Bafilipi 3:3 - BAEBELE e e Boitshepo

³ Gonne bogwera ke rona ba re obamang ka Mowa wa Modimo, re ipelafatsa ka Keresete Jesu, re bile re se na boikanyo bope mo nameng.

Lefoko: La Botshelo Kgolagano e Ntsha

³ Gonne ga se go segwa ga mebele ya rona mo go reirang bana ba Modimo; ke go mo obamela ka mewa ya rona. E ke yone “thupiso” ya boammaaruri. Rona Bakeresete re galalela mo go se Keresete Jesu a se re diretseng ebile re lemoga gore ga re kake ra ithusa go ipoloka.

Setswana 1970

³ Gonne ba ba rupileng tota ke rona ba re direlang Modimo ka Mowa, re ipoka ka Keresete Jesu, re sa ikanye nama,

Bibela ea Boitsépho 1890 (Sechuana Tlhaping - Moffatt Bible)

³ Gone boguera ki rona ba re rihelañ Morimo mo moeeñ, le go belahala mo go Keresete Yesu, mi ga re na boikanyo mo nameñ.

Bafilipi 3:3 Iomraidhean Croise

Lipesalema 105:3

Kgantshang ka leina la gagwe le le boitshepo; a dipelo tsa ba ba batlang Jehofa di itumele.

Yesaye 45:25

Jehofa ke ene yo losika lotlhe lwa Iseraele lo tlaa siamisiwang mo go ene, lo ba lo kgantsha ka ene.”

Yeremie 4:4

Ithupisetseng Jehofa, lo tlose bokgola ja pelo tsa lona, lona banna ba Juta le banni ba Jerusalema; tšarafalo ya me e ka tla ya tswa jaaka molelo, ya tuka mo go sa kakeng ga tingwa ke ope, ka ntlha ya bosula jwa ditiro tsa lona.”

Yeremie 9:26

Egepeto, le Juta, le Etome, le bana ba Amone, le Moabe, le botlhe ba ba sekotsweng ditlhogo, ba ba agileng mo nageng, gonne merafe yotlhe ga e a rupa, le ba ntlo ya Iseraele botlhe ga ba a rupa mo pelong.”

Malakie 1:11

Gonne go tswa botlhabatsatsi go ya fela phirimong ya lone, leina la me le legolo mo Merafeng; mme mo felong gongwe le gongwe maswalo a isediwa leina la me, le tshupelo e e itshekileng; gonne leina la me le legolo mo merafeng.” Go bua Jehofa wa masomosomo.

Baroma 1:9

Gonne Modimo o ke o direlang ka mowa wa me, mo Mafokong a a Molemo a Morwa wa one, ke mosupi wa me, wa ka fa ke sa khutleng go lo umaka ka teng.

Baroma 15:17

Ke gone ke na le go ipelafatsa ga me mo go Keresete Jesu, ka ga dilo tse e leng tsa Modimo.

Baroma 7:6

Jaanong re golotswe mo molaong, ka re sule ka ga se re neng re golegilwe ke sone; jalo re direla Modimo ka boša jwa mowa, e seng ka bogologolo jwa ditlhaka tsa lokwalo.

Baroma 8:15

Gonne ga lo a amogela Mowa wa botlhanka go tla lo boifa gape; mme lo amogetse mowa wa bongwana, o re bitsang ka one re re: “Aba,” ke go re: “Rara.”

Baroma 8:39

go le bogodimo, go le boteng, le fa e ka bo e le sebopiwa sengwe se sele, ga go ketla go nonofa sepe go re kgaoganya le lorato lwa Modimo, lo lo mo go Keresete Jesu Morena wa rona.

Baroma 9:6

E be e se go re go tshwana jaaka e kete lefoko la Modimo le nyeletse. Gonne ga se go re, ba ba tswang mo go Iseraele, ke Baiseraele botlhe.

2 Bakorinta 11:18

E re ka batho ba le bantsi ba tle ba belafale ka fa nameng, le nna ke tlaa belafala.

Bagalatia 5:25

Fa re tshela ka Mowa, le gone a re sepeleng ka Mowa.

Bagalatia 6:16

Botlhe ba ba tlaa sepelang ka fa molaong o, a kagiso e nne mo go bone, le boutlwelobotlhoko, le mo go Iseraele wa Modimo.

Baefeso 6:18

lo ntse lo rapela ka metlha yotlhe mo Moweng, ka thapelo yotlhe le kokotlelo, lo ntse lo nnetse gone ka botswelelo pele jotlhe, lo ntse lo kokotlelela baitshepi botlhe,

Deuteronome 10:16

Ke gone rupisang dipelo tsa lona, mme lo se tlhole lo nna thamo di thata.

Deuteronome 30:6

Jehofa Modimo wa gago o tlaa go rupisa pelo, le pelo ya losika lwa gago, go tla a lo ratisa Jehofa Modimo wa gago ka pelo yotlhe ya gago, le ka mowa otlhe wa gago gore o tle o tshele.

Bafilipi 1:1

Ke nna Paulo, ke na le Timotheo, re batlhanka ba ga Keresete Jesu; re kwalela baitshepi botlhe ba ba kwa Filipi, ba ba mo go Keresete Jesu, ba na le baokami le batiakone:

Bafilipi 3:12

Ga se go re ke setse ke fitlhile, le fa e le gore ke setse ke itekanetse; mme ke lekela kwa pele, e tle e re kgotsa ke tshware se e leng sone le nna ke se tshwaretsweng ke Keresete Jesu.

Bafilipi 3:14

Ke lekela ka thata kwa sekaong, ke ya go tsaya sekgele sa piletsogodimo ya Modimo mo go Keresete Jesu.

Bakolosa 2:11

Yo lo bileng lo rupisitswe mo go ene ka thupiso e e sa dirwang ka diatla, e bong mo go apoleng mmele wa senama, mo thupisong ya ga Keresete;

Juda 1:20

Mme lona baratwa, lo re lo ntse lo ikaga mo tumelong ya lona e e itshepileng segolo, le lo ntse lo rapela mo Moweng o o Boitshepo,