Matthieu 9:13 - New Testament in Mitsogo

¹³ Kiakani nôkeékédu éne étôtanga gô Matendeo MaNzambé mbe: Me nanyôngéô te asi ngeba. Tsabuta ane eetsa digondoku yanyama. Me Jésus tsiviga gôébambéa ane anyepani, ivô namaviga gôébambéa abévie gôékoa mitéma miaô.

Matthieu 9:13 Iomraidhean Croise

Matthieu 12:3

Jésus amaabéa ahngô mbe: Anye madeo nôsitanga éne émeenda David. Angô n’ane amabaka n’edi ahmookô nzaa ahmabuta môyakô.

Matthieu 12:5

Mavooe anye madeo nôsitanga gô miganda miaMoïse gamayanza adeekedi adigondoku gô eba aNzambé nyee edunda. Gômayanzahngô asigobede mige mianyee edunda. Buéyé vane asibé n’oesi.

Matthieu 12:7

Bangôani gatôtanga gô Matendeo MaNzambé mbe: Me nanyôngéô te asi ngeba, tsabuta eetsi adigondoku yanyama. Anye mbe nônigôgéô gakegea ébégôe éne, anye mbe nôseeséda omeaa asaba n’oési.

Matthieu 19:4

Jésus amaabéa ahngô gô nyivô mbe: ?Tambô anye madeo nôsitanga éne éndé gô Matendeo MaNzambé‐ma? Ematendu mbe: V’ebandô amuene Môvangi amavanga oma abaé, môvo te mômôgôô, môvo dôta te môgeto.

Matthieu 21:42

Jésus ameevôa ahngô mbe: Anye madeo nôsitanga gô Matendeo MaNzambé mbe: Etaé émakôngégu n’asaayi eba Te éangô évumbu v’epandaka gôésipa ébee wetso. Nôeni éne te éne émayanza Kumu. Na veena we nane, tôtsôkéa.

Matthieu 3:2

Ameekéda mbe: Koani mitéma mianyô mbe nôngaba wene mônongo oma gôébégô ôkumu aNzambé ôweseyi na gôndé wa n’anyô.

Matthieu 3:8

Gabôta géétété samôsôba miônda miedi miamisôba, anye kusédani ésima éamisôba étubéda mbe nômakoa mitéma gôéba wene mônongo oma.

Matthieu 4:17

Va géyénzage géne Jésus amabandôa éékéda. Amavovo mbe: Koani mitéma mianyô gôéba wene mônongo gôébégô ôkumu aNzambé ôweseyi na gôndé anye.

Marc 12:26

Gôébégô éagékundugéô sowa ?anye madeo nôsitanga éne ématenda Moise‐a? Gô ndéône émavovo Nzambé n’edi te ôgi aNzambé ômakusa gô géétété gémayôakani. Nzambé amavovo na Moïse mbe: Me te Nzambé éneegeda Abraham na Isaac na Jacob.

Marc 12:33

Me tsabômu mbe ényepa gôéétsa Nzambé ôbiia, te digondoku ditumbuni na digondoku digôngani. Ivô na gô pie, éne éôtéa ényepani te mbe môma anyôngéô Nzambé na môtémedi wetso, na gédidi sedi setso na ngudi yedi yetso. Buedi mbe môma anyôngéô dôta môkedi ganyôngéô angô amuene.

Marc 2:17

Vamookô Jésus ahvovo nane, amaabéa mbe: Ane ahsabeeani ahsookô tsôvé éamôbôgani. Te abeeyi amôôkô tsôvé. Me tsivigé gôébambéa ane anyepani ivô namaviga gôébambéa abévie gôékoa mitéma miaô.

LUC TSANGO EAMOSOBA EMATENDA 10:26

Jésus amamônikéda mbe: ?Gô mitôma miaNzambé gômatendu nayee? ?Otanga nayee?

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

LUC TSANGO EAMOSOBA EMATENDA 24:47

Tsangône éedi éngatsuaô na gô tsengeye yetso gôéékédu te gô ngudi yainedi, bandôa gô Jérusalem. Tsangône éedi te mbeea éazambé ébambéa angô oma gôékoa mitéma miaô na mônongoe waô, gôsingéô ahngô na Nzambé kokoo gô ébévee éaô.

LUC TSANGO EAMOSOBA EMATENDA 5:31

Jésus amaabéa ahngô gô tsava mbe: Ane ahsabeeani ahsookô tsôvé éamôbôgani, te abeeyi ookô môbôgani tsôvé.

LUC TSANGO