Matthieu 9:35 - New Testament in Mitsogo

³⁵ Jésus amakea éva n’eva amoota gô mbôkaye yetso na gô misengemie mietso. Ameekéda gô yeba yaô yewanyéô na amanigôa Tsangô Eamôsôba éokumu aNzambé. Amadôngéda minongo mietso miamabeea na miadipôpéa.

Matthieu 9:35 Iomraidhean Croise

Matthieu 10:1

Jésus amasevoa nzima amôgôô n’amôgôô abaé gôéba aneengie edi. Ameetsa ahngô ényanga gôékuséda édidi ébévani gôndé oma na gôédôngéda mabeea metso na dipôpéa yetso.

Matthieu 11:1

Vamamana Jésus éongô aneengi edi ndongi, ahngô nzima n’abaé amatimôga amakea atsua tsangô éaJésus gôéékéda gô mbôka yatsenge nene.

Matthieu 11:5

Nigôani angô geeni anye mbe asi pogu eena, na ékonzo akea na makôdô manguene, n’asi ébeea éagega adôngi, na asi ndiba ookô, na ane awakini akundugi, na misuga miikédu Tsangô Eamôsôba.

Marc 1:14

Jean ameengédu gô eba atsôgôô. Jésus amakea na gô Galilée gôéékéda Tsangô Eamôsôba émaviga gôndé Nzambé.

Marc 6:56

Tunguye yetso dimabuéa Jésus, béyé mbe gô mbôka, béyé mbe gô misenge, béyé mbe gô madeke, oma amayaméda abeeyie gô mikii na gô yeba yamakasa. Ahmaduka Jésus mbe: Singa adua ahsuméa ébanda môkandee ôata éwe. Muetso amabandani amadônga.

Marc 6:6

Jésus amasôbasôbana mbe: ?Omeaa agétsumaka me paga nane nayee? Vane Jésus amakea éékéda gô dipo mbôka yagô kôbangô.

LUC TSANGO EAMOSOBA EMATENDA 13:22

Jésus ameekéda amakitsangana misengemie na mbôkaye amakea môtôô edi na gô Jérusalem.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Mayanzame 2:22

Pierre amavovo mbe: Anye oma aIsraël, ôôkôni mabégô mema. Nzambé gô inedi ameetsa anye Jésus môsi Nazareth. Enyanga éndé n’edi éaNzambé émeenanô gô mane mameendangô va gatse awa n’anyô. N’anye nôsabômu gameenda Jésus mavétô, n’embégéa éangudi yaNzambé, na mabégô manyônganéôni masoongôa môma ésupua.