Tite 1:12 - New Testament in Mitsogo

¹² Môsi tsenge éaô éaCrète amapandôéda mônongoe waô va mbeego mbe: Asi Crète, bandôa va mbeego te asi môkôbé, n’asi dibagaa, n’asi dakadaka. Saô gémba te aakagane.

Tite 1:12 Iomraidhean Croise

Mayanzame 17:28

Ematendu mbe: Gô ngudi yedi tôvéguma na gô ngudi yedi tôpupa. Na gô ngudi yedi tôndéké deo noo. Te éne émanigôa atendie wanyô mbe: Na tôndéké anedi.

Mayanzame 2:11

Tôndéké te ane amabôtu gô éongo éAjuif na ane ameengéa gô gésôga sAjuif. We agenda tômaviga dôta gô Crète na go Arabie. Buéyé nane, we muetso tôôkô na vede gavovo omeaa yôgiye yasô yaminongo mietso gôékuméda Nzambé gô mayanza medi mavôni.

Mayanzame 27:12

Ehbôngô ésinyepe gôédigaa pitsi diyekani gôémangôa ndéône nyetso éasodi wangô. T’ebandô asi môtôôe amanyôngéô énôtôga vangô gôékea na gô Phénix. Phénix te éhbôngô éndé gô Crète gésa gédôngu gôpénda kômbéne. Te tungune ényepa gô ndéône éasodi.

Mayanzame 27:13

Nyovo ôpunga ônyepani ôviga gô dongu ômavumbéa. Anugie ameenda mbe: N’opungee ône tôngabuéa. Amaduta môkodie gôéenôa étaé émasipaka mbôngône gô mbéyi kabaga ékea. Na tômakea. Tômagônga gô môvamba aCrète.

Mayanzame 27:7

Gô pitsi diyekani tômakea vage na vage. Tômabaka na panda dipôni gôébuéa gô môsenge ôéndô mbe Cnide, na tôsitsegé wangô. Gékungage gémeebakanéda we gôéomba éwesea na gésa géne. Vane tômoota gô Cap Salmoné gôégônga gô môvamba anéngé ééndô mbe Crète.

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

Philippiens 3:19

Ekôdéô éaô te gébunganéô. Saô gémba te aakagane. Anyemôga gôékuméda mabégô mayanzangô matsoyi. Matasa maô metso te gô mane matsengene.

I Timothée 4:2

Angasinga étévédu nyene nzéa n’ôma enyepa éamiônya na apatie. Gômekaganô atévie ane na mabégô madiboe, mitéma maô mimamana éoodo ga mataé na misatsundéda ahngô go diboeye yaô.

Tite 1:5

Me Paul namagôtsika gô tsenge éaCrète buta mbe ômangôa ékônza mabégôme magô mbumu éaNzambé. Na mbe ôétsa ényangee éopeeye gôndé ane angasevouni gô mbumu éaNzambé gô môsenge na môsenge. Bangôa gamatévéda me éwe gô ébégôe éne.

II Pierre 2:12

Ivô eekédi adiboe ahgono na nyama yagô pindi diinda minongo miaô mimeekaganô n’ahngô. Nyamaye dine dimabôtu te gôétsôpu na gôéyôhu. Eekédi adiboe ahbuanya mabégôme masookô ahngô. Ahngô angabunganédu ga nyama yagô pindi.

II Pierre 2:15

Amanôtôga gô nzéa éetsimama. Ahmaanda nzéane émakea Balaam, muana aBosor, ône amanyôngéô ôkiti ôngadiiangô gô mayanza medi mabévani.