Matthieu 9:18 - New Testament in Mitsogo

¹⁸ Vamabaka Jésus gôéékéda, môtômi môvôni Ajuif amaviga. Amasiba mabongo medi va mbene aJésus na amavovo mbe: Muanami amôgeto awéyi ti n’atsatsee. Viga ôvibanda angô n’ogogoe woo, buta mbe adônga.

Matthieu 9:18 Iomraidhean Croise

Matthieu 14:33

N’avo aneengi ane amasanéaka gô mbôngône, amasiba mabongo maô va mbene aJésus gôémôneegeda. Amamôkuméda mbe: Na gô pie éwe te Muana ANzambé.

Matthieu 15:25

Ivô môgetone amaviga gôésiba mabongo medi va mbene aJésus gôémôgondo mbe: Môékédi wedéa me.

Matthieu 17:14

Jésus n’aneengie amatsiga vandé géômbége. Mômôgôô môvo amaviga gôésiba mabongo medi va mbene aJésus.

Matthieu 20:20

Yeene aJacques na Jean amaviga na gôndé Jésus n’anedi abaé. Amakotomo va mbene aJésus gôémôneegeda na gôémôduka ébégôe.

Matthieu 28:17

Vameena aneengie Jésus amamôneegeda. Ivô avo va gatse aô amatsuma paga.

Matthieu 8:2

Vane môsi ébeea éagega amaviga na gôndé Jésus. Amasiba mabongo medi va mbene aJésus na amamôgondo mbe: Kumu ôkô mbe ônyôngéô ôsadagéô édôngéda me.

Matthieu 8:25

Aneengie amawesea na vandé Jésus gôémôtimôa. Amaamugana mbe: Kumu, wedéa we kabaga tôwa.

Matthieu 9:17

Môma asoongôa éetéa maduku mamiduengi gô géetéô sedi sagégôbôkô sanyama gémagasani. Vatogo madukume gégôbôkôge gémagasani gésavutuga na sangô géatéga. Na géetéôge na madukume ébungana. Ivô môma eetéa maduku mamiduengi gô gégôbôkô gédeedani, na madukume na géetéôge éetso éngaba te éamisôba.

Matthieu 9:19

Jésus n’aneengie ahmatimôga ahmakea n’edi.

Matthieu 9:24

Jésus amatôma ahngô mbe: Kusani meutso. Muanamôgeto ôdôô asiwa, ivô andé gô vio. Oma amaseka Jésus.

LUC TSANGO EAMOSOBA EMATENDA 13:14

Tsesu eba agéwanyéô asinyôngéô gamayanza Jésus gô nyee edunda gôédôngéda môma. Tsesu amavovo na géômbége mbe: Môma ayanza te pitsi môtôba. Tambô vigani nôvidôngédu gô miôsaamie mine, kaka gô nyee edunda.

LUC TSANGO EAMOSOBA EMATENDA 18:18

Môvo môtômi aAjuif, ameevôa Jésus mbe: Ewe môékédi ôndé ti môékédi amôsôba ?beenda me gôédiia monyo amôbô na môbô neenda nayee?

LUC TSANGO EAMOSOBA EMATENDA 7:2

Gône gômabaka môsi Rome môtômi amôkama amigode. Môyanzi edi môvo amanyôngéô angô amabaka na beeaga éowa.

Jean 11:25

Jésus amamôpandôéda mbe: Me te gékundugéô sanyô. Me te monyoe wanyô. One eetsa me môtémedi wetso angaba na monyo buéyé mbe awéyi.

Jean 11:32

Vamakea Marie amadenga Jésus v’etumba. Amagudama na va makôdô medi na amavovo n’edi mbe: Ah Kumu, éwe mbe ômadenganôkô éva, ndômé éami mbe asiwa.

Mayanzame 13:15

Ndongi yaNzambé na dôta mabégô mapandôédi amatasa maNzambé mamatangô. Vane, atômi eba agéwanyéô amatôma môma mbe: Kiaka ôkebeenda agendee ane mbe: Anee a Téta, ôkô mbe nôndé n’ebégô gôévovo gôékasôgéda anee aTétee n’anyô, vovokoni.

Mayanzame 28:8

Tétene éaPublius amabaka yama v’ekoko na beeagane. Amabeea nzonzozo na môvanzô anzina. Paul amakea gôémôena. Amavovo na Nzambé gôndé angô na amamôtsakéga mogome. Amadônga.