Tite 1:2 - New Testament in Mitsogo

² Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Tite 1:2 Iomraidhean Croise

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

Marc 10:17

Vamaba Jésus aka gô keaga gô nzéa, mômôgôô amaviga pita na gôndé angô. Amasiba mabongome va mbene aJésus. Angô mbe: Ewe môékédi ôndé ti môékédi amôsoba, aabéa me. ?Gôéba na monyo amôbô na môbô nangeenda nayee?

Marc 10:30

angô angootéa édiia gô pitsi yedi. Vamatsikangô eba ôvo, angaba na môkama ayeba. Amatsika muanayeedi môvo, angaba na môkama aneyee. Na iyee te mônongovo. N’anee te mônongovo. Na tsagaye, te nane. Angadiia dôta gékuanô. Gô pitsiye yagô mbene angaba na monyo amôbô na môbô.

Jean 10:28

Me neetsa mangô monyo amôbô na môbô na masangawa. Gôsaba môma oongôa émawata gô mogo mami.

Jean 17:2

Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Jean 6:54

One asinga éaa ôtôe wami na asinga ényua nzinaye yami andé na monyo ôsavikôdéani. Me nangamôkundua g’ôwa gô pitsi yamôyusumédu.

Jean 6:68

Simon Pierre amamôaabéa na nyivô mbe: ?Kumu, we tôngakea na gôndé ndaa? Ewe ôndé na mabégôme meetsa monyo amôbô na môbô.

Mayanzame 15:18

Oôkôni éne émavovo Kumu Nzambé ône asabômu mabégô mema bandôa va mbeego.

Romains 1:2

Matendeo MaNzambé matônigôa mane mamavovo apandôédi amatasa maNzambé mbe: Nzambé amavanga mbeego mbe angatôkudégéa Tsangô éedi Eamôsôba.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Romains 5:21

Va mbeego ébéva émabaka n’otômu gôétôétsa ôwa. Ivô ndéô yedi ngeba yaNzambé dindé n’otômu gô étsimama éedi gôétôétsa monyo amôbô na môbô. Monyoe ône ôndéké gôndé Kumu asô n’anyô Jésus-Christ.

Romains 5:4

Obibo na môvinéné dôta ôtsigéda we ngudi gôédiia gô mane makanégu wa n’anyô kabaga tôtsedu gô mangô. Na vadiia wa n’anyô gô éne ékanégu wa n’anyô, éne éténdéda wa n’anyô éngeenanô.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Colosses 1:27

Gôndé omedi Nzambé amanyôngéô éamenyeda étasee éedi éndé évôni na éôtéa n’okitie wetso na ôndômbee wetso. Amakônza éangô gôndé mongo metso mava tsina. Nôéni éne ésinigôganéôkôni na mbeego te éangô édué. Amuene Jésus‐Christ andéké gô mitéma mianyô na anônôtôa buétsé éndé n’anyô mbe nôsangadôtsuma paga gô mabégô mondômba aNzambé ôténdédanye.

1 Thessaloniciens 2:15

Ajuife ane te ane amayôha Kumu Jésus, na amayôha apandôédi amatasa maNzambé, na amakuana me. Aseenda ganyôngéô Nzambé. Andé adudeo oma muetso.

1 Thessaloniciens 5:8

Géé wa n’anyô tôndé oma agévede na tôndé ékenge gébé gô édangi. Gandé môgode aata ngoyi éamianga, tôaaténi mabégô maJésus masatsuma we paga mameetsa we mitémamie, na tôaaténi étondo. Gaata môgode gépôkôdô samianga gô môtse, tôaaténi géobogeo. Sangô te tsoongone éasô n’anyô étôebakanédani.

I Timothée 6:12

Genya na ngudi ébadie éamôsôba gôédiia éne éténdéda we gébé na paga. Ombianzeegeda monyo ôsakôdéakani. Gôébégô Nzambé amabambéa éwe gôéadiia. Na ômanigôa gébé na tsoyi mane mavangani éwe na Nzambé va mbene oma ayekani agôbononi.

I Timothée 6:19

Gôénda ahngô nane, andé gôévaga ôkiti ôvôni agétangégé na ôsagôgani. Na angadiia monyoe apie amôbô na môbô.

II Timothée 1:1

Oô te me Paul namatômu na Jésus‐Christ gamanyôngéô Nzambé. Namasevou gôénigôa gamavangana Nzambé na wa n’anyô monyoe ôtôdiia vatôvamba évambevo na Jésus‐Christ.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

II Timothée 2:10

T’ebandô nasinga maguga mema gôndé avo oma, buta mbe ane amasevou na Nzambé angeengéa gô géobogeo géndé gôndé Jésus‐Christ. Na angeengéa dôta g’ôndômbee ôsakôdéakani ag’ôba.

II Timothée 2:13

Buéyé mbe we te oma agébé na mavôma Angô te Kumu amavôma. Gôébégô angô asangoongôa épenganéda mônongoe wedi.

II Timothée 2:15

Ewe Timothée, gényôga gôéétsô na Nzambé ôséngu ôétsô môyanzani asaba na tsoyi gô éyanzee éedi gôébégô eekéda ti kuanakue Mane Mamavovo Nzambé mandé n’edi.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

Tite 2:7

Ewe Tite, ôtévéda ahngô gô mônongoe woo gayanza mônzambu mabégô mamisôba. Odigaa na môtéma ômasumani gôéékéda mabégô mavôni mandéké n’ewe.

Tite 3:7

Ameenda nane te mbe gô ngeba yedi tôngeenanô na Nzambé ti eembe tôsaba n’oési, na tôngadiia monyoe ôsakôdéakani, ône ôténdéda wa n’anyô.

I Jean 2:25

Nôeni éne émavanga Christ gôétôétsa te monyo amôbô na môbô.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

Jude 1:21

Nômbiaagana n’etondo éaNzambé. Sipani gô éangô, nôndé gôéenea monyo ôsakôdéakani, ône ôngeetsô wa n’anyô na Kumu asô n’anyô Jésus‐Christ gô ngeba yedi.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 17:8

Gényamanyama gegé gémadônga ivô n’atsatsee gésadôngadô. Gémakusa gô éduku éamongodi gémakea gôébungana. Asi tsinane nyetso ane ahsaba na mina maô mamatendu v’ebandô atsina n’oba gô môganda amonyo, ahngatsapéô veenahngô Gényamanyama. Gôébégô sangô gémadônga va mbeego na gémabungana na géngatsutsuga.