Matthieu 9:37 - New Testament in Mitsogo

³⁷ Jésus amavovo na aneengi edi mbe: Gôndéké éyanza évôni gôéengéda éne émagaabôkôni, ivô gôsaba ayanzi ayekani gôéengéda.

Matthieu 9:37 Iomraidhean Croise

Matthieu 20:1

Jésus amavovo mbe: Oôkôni éne égoneda me ôkumu aNzambé. Ogono na kumu atsaga amamenegéa gôébambéa ayanzie mbe aviga aviyanza gô tsagedi éetété ééndô mbe ôvigne.

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Matthieu 9:38

Tambô dukani kumu atsagane mbe angakudéga ayanzi gôéengéda éne émagaabôkôni.

Marc 16:15

Jésus amatôma aneengie mbe: Kiakani na gô tsengeye yetso. Ikédakani Tsangô Eami Eamôsôba gô mongome metso.

LUC TSANGO EAMOSOBA EMATENDA 10:2

Jésus amavovo mbe: Tsagane éndé épôni. Na éne émakandani na émoodoni éndé ti éyekani. Ivô ayanzie asaba ayekani gôéendéga éne émagaabôkôni. T’ebandô nanôtôma mbe: Dukani kumu atsagane mbe anôétsa ayanzi gôéengéda éne émagaabôkôni.

LUC TSANGO EAMOSOBA EMATENDA 24:47

Tsangône éedi éngatsuaô na gô tsengeye yetso gôéékédu te gô ngudi yainedi, bandôa gô Jérusalem. Tsangône éedi te mbeea éazambé ébambéa angô oma gôékoa mitéma miaô na mônongoe waô, gôsingéô ahngô na Nzambé kokoo gô ébévee éaô.

Mayanzame 16:9

Paul ameena ndoti na pitsi. Ameena mômôgôô môsi Macédoine môtie. Amamôbambéa mbe: Viga na gô Macédoine égô. Viga ôviwedéa we.

Mayanzame 18:10

Me nandéké n’ewe. Gôsaba môma angagôtsôpani na gôsaba môma angagôtubéda panda. Omee wami gô môsengee ôdôô ootéa éyeka.

I Corinthiens 3:9

Gô tsaga éaNzambé we eekédi tôyanza évévé. Anye asi mbumu éaNzambé te tsaga éaNzambé éyanza we eekédi. N’anye nôndéké dôta te eba ôsaa Nzambé.

II Corinthiens 6:1

T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.

Colosses 4:11

Jésus, atetu mbe Justus, anôkombôa. Va gatse Ajuif amasinga Jésus‐Christ, te atatô adua atévo, Aristarque na Marc na Justus, ayanza na me gôétsanzabanéda mabégô mokumu aNzambé. Te ahngô akasôgéda me gôédiia ngudi.

I Timothée 5:17

Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda.

Jacques 5:4

Anye nôsideekede tsikaye yaayanzi atsaga yanyô. Oôkôni migianganô miaô. Ane ahtsigéda mbôtô yanyô, mindônga miaô mimabuéa na gô matô maNzambé Kumu angudi yetso.