Matthieu 9:2 - New Testament in Mitsogo

² Oma amamôtsuéa môbeene amakata éeyo andé yama gô gékakage. Vameena Jésus mbe omeaa asatsuma ngudi yami paga, amovovo na môbeene mbe: Ombiaba na mikebanganô. Suméda môtémee muanami. Ebévee éoo ésingéyiô kokoo.

Matthieu 9:2 Iomraidhean Croise

Matthieu 14:27

Vane Jésus amavovo n’ahngô mbe: Sumédani mitémamie. Oô te me Jésus. Nôneena gomo.

Matthieu 4:24

Tsangô éedi émookanô gô tsenge nyetso éaSyrie. Oma amavigaka na gôndé Jésus n’abeeyi amabeeaka mabeea maminongo mietso. Avo amabaka na édidi ébévani. Avo amabeeaka tsiiga. Avo amabeeaka yôtô yaô dimakatani. Jésus amadôngéda ahngô.

Matthieu 6:12

Singéa we kokoo gô mabégo masô mabévani mônongovo gasingéa we kokoo gôndé ane atôéndéa mabégô mabévani.

Matthieu 8:10

Vamookô Jésus ôgie ône amasôbasôbana. Na amabeenda ane amamôaandakani mbe: Buéyé gô éongo éetso éaIsraël me madeo tsiena môma ga ôdôô asatsuma ngudi yami paga.

Matthieu 8:16

Na dikoo, oma amakea na gôndé Jésus na pingô oma amabaka na édidi ébévani. Jésus amapatsa édidie éne n’ogi edi ôtévo. Amadôngéda oma muetso amabeeakani.

Matthieu 9:22

Jésus amanikéda miso medi na gô ngima na ameena môgetone. Amavovo na môgetone mbe: Suméda môtémee muanami. Odôngi gôsitsuma éwe ngudi yami paga. Ogi yadingani môgeto nône amadônga.

Matthieu 9:5

Okô neendi mbe, ébévee éoo ésingéyiô kokoo vo neendi mbe, timôga kiaka na makôdô moo. ?Gô mabégôme mane mabaé éne ésadaga évovoni yeeni?

Matthieu 9:6

Ivô nanyôngéô étubéda anye mbe me, Muana Amôma nandé n’enyanga va tsina gôésinga oma kokoo gô ébévee éaô. Vane Jésus amatôma môbeene mbe: Timôga. Bongo gétava soo. Kiaka na gô eboo.

Marc 1:32

Na dikoo kômbéne émapénda, abeeyie muetso n’oma ahmatômu na édidi ébévani ahmatsuaô na gôndé Jésus.

Marc 10:49

Jésus amasikama na amavovo mbe: Bambéani angô. Ahngô ahmabambéa môsi pogu mbe: Suméda môtémee. Timôgaka. Jésus agôbambéa.

Marc 5:34

Jésus amavovo n’edi mbe: Muanami, ôdôngédiô te gôsitsumé éwe ngudi yami paga. Kiaka na gétabé. Oyuuégi gô pievia yoo.

Marc 6:50

Ahngô muetso ahmamôena na muetso ahmatsôpu na gomo. Vane Jésus amavovo n’ahngô mbe: Sumédani mitémamie. Oô te me, Jésus. Nôneena gomo.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Jean 2:25

Jésus asibuté étubédu na môma minongomie miaô. Amuene amamenyaka mane magô mitéma miaô.

Jean 21:5

Jésus ameevôa ahngô mbe: ?Anye anami, nôyôhi nyama-a? Aneengie amamônikéda mbe: We tôsiyôha.

Mayanzame 14:9

Amookô mane mamavovo Paul. Paul amamôbono na nzôô. Ameena mbe mômôgôône ôdôô asatsuma ngudi yaNzambé paga gôédôngédu.

Mayanzame 19:12

Oma amabanda ôtô aPaul na mibôtô na mikanda miaô. Vane amakea gôébanda abeeyie na miangô na ahmadôngédu mabeeame maô. Edidi ébévani dôta émakusa gôndé oma.

Mayanzame 23:11

Gô pitsine éanyoone, Kumu Jésus amatsutsuga na vandé Paul. Amavovo mbe: Mamisôba. Ombieena panda. Omani énigôa ômbanzee wami éva gô Jérusalem. Nanyôngéô mbe ôkéénda te mônongovo gô Rome.

Romains 5:11

Na ésakôdéa na mane. Wa n’anyô tôtsôkéa Nzambé gô ina aKumu asô n’anyô Jésus-Christ, ône amatôvambéda na Nzambé.

Jacques 2:18

Tôkanéga n’oma abaé. Môvo avovo na môkedi mbe: Me neetsi Nzambé môtémami wetso gémôtsumé paga. Môkedi mbe: Me va yami kuka nandé n’esima ényôngéô Nzambé. Tubéda me gameetsa éwe Nzambé môtémoo, éwe gédigéé n’esima ényôngéô angô. Ivô me nangagôtubéda ésima éami éamisôba vane éwe ôngayavôga émenya mbe: Odôô amani eetsa Nzambé môtémee wetso gémôtsumé paga.