1 Petero 3:3 - Setswana 1970

³ Mokgabo wa lona e se ka ya nna wa ka fa ntle wa go loga meriri le go ikgabisa ka gouta le go apara diaparo tsa maphatsiphatsi,

Lefoko: La Botshelo Kgolagano e Ntsha

³ Se kgatlhweng ke bontle jo bo ka fa ntle jo bo mo mekgabong ya gauta, kgotsa diaparo tse di maphatsi-phatsi, kgotsa go itoga moriri.

Bibela ea Boitsépho 1890 (Sechuana Tlhaping - Moffatt Bible)

³ Ba khabo ea bona, e si ne khabo ea kua ntle, go hora meriri, khotsa go roala gouda, khotsa go apara liaparo;

BAEBELE e e Boitshepo

³ Go kgaba ga lona a e se nne go kgaba mo go kwa ntle, e bong ga go iphora moriri loetse, le ga go rwala mekgabo ya gouta, kgotsa ga go apara diaparo tse di maphatsiphatsi;

1 Petero 3:3 Iomraidhean Croise

Genese 24:22

Jaanong ya re dikammele di sena go nwa, monna a ntsha lenyena la gouta le bokete jwa lone e leng bontlhanngwe jwa šekele, a ba a mo rwesa mefitshane e le mebedi mo mabogong e bokete jwa yona e leng dišekele di le some tsa gouta.

Genese 24:47

Ka mmotsa ka re: ‘O morwadia mang?’ A re: ‘Ke morwadia Bethuele, morwa Nahore le Mileka.’ Ke fa ke mo rwesa lenyena mo nkong ya gagwe le mefitshane mo mabogong a gagwe.

Genese 24:53

Motlhanka a ba a ntsha mekgabo ya selefera le ya gouta le diaparo, a di fa Rebeka; kgaitsadie le mmaagwe le bone a ba fa tsa tlhwatlhwa e kgolo.

2 Likhosi 9:30

Mme Jehu a fitlha kwa Iserele. Ya re Isebele a utlwa jalo, a itaka matlho ka setlolo se sentsho, a kgabisa tlhogo ya gagwe, a ba a okomela ka fenstere.

Esetere 5:1

Ka letsatsi la boraro Esetere a apara diaparo tsa bohumagadi, a ya a ema mo lapeng la ka fa teng la ntlo ya kgosi fa go lebanyeng le ntlo ya kgosi, mme kgosi ya bo e dutse mo sedulong sa yona sa bogosi mo ntlong ya bogosi go lebagana le mojako wa ntlo.

Lipesalema 45:9

Diaparo tsotlhe tsa gago di nkga mera le mokgwapha le mookana fela, dipina tsa dikwadi tsa dithapo di go itumedisa, di utlwala mo matlong a borena a dinaka tsa tlou.

Ekesodo 3:22

Mme a mosadi mongwe le mongwe a kope dilo tsa selefera le tsa gouta le diaparo mo mosading wa Moegepeto yo o bapileng nae le mo go ene yo e leng moeng mo lapeng la Moiseraele; lo di apese bomorwa-lona le bomorwadia-lona, lo thukhuthe Baegepeto jalo.”

Ekesodo 32:2

Arone a ba raya a re: “Rolang manyena a gouta a a mo ditsebeng tsa basadi ba lona le tsa bomorwa-lona le tsa bomorwadia-lona, lo a tlise kwano go nna.”

Ekesodo 33:4

E rile batho ba utlwa lefoko le le botlhoko le, ba hutsafala; ga se ka ga nna ope yo o rwalang mokgabo wa gagwe.

Ekesodo 35:22

Ga tla banna le basadi, botlhe ba ba peloditshweu ba tlisa dikgokelo le manyena le dipalamonwana le dibaga, e le dilo tsa mefutafuta tsa gouta; le botlhe ba ba nayang Morena gouta ka go e kgadikanya,

Ekesodo 38:8

Le gona a dira mogopo o o tlhapelang wa kgotlho le lekoto la ona la kgotlho ka diiponi tsa basadi ba ba tshwereng tiro fa mojakong wa Tempelana ya Boipontsho.

Yesaye 52:1

Thanya, thanya, o apare thata ya gago, wena Sione! Apara diaparo tsa gago tsa mokgabo, wena Jerusalema, motse o o boitshepo! Gonne ga go kitla go tlhola go tsena ba ba sa rupang le ba ba itshekologileng mo go wena.

Yesaye 61:10

Ke itumela ka pelo yotlhe mo Moreneng! A mowa wa me o dudueletse Modimo wa me! Gonne o nkapesitse diaparo tsa pholoso, a nkhurumetsa ka kobo ya tshiamo jaaka monyadi a rwala mokgabo wa tlhogo wa moperesiti, le jaaka monyalwa a ikgabisa ka mekgabiso ya gagwe.

Yeremie 2:32

A lekgarebe le lebala mokgabo wa lone? A monyalwa o lebala moitlamo wa gagwe? Mme batho ba me ga ba bolo go ntebala, e setse e le malatsi a a se nang palo.

Yeremie 4:30

Wena Jerusalema yo o gateletsweng, o tla dirang? Le fa o ka apara masela a mahibidu a mantle jaaka mosadi; le fa o ka kgaba ka mekgabiso ya gouta; le fa o ka budulola matlho ka setlolo se sentsho, o ikgabisetsa lefela. Barati ba a go nyatsa. Se ba se batlang ke bophelo jwa gago.

Esekiele 23:40

“Le gona ba romile kwa banneng ba ba tswang kwa kgakala; fa morongwi a sena go rongwa kwa go bone, ba tla. Jaanong wena wa tlhapa, wa iphotla sefatlhego, wa apara tsa mekgabo ka ntlha ya bone.

Baroma 12:2

Lo se ka lwa tshwana le lefatshe leno, mme fetogang ka go ntšhwafadiwa maikutlo, gore lo tlhotlhomise se e leng thato ya Modimo e e molemo, e e kgatlhang, e e botlalo.

1 Petero 3:2

fa ba bona tsamao e e phepa ya lona ya poifo-Modimo.