke ona o o kgatlhang Modimo.

Lefoko: La Botshelo Kgolagano e Ntsha

⁴ Nnang bantle mo teng, mo teng ga dipelo tsa lona, ka bontle jo bo sa feleng jo bo siameng le ka mowa o o didimetseng o o leng botlhokwa thata mo Modimong.

Bibela ea Boitsépho 1890 (Sechuana Tlhaping - Moffatt Bible)

⁴ Mi a e ne mothu oa pelu, eo o sa bonaleñ, khabo e e sa boleñ ea moea oa bonolo, le tirimalo, e e leñ ea sereko se segolu ha pele ga Morimo.

BAEBELE e e Boitshepo

⁴ mme a e nne motho yo o sa bonaleng wa pelo, le ka diaparo tse di sa boleng tsa mowa wa boikokobetso le tidimalo, e le gone mo go kaiwang go tlhokega thata mo matlhong a Modimo.

1 Petero 3:4 Iomraidhean Croise

Lipesalema 131:2

Ruri, ke gomoditse mowa wa me, ka o didimatsa; mowa wa me o tshwana le ngwana yo o kgwisitsweng a le fa go mmaagwe; mowa wa me o mo go nna jaaka ngwana yo o kgwisitsweng.

Lipesalema 147:6

Morena o kakatlolola ba ba pelonolo; mme baikepi bona o ba digela fa fatshe.

Lipesalema 149:4

Gonne Morena o natefelwa ke batho ba gagwe; o kgabisa ba ba pelonolo ka pholoso.

Lipesalema 25:9

Ba ba pelonolo o ba tsamaisa ka tshiamo; ba ba pelonolo o ba ruta tsela ya gagwe.

Lipesalema 45:13

Mme bomorwadia Tiro ba tla batla go go kgatlha ka dineo, bona ba ba humileng bogolo mo bathong.

Lipesalema 51:6

Ke wena o le nosi fela yo ke go leofetseng, ka dira se mo matlhong a gago se leng bosula, gore e re fa o bua, o fitlhelwe o siame, mme o le phepa, fa o atlhola.

Yesaye 11:4

Mme o tla atlholela ba ba kwa tlase ka tshiamo, a sekela ba ba pelonolo mo lefatsheng ka nnete; o tla itaya Morena yo o setlhogo ka thupa ya molomo wa gagwe, a bolaya moikepi ka mowa wa molomo wa gagwe.

Yesaye 29:19

Babogisegi ba tla itumela gape mo Moreneng; batho ba ba humanegileng ba tla dudueletsa Moitshepi wa Iseraele.

Yesaye 57:15

Gonne go bua jaana yo o tlotlometseng yo o godimodimo, yo o agileng mo bosakhutleng, yo leina la gagwe e leng Yo-o-Boitshepo, a re: “Ke agile kwa godimodimo le mo felong ga boitshepo. Le gona ke ntse ke na le yo o mowa o ngomogileng, o o kokobeditsweng, gore ke lapolose mewa ya ba ba kokobeditsweng, ke rudise pelo tsa ba ba bogisegileng.

Yesaye 61:1

Mowa wa Morena Modimo o mo go nna, ka gonne Morena o ntloditse, a nthoma go rerela babogisegi mafoko a boitumelo le go alafa ba ba pelo-di-phatlogileng le go itsise batshwarwi kgololo le ba ba golegilweng go bulwa ga kgolegelo,

Yeremie 51:59

Lefoko le moporofeti Jeremia o le laetseng Seraya, morwa Neria, morwa Mahaseya, jale fa Seraya a ya kwa Babele le Setekia, kgosi ya Juta, ka ngwaga wa bone wa puso ya gagwe. Seraya e ne e le mookamedi wa mathibelelo.

Mataio 11:29

Ipeleseng jokwe ya me, lo ithute mo go nna; gonne ke bonolo le boikokobetso mo pelong, mme lo tla bonela mewa ya lona tapologo.

Mataio 21:5

“Bolelelang Morwadia Sione lo re: ‘Bona, Kgosi ya gago e tla go wena, e le bonolo, e palame esele, e bong eselana, ngwana wa esele.’ ”

Mataio 23:26

Mofarisai wa sefofu ke wena! Tlhatswa senwelo ka fa teng pele gore se nne phepa le ka fa ntle.

Mataio 5:5

Go sego ba ba pelonolo; gonne ba tla rua boswa jwa lefatshe.

