Matthieu 9:20 - New Testament in Mitsogo

²⁰ Vamabaka môgeto môvo amabeea môvôva, môsingi nzima ema n’ema ébaé. Amawesea na va ngima aJésus gôémôbanda gô géondoge samôkanda ômaatangô.

Matthieu 9:20 Iomraidhean Croise

Matthieu 14:36

Ahmaduka Jésus mbe: Singa adua ahsuméa ébanda géondoge samôkandee ôata éwe. Muetso ahmabandani ahmadônga.

Matthieu 23:5

Mane mayanzahngô amayanza v’ekanga mbe ényepee éaô éenanô n’oma. Môbôtô aMatendeo MaNzambé ôtsua eekédi, ahngô avundéda angô na atsua angô kataga va panza yaô na va mogo maô gômbe ôenanô. Ngoyi yaô yeekédi, aditongeda na adinyepeda gôéenanô n’oma.

Matthieu 9:19

Jésus n’aneengie ahmatimôga ahmakea n’edi.

Marc 6:56

Tunguye yetso dimabuéa Jésus, béyé mbe gô mbôka, béyé mbe gô misenge, béyé mbe gô madeke, oma amayaméda abeeyie gô mikii na gô yeba yamakasa. Ahmaduka Jésus mbe: Singa adua ahsuméa ébanda môkandee ôata éwe. Muetso amabandani amadônga.

Marc 8:22

Ahmabuéa gô mbôka étetu mbe Bethsaïda. Oma ahmatsuéa Jésus môsi pogu. Ahmamôénda mbe: Banda angô.

Mayanzame 19:12

Oma amabanda ôtô aPaul na mibôtô na mikanda miaô. Vane amakea gôébanda abeeyie na miangô na ahmadôngédu mabeeame maô. Edidi ébévani dôta émakusa gôndé oma.

Mayanzame 5:15

Oma amatsua abeeyi aô na gô kôbangô anzéa. Amayaméda ahngô gô ékaka na gô étava gômbe vangoota Pierre gô nzéane n’omanda, gédinadina sedi géngagônga avo abeeyie.