1 Petero 2:9 - Setswana 1970

⁹ Mme lona lo losika lo lo tlhaotsweng, lo boperesiti jwa bogosi le morafe o o boitshepo le baruiwa ba Modimo, gore lo tumise ditiro tse dikgolo tsa yo o lo biditseng go tswa mo lefifing, go tsena mo leseding la gagwe le le gakgamatsang,

Lefoko: La Botshelo Kgolagano e Ntsha

⁹ Mme ga lo a nna jalo, gonne lo tlhophilwe ke Modimo ka bo One, lo baperesiti ba Kgosi, lo boitshepo ebile lo a galalela, lo ba Modimo tota, tse tsotlhe e le gore lo tle lo supegetse ba bangwe ka fa Modimo o lo biditseng ka teng go lo ntsha mo lefifing go tsena mo leseding la one le le ntle.

Bibela ea Boitsépho 1890 (Sechuana Tlhaping - Moffatt Bible)

⁹ Mi lona lo losika lo lo itseñkecoeñ, le boperiseto yoa bogosi, le morahe oa boitsepho, le bathu ba ba rekiloeñ; gore lo shupe bonatla yoa gague, eo o lo biritseñ mo hihiñ, go ea leseriñ ye le gakhamatsañ;

BAEBELE e e Boitshepo

⁹ Mme lona lo losika lo lo itshenketsweng, lo boperesiti jwa segosi, morafe o o boitshepo, lo tšhaba e e ruilweng ke Modimo ka sebele, gore lo tle lo bonatse go tlotlomala ga yo o lo biditseng, a lo bitsa lo le mo lefifing, a lo isa leseding la gagwe le le gakgamatsang;

1 Petero 2:9 Iomraidhean Croise

Lipesalema 106:5

gore ke jese matlho ka go leba letlhogonolo la baitlhaolelwi ba gago, ke be ke thabele boitumelo jwa setšhaba sa gago le go belafala mmogo le boswa jwa gago.

Lipesalema 118:27

Morena ke Modimo, mme o re neile lesedi. Bofang seruiwa sa tlhabelo ya moletlo ka dikgole gore se fitlhe fa dinakeng tsa aletare.

Lipesalema 135:4

Gonne Morena o itlhophetse Jakobe, e bong Iseraele go nna wa gagwe.

Lipesalema 22:30

Botlhe ba ba robetseng mo diphupung ba tla obamela ene fela; botlhe ba ba fologetseng kwa leroleng ba tla khubama fa pele ga gagwe, mme ke ene yo mowa wa me o mo phelelang.

Lipesalema 33:12

Go sego morafe o Morena e leng Modimo wa ona, batho ba a ba itlhaoletseng go nna boswa jwa gagwe.

Lipesalema 73:15

Fa nka bo ke rile, ke tla bolela jaaka bona, nka bo ke diretse losika lwa bana ba gago ka boikanyologo.

Yesaye 26:2

Bulang dikgoro gore go tsene setšhaba se se siameng se se bolokang boikanyo.

Yesaye 41:8

“Mme wena Iseraele, motlhanka wa me; wena Jakobe, yo ke go itlhaoletseng; losika lwa ga Aborahame, tsala ya me;

Yesaye 42:16

“Ke tla goga difofu mo tseleng e di sa e itseng, ke di tsamaisa mo ditselaneng tse di iseng di di gate. Ke tla fetola lefifi lesedi fa pele ga tsona, le naga e e magwata lebala. Dilo tse ke tla di dira. Ga nkitla ke di lesa.

Yesaye 44:1

“Mme jaanong utlwa, Jakobe, motlhanka wa me, le wena Iseraele yo ke mo itlhaoletseng.

Yesaye 61:6

Mme lona lo tla bidiwa baperesiti ba Morena; ba tla lo bitsa badiredi ba Modimo wa rona. Lo tla ja khumo ya ditšhaba, lo itumisa ka kgalalelo ya tsona.

Yesaye 62:12

Ba tla bidiwa “Morafe o o Boitshepo” le “Ba ba golotsweng ba Morena”. Mme wena o tla bidiwa “Yo o batlilweng” le “Motse o o sa tlogelweng”.

Yesaye 66:21

“Le gona ke tla ntsha bangwe mo go bone gore ba nne baperesiti le Balefi,” go bua Morena.

Yesaye 9:2

Batho ba ba sepelang mo fifing ba bonye lesedi le legolo; ba ba agileng mo lefatsheng la moriti wa loso, lesedi le ba phatsimetse.

Malakie 3:17

“E tla re ka letsatsi le ke le etleetsang ba nne ba me,” go bua Morena wa masomosomo; “ke tla ba rekegela jaaka monna a rekegela morwawe yo o mo direlang.

Mataio 4:16

morafe o o ntseng mo lefifing o bonye lesedi le legolo; ba ba dutseng mo lefatsheng la loso le mo moriting wa loso, lesedi le ba tlhabetse.”

Mataio 5:16

A lesedi la lona le bonegele batho jalo gore ba bone ditiro tsa lona tse di siameng, ba tle ba galaletse Rraalona yo o kwa magodimong.

Luke 1:79

go sedimosetsa ba ba ntseng mo lefifing le mo moriting wa loso, go siamisetsa dinao tsa rona mo tseleng ya kagiso.”

Johane 17:19

Ke iitshepisa ka ntlha ya bone gore le bone e nne ba ba itshepisitsweng ka boammaaruri.