Luke 11:40

Masilo ke lona! A yo o dirileng se se ka fa ntle ga a dira le sona se se ka fa teng?

Luke 16:15

Mme Jesu a ba raya a re: “Ke lona ba lo itshiamisang fa pele ga batho, mme Modimo o itse dipelo tsa lona; gonne se se tlotlomaditsweng ke batho, ke makgapha fa pele ga Modimo.

Baroma 1:23

Mme kgalalelo ya Modimo o o sa nyeleleng ba e fetola go tshwana le setshwano sa motho yo o nyelelang, le sa dinonyane le sa tse di maoto-mane le tse di gagabang.

Baroma 2:29

Mme Mojuta wa nnete ke yo e leng Mojuta ka mo teng; le thupiso ya nnete ke e e leng ya pelo ka fa moweng, e seng ka fa molaong; poko ya yo o ntseng jalo ga e tswe mo bathong, mme e tswa mo Modimong.

Baroma 6:6

ka re itse gore motho yo mogologolo wa rona o bapotswe nae gore mmele wa boleo o khutlisiwe go leofa, mme re se tlhole re direla boleo;

Baroma 7:22

Gonne ka fa mothong yo o ka mo teng ke itumelela molao wa Modimo.

2 Bakorinta 10:1

Mme nna Paulo ka nosi ke lo rapela ka bopelonolo le bopelonomi jwa ga Keresete, yo e a reng fa ke le koo go lona, ke be ke le boikokobetso, mme fa ke se yo, ke be ke le pelokgale mo go lona.

2 Bakorinta 4:16

Ke ka moo re sa nyemeng moko. Mme le fa bomotho jwa rona jwa ka kwa ntle bo fedisiwa, jo bo kwa teng jone bo ntšhwafadiwa ka letsatsi le letsatsi;

Bagalatia 5:23

le bonolo le boitshwaro le bophepa; dilo tse dintseng jalo, molao ga o ganetsanye natso.

Baefeso 4:2

ka boikokobetso jotlhe le bonolo le bopelotelele le ka go itshokelana mo loratong;

Bakolosa 3:12

Jaanong he, lona ba lo leng batlhaolwi ba Modimo, le baitshepi le barategi, aparang kutlwelo-botlhoko ya pelo le bopelontle le boikokobetso le bonolo le bopelotelele;

Bakolosa 3:3

gonne lo sule, mme botshelo jwa lona bo fitlhegile le Keresete mo Modimong.

1 Batedaloni 4:11

lo itlotle ka go tshela ka boiketlo le go dira tsa lona le go sebetsa ka diatla tsa lona jaaka re lo laetse

2 Batesaloni 3:12

Ba ba ntseng jalo re ba laela, e bile re ba laya ka Morena Jesu Keresete gore ba dire ka tidimalo, ba je dijo tse e leng tsa bone.

1 Timoteo 2:2

le dikgosi le botlhe ba ba leng bagolo, gore re nne le bophelo jwa boiketlo le tidimalo ka poifo-Modimo yotlhe le ka tlotlego.

2 Timoteo 2:25

a be a kgalemele baganetsi ka bonolo, e tle e re gongwe Modimo o ba nee tlhabologo e e isang kitsong ya boammaaruri,

Tito 3:2

ba se kgale ope, ba se batle kgang, mme ba nne bopelontle, ba itshupe ka bonolo jotlhe mo bathong botlhe.

Jakobe 1:21

Ka moo latlhang maswe tlhe le bosula jo bo setseng, lo amogele ka bonolo Lefoko le le tlhomilweng mo go lona, le le nonofileng go pholosa mewa ya lona.

1 Petero 1:23

lo le ba ba tsetsweng gape, e seng ka peo e e nyelelang, mme e le ka e e sa nyeleleng, e bong ka Lefoko la Modimo le le tshelang, le le nnetseng ruri.

1 Petero 3:15

Mme lo itshepise Morena Keresete mo dipelong tsa lona, lo ntse lo iketleeditse go araba mongwe le mongwe yo o batlang boikarabelo mo go lona ka ga tsholofelo e lo nang nayo, mme e nne ka bonolo le ka poifo.

1 Samuele 16:7

Mme Morena a raya Samuele a re: “Se lebe ponalo ya gagwe le seemo se seleele sa gagwe, gonne ke mo ganne; kana Modimo ga o lebe jaaka motho a leba. Gonne motho o bona fela tse di lebaganyeng le matlho, mme Morena o bona pelo.”