Matthieu 9:16 - New Testament in Mitsogo

¹⁶ Epôdéké éangoyi émabooni ésananôkô gébambô samôkanda edôngé. Gébambôge sedôngé gésusuga gôvôu sangô na gékaka ngoyine ébooéni. N’epôdékée ébaki égegé te éka vembe na memba.

Matthieu 9:16 Iomraidhean Croise

Matthieu 9:15

Jésus amaabéa ahngô mbe: ?Géômbé sasueti ayômba géngaba na mitéma miditani amuene mômôgôô, kumu ayômbaye andé digaa n’ahngô gô suetine‐a? Asangaba na mitéma miditani. Gô ndéône ésangaba kumu ayômba vangô, géômbége sedi géngakina môyakôe te nyoone.

Matthieu 9:17

Môma asoongôa éetéa maduku mamiduengi gô géetéô sedi sagégôbôkô sanyama gémagasani. Vatogo madukume gégôbôkôge gémagasani gésavutuga na sangô géatéga. Na géetéôge na madukume ébungana. Ivô môma eetéa maduku mamiduengi gô gégôbôkô gédeedani, na madukume na géetéôge éetso éngaba te éamisôba.

Marc 2:21

Môkanda edôngé ôsananôkô gébambo gô épôdéké éangoyi émani ébooni. Gébamboge sedôngé gésusuga gôôvôu sangô na gékaka ngoyine ébooéni. N’epôdékée ébaki égegé te éka vembe na memba.

LUC TSANGO EAMOSOBA EMATENDA 5:36

Jésus amagunya ahngô tsava mbe: Môma asakaka ngoyi éamanza gôébongo gébambo gôénana sangô gô épôdéké éangoyine ébooini. Okô eendi nane abunzi te ngoyine éamôsôba na dôta éne ébooini ésanyepedu na gébamboge sedôngé.

Jean 16:12

Nagébaka na mabégô mayekani gôénôbeenda ivô deo noo nôsangoongôa ésipa gôémenya mangô metso.

I Corinthiens 13:13

Endé te nane. Gôndé mabégô matatô mandé môgunanza. Mangô te gôéba môtémovo na Nzambé gémôtsumé paga, na gôémenya mbe tsoongone yoo te Nzambé na gôédigaa na môtéma ômayôa n’etondo éaNzambé. Na va gatse amangô matatô, éne éôtéani te étondoe éviga gôndé Nzambé.

II Corinthiens 9:12

Endé te nane. Anye nôétsani, éne éyanzanye ékuséda mabégô mabaé mamisôba. Ebégôe éamapanga te asi mbumu éaNzambé awedeô gô panda yaô na dibiiaye yanyô. Na ébégô éamôbaé te disambô diyekani disambéduni gôékuméda Nzambé gô dibiiaye yanyô.