Philémon 1:5 - New Testament in Mitsogo

⁵ Me namookô kumane ékumédu éwe. Namookô gandé éwe môtémoo wetso gôndé Kumu Jésus gémôtsumé paga. Namookô gandé éwe na vitoo na asi mbumu éaNzambé muetso.

Philémon 1:5 Iomraidhean Croise

Mayanzame 20:21

Namabambéa Ajuif na ane asaba Ajuif na mbeene éaNzambé mbe: Koani mitéma mianyô gôéba na wene mônongo. Géngôgani na gôndé Kumu Nzambé. Istani mitéma mianyô na gôndé Kumu Jésus-Christ gémôtsumé paga.

Romains 12:13

Wedéani asi mbumu éaNzambé gô panda yaô. Keneani agenda na géneega.

I Corinthiens 16:1

Me Paul nanôongô pesu gôébégô éamane meetsô ôbiia gôndé asi mbumu éaNzambé gô Jérusalem. Indakani gamatôma me asi mbumu éaNzambé gô Galatie.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Ephésiens 1:15

Me Paul nootéa évovo na Nzambé gô mabégô mabaé. Ene éamapanga te metso mane mamayanzéa Nzambé wa n’anyô. Ene éamôbaé te gômookô me kumane yanyô gameetsanye Kumu Jésus mitéma mianyô gébé na paga na gandé anye na vitoo n’asi mbumu éaNzambé muetso.

Colosses 1:4

Endé te nane gôébégô we tômookô tsangô éanyô. Tômookô gameetsanye Jésus‐Christ mitémamie mianyô gémôtsumé paga. Na tômookô gandéké anye na vitoo n’asi mbumu éaNzambé muetso.

1 Thessaloniciens 3:6

Timothée, ône abaki gôndé anye atsigi gôndé me n’atsatsee. Amanigôa we tsangône yanyô éagényônga gasipanye gô nzéa éaJésus émeetsanye mitémamie, na gandé anye na vitoo. Amanigôa me mbe anye nôseeba me ta na pesu. Timothée angô mbe: Mônongovo gaténdédewe asi Thessalonique na tsôvé mbe nôomba éenana, te n’ahngô agôténdéda te mônongovo, mbe nôomba éenana.

Philémon 1:7

Ah muana aTétee n’ami, étondo éndé n’ewe ékasôgéda me na gényônga. Na ôndé dôta gôésuméda mitéma miasi mbumu éaNzambé.

I Jean 3:23

Oôkôni éne étôma angô wa n’anyô. Nzambé angô mbe: Ombiasôôa ina aMuanami Jésus‐Christ. Christ dôta amatôma wa n’anyô mbe: Nyônganéôni anyene n’anyene.