Ditiro 20:28

Lo itise, lo be lo dise letsomane lotlhe le Mowa o o Boitshepo o lo beileng go nna baokamedi ba lone, gore lo fudise phuthego ya Modimo e o e itheketseng ka madi a ona.

Ditiro 26:18

go ba budulola matlho gore ba sokologe, ba tswe mo lefifing, ba tsene leseding, ba tswe mo thateng ya ga Satane, ba ineele Modimo, gore ba amogele boitshwarelo jwa dibe le boswa mmogo le ba ba itshepisitsweng ka go dumela mo go nna.’

Ditiro 26:28

Mme Ageripa a raya Paulo a re: “O gaufi le go nkgona go ntira Mokeresete.”

Baroma 9:24

Le rona o re biditse jalo, e seng mo Bajuteng fela, mme le mo baheitaneng;

1 Bakorinta 3:17

Fa mongwe a senya Tempele ya Modimo, Modimo o tla mo senya; gonne Tempele ya Modimo e boitshepo, e lo leng yona.

Baefeso 1:14

o e leng sebeelelo sa boswa jwa rona, gore go gololwe ba e leng ba ona go boka kgalalelo ya ona.

Baefeso 1:6

gore go bokwe kgalalelo ya bopelotlhomogi jwa ona jo o re tlhomogetseng pelo ka jona ka Morwaa-ona yo o ratwang.

Baefeso 3:21

a kgalalelo e nne ya ona mo phuthegong le mo go Keresete Jesu go ya tshikatshikeng tsa bosakhutleng. Amen.

Deuteronome 10:15

Mme ke borraeno fela ba ba neng ba kgatlha Morena gore a ba rate; a ba a tlhopha lona ba losika lwa bone sehularong sa bone mo merafeng yotlhe jaaka go ntse kajeno.

Deuteronome 14:2

Gonne lo morafe o o boitshepo wa Morena, Modimo wa lona. Morena o lo tlhophile mo merafeng yotlhe e e mo lefatsheng gore lo nne morafe wa gagwe.

Deuteronome 18:2

Molefi a se ka a nna le boswa mo go ba ga gabo. Boswa jwa gagwe ke Morena jaaka a mo solofeditse.

Deuteronome 4:20

Mme lona Morena o lo tsere, a lo ntsha mo leisong le le gakolosang tshipi, e bong kwa Egepeto gore lo nne morafe wa gagwe wa boswa jaaka go ntse gompieno.

Deuteronome 7:6

Gonne lo morafe o o itshepetseng Morena, Modimo wa lona. Morena, Modimo wa lona, o lo tlhophile go nna morafe wa gagwe o a o ruileng, a o tlhaotse mo merafeng yotlhe e e mo lefatsheng.

Bafilipi 3:14

Ke sianela bokhutlong jwa tshiano, ke tabogela sekgele sa pitso ya legodimo ya Modimo mo go Keresete Jesu.

Bakolosa 1:13

a re golola mo thateng ya lefifi, a re tsenya mo pusong ya Morwaa-ona wa lorato

2 Timoteo 1:9

o o re pholositseng, wa re bitsa ka pitso e e boitshepo, e seng ka fa ditirong tsa rona, mme e le ka fa boikaelelong jwa ona le ka fa bopelotlhomoging jo re sa leng re bo newa mo go Keresete Jesu pele ga metlha e e se nang tshimologo,

Tito 2:14

yo o re ineeletseng losong gore a re golole mo tshiamololong yotlhe, a be a itshekise batho gore e nne ba gagwe ba ba tlhoafaletseng ditiro tse di molemo.

1 Petero 1:2

ka fa maikaelelong-pele a Modimo Rara ka boitshepiso jwa Mowa, gore ba utlwe Jesu Keresete, ba kgatshiwe ka madi a gagwe: A bopelotlhomogi le kagiso di lo ntsifalele!

1 Petero 2:5

ineeleng go agiwa jaaka majwe a a tshelang go nna ntlo ya Mowa, ya boperesiti jo bo itshepileng, go tsisa ditlhabelo tsa Mowa tse di kgatlhang Modimo ka Jesu Keresete.

1 Petero 4:11

Fa mongwe a bua, a e nne jaaka fa a bua mafoko a Modimo; fa mongwe a direla, a a direle ka thata e Modimo o e mo abelang, gore mo dilong tsotlhe go galalediwe Modimo ka Jesu Keresete, yo kgalalelo e leng ya gagwe le thata go ya bosakhutleng. Amen.

Tshenolo 1:6

a ba a re dira dikgosi le baperesiti ba Modimo, Rraagwe; a kgalalelo e nne ya gagwe le thata go ya bosakhutleng! Amen.

Tshenolo 20:6

Go sego, go bile go boitshepo ene yo o nang le seabe mo tsogong ya ntlha. Mo go bao loso lwa bobedi ga lo na thata epe, mme ba tla nna baperesiti ba Modimo le ba ga Keresete, ba busa nae dinyaga tse kete.

Tshenolo 5:10

wa ba dira dikgosi le baperesiti ba Modimo wa rona ba ba tla busang mo lefatsheng.”

1 Samuele 12:22

Gonne Morena ga a kitla a latlha morafe wa gagwe ka ntlha ya leina le legolo la gagwe, ka Morena a ratile go lo dira morafe wa gagwe.