1 Petero 1:1 - Setswana 1970

¹ Nna Petoro, moapostolo wa ga Jesu Keresete, ke kwalela baeng ba e leng bafaladi kwa Ponto le Galatia le Kapatokia le Asia le Bithinia, ba ba tlhaotsweng

Lefoko: La Botshelo Kgolagano e Ntsha

¹ Lokwalo lo lo tswang kwa go: Petere, mo rongwa wa ga Jesu Keresete. A kwalela: Bakeresete ba Bajuta ba ba lelekilweng mo Jerusalema mme ba falalela mo Pontose, Galalea, Kapadosia, Ausia, le Bethania.

Bibela ea Boitsépho 1890 (Sechuana Tlhaping - Moffatt Bible)

¹ PETERO, moapostoloi oa ga Yesu Keresete, go baeñ ba ba halalelericoeñ kua Ponta, le Galatia, le Kapadokia, le Asia, le Betunia,

BAEBELE e e Boitshepo

¹ Ke nna Petere, moaposetole wa ga Jesu Keresete, ke kwalela baitshenkedwi ba e leng bajaki ba Phaladi kwa lefatsheng la Ponto, le la Galatia, le la Kapatokia, le la Asia, le la Bithunia,

1 Petero 1:1 Iomraidhean Croise

Esetere 3:8

Ke fa Hamane a raya kgosi Ahasewerose a re: “Go na le morafe mongwe o o faletseng, o o lomologanyeng le ba bangwe mo gare ga merafe mo mafatsheng otlhe a puso ya gago. Mme melao ya ona ga e tshwane le ya morafe ope. Le gona ga ba dire ka fa melaong ya kgosi. Kana ga go a tshwanela kgosi go ba lesa jalo.

Lipesalema 44:11

O re katisa ka morago fa pele ga mmaba, mme ba ba re tlhoileng ba thopa di-tsa-rona.

Esekiele 6:8

“ ‘E tla re lo falalediwa kwa mafatsheng, ke sadise bangwe ba lona ba ba falotseng mo tšhakeng; ba tla nna kwa ditšhabeng.

Levitiko 26:33

Mme lona ke tla lo phatlalaletsa kwa baheitaneng, ke somola tšhaka, ke lo koba ka yona, mme lefatshe la lona le tla fetoga sekaka le metse ya lona e nna matlotla fela.

Mataio 10:2

Maina a baapostolo ba ba 12 ke a: Wa ntlha ke Simone yo o bidiwang Petoro, le Andrea morwa-rraagwe; le Jakobo wa ga Sebeteo, le Johane morwa-rraagwe;

Mataio 24:22

Mme fa malatsi ao a ka bo a sa khutshwafadiwa, go ka bo go sa pholosiwe motho ope; mme malatsi ao a tla khutshwafadiwa ka ntlha ya batlhaolwi.

Mataio 4:18

Ya re a tsamaya fa letsheng la Galelea, a bona bana ba motho ba le babedi, e bong Simone yo o bidiwang Petoro le Andrea morwa-rraagwe, ba digela letloa mo letsheng; gonne e ne e le batshwari ba ditlhapi.

Luke 18:7

A Modimo ona ga o nke o atlholela baitlhaolelwi ba ona ba ba o tlhaeletsang bosigo le motshegare, gongwe a o ka ba diegela?

Johane 11:52

e seng morafe oo fela, mme le gona e le gore a phuthe bana ba Modimo ba ba faladitsweng, a ba kopanye.

Johane 7:35

Foo Bajuta ba raana ba re: “Yoo o tla ya kae, fa a re, ga re ka ke ra mmona? A o tla ya kwa go ba ba falaletseng kwa Bagerikeng, a ya go ruta Bagerika?

Ditiro 18:2

A fitlhela Mojuta mongwe teng yo leina la gagwe e leng Akwila, e le yo o tsaletsweng kwa Ponto, yo e leng gona a tswang kwa Italia, a na le Perisila mosadi wa gagwe; ka gonne Kelaudio o ne a laotse gore Bajuta botlhe ba tloge mo Roma, mme Paulo a ya kwa go bone.

Ditiro 18:23

Ya re a sena go nna sebaka teng, a tloga, a ralala lefatshe la Galatia le la Feregia ka go tlhomoganya mafelo, a tiisa barutwa botlhe.

Ditiro 19:10

Selo se sa dirafala dinyaga di le pedi, mo botlhe ba ba agileng mo Asia ba bileng ba utlwa Lefoko la Morena, Bajuta le Bagerika.

Ditiro 6:9

Jaanong ga tsoga bangwe ba e leng ba senagoge se se bidiwang sa Balibertine le Bakirene le Baaleksanteria, le ba ba tswang kwa Kilekia le Asia, ba ganetsanya le Setefane.

Ditiro 8:4

Jaanong ba ba faladitsweng ba ya le naga, ba eta ba rera lefoko la Efangele.

1 Bakorinta 16:19

Diphuthego tsa Asia di a lo dumedisa. Akwila le Perisila ba lo dumedisa thata mo Moreneng, le phuthego e e mo ntlong ya bone.

2 Bakorinta 1:8

Gonne bakaulengwe, ga re rate gore lo tlhoke go itse ka ga pitlagano ya rona e e re dirafaletseng kwa Asia, gore re ne re tlaletswe bogolo go feta thata ya rona, mo re bileng ra tlhoboga le matshelo a rona.

Bagalatia 1:2

le bakaulengwe botlhe ba ba nang le nna, re kwalela diphuthego tsa Galatia:

Baefeso 2:12

mo metlheng eo lo ne lo se na Keresete, lo le kwa ntle ga morafe wa Modimo wa Iseraele, lo le baeng mo dikgolaganong tsa tsholofetso, lo se na tsholofelo epe, lo se na Modimo mo lefatsheng.

Baefeso 2:19

Jaanong he, ga lo tlhole lo le baeng le bajaki, mme lo ba morafe mmogo le baitshepi, lo ba ntlo ya Modimo,

Deuteronome 28:64

“Morena o tla go phatlalaletsa kwa merafeng yotlhe go tswa mafelelong a lefatshe go ya mafelelong a lefatshe; teng o tla direla medimo e sele ya dikota le ya majwe, e o neng o sa e itse le e seng borraeno.

Deuteronome 32:26

Nka bo ke rile: Ke tla ba budula, ke khutlisa batho go ba gopola,

Deuteronome 4:27

Morena o tla lo falaletsa kwa merafeng, mme lo tla sala lo le ba se kae fela mo ditšhabeng kwa Morena a tla lo isang teng.

2 Timoteo 1:15

Kana o itse gore batho botlhe ba kwa Asia ba nkhularetse, ba Figelo le Heremogene e leng bangwe ba bone.

Bahebera 11:13

Botlhe bao ba swetse mo tumelong, ba ise ba amogele tse ba di solofeditsweng, mme ba di bonetse kgakala, ba be ba di itumelela; e bile ba ipolela gore ke baeng le baeti mo lefatsheng.

Jakobe 1:1

Nna Jakobo, motlhanka wa Modimo le wa Morena Jesu Keresete, ke kwalela ditso tse di 12 tse di faletseng. Dumelang!

1 Petero 2:11

Baratwi, ke kgothatsa lona, ba lo leng bajaki le baeng gore lo ikilele mo dikeletsong tsa nama tse di tlhabanang le mowa,

2 Petero 1:1

Nna Simone Petoro, motlhanka le moapostolo wa ga Jesu Keresete, ke kwalela ba ba neilweng tumelo ya botlhokwa jaaka rona ka tshiamo ya Modimo wa rona le ya Mopholosi Jesu Keresete:

Tshenolo 1:11

le re: “Se o se bonang, o se kwale mo lokwalong, o lo romele kwa diphuthegong tse di supang, kwa Efeso le Semerina le Peregamo le Thiatira le Saredise le Filatelefia le Laodikea.”