Tite 1:10 - New Testament in Mitsogo

¹⁰ Menya mbe gôndéké oma ayekani, ti gandé gô géômbé sAjuif amasinga Jésus, andé akékôani na abôméda akaô gô mavovia maô masaba na tsoongo.

Tite 1:10 Iomraidhean Croise

Matthieu 23:14

Ti go maguga mande n’anye anigoi amige miaNzambe n’Apharisien. Nônde ti anyepi amiônya. Anye nôeesuéa mikue vipesuvie vinde n’ahngo. N’anye nôsambéda disambô ditongoni gôétubéda ényepee éanyô. T’ebandô gésisédéô sanyô géngootéa édaga.]

Mayanzame 11:2

Vamanika Pierre na gô Jérusalem, asi mbumu éaNzambé gô éongo éAjuif amamôtsundéda.

Mayanzame 15:1

Avo amôgôô amaviga gô Judée na gô Antioche. Ameekéda asi mbumu éaNzambé mbe: Anye amôgôô n’asô nôsangoongôa éengéa gô géobogeo, anye gégeetu gô gésôgage gématsikéô we na Moïse.

Mayanzame 15:24

Tômookô mbe avo oma amatimôga éva gôébuéa na gôndé anye. Gô mavovia maô amayungéda anye na ameetsanye mikebanganô. Menyani mbe kaka we tômatôma ahngô na gôndé anye.

Mayanzame 20:29

Me tsabômu éne éngabuéa gô ngimami. Gôngaviga avo amôgôô agono na émbungu étsongono va gatse amandombo. Na éangô éseena mandombo ngeba.

Galatie 2:4

Béyé gamanyôngéô avo mbe ageetu. Ahngô te ane ahmagésangana n’asô ahmapataka mbe: We te ana aTéta. Ahmeengéa na wada gôévôtanganô mônongo agétabé géndéké n’asô n’anyô gôtôvamba na Jésus‐Christ. Ahmanyôngéô étônikéda g’ôvéga.

Galatie 3:1

?Ah ti anye asi Galatie nômavétsa mikambô‐a? ?Te ngangane ébômédi anye‐a? Nômani éôkô na vede mane mowa aJésus va gésumu sowa.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

I Timothée 1:4

Dékéda ahngô mbe: Nômbiapakéda matangôtangô mbe te mabégô mapie. Nômbiatanda bikudumie misaba n’ekôdéô, miangô mituba te masaganédana. Môma asangatubédu nzéa éagéobogeo gô miangô. Adenga nzéane te veetsangô Nzambé môtémee gémôtsumé paga.

I Timothée 1:6

Eekédie adiboe ane, mitéma miaô misaba gô mabégôme matatô mane. T’ebandô andé gôépapatana gémenye gôkeahngô na mavovia maô magébé na tsoongo.

I Timothée 1:9

Bangôani mbe môge ôsakitsô gôndé ane adigaa na mavôma. Môge ôkitsô te gôndé abévie, na akékôie, na asi dibagaa na oma asagô na gôndé ane asaneegeda Nzambé na mabégô medi. Môge ôkitsô dôta gôndé asi mikôbé, ane ayôha kinde yaô na ane ayôha pati môma.

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

II Timothée 4:4

Asangatambéa matô maô gô mabégô mapie. Angagéngôga gô matangôtangô masaba na tsoongo.

Tite 1:6

Oétsa ényangee éopayie te gôndé mômôgôô andé na môdigédi agébé n’oési, na andé na môgeto môvo na koo. Anedi abaké ameetsa Jésus mitémamie na amenyanganô mbe ahndé na midigédi miamisôba na amenya égobéda ane atômani.

Jacques 1:26

?Gôndéké môma amenya mbe amuene te môma aNzambé‐a? Môma nône mbe asaba na ngugé gôésikaméda omeni edi, angô mbe asimenyanganô mbe môma aNzambe. Na môma nône abômédu amuene.

I Jean 2:18

Anami, ékôdéô éka gôpégôpé. Nômamana éôkô mbe Môéndi aPégôani te Môvingi aChrist angaviga. Tambô Eendi aPégôani ayekani, Avingi aChrist amani étsutsuga. T’ebandô tôsabômu mbe ékôdéô éka gôpégôpé.

I Jean 2:4

Okô môma avovo mbe: Me tsabômu Nzambé, na angô asakenea mane matôma Nzambé, môma nône te môpati. Mane mapie masaba gôndé angô.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.

Gétsutsuéô 2:14

Béyé mbe nane, nôndé n’ebégô ésanyôngéô me. Va gatse anyô gôndéké avo anyôngéô meekédume maBalaam. Angô Balaam ameekéda dôta Balak gôéengéda asi Israël gô monongoe wedi ôbévani mbe ayeeséda ahngô éambô émadeekedu gô mbumba na gôéyanza gésaahgô.

Gétsutsuéô 2:6

Eébéyée mbe nane, éne ényôngéô me gôndé anye te mbe mane mayanza géômbé sAnicolaîte nôkina mangô ti kinaga, mônongovo gakina me mangô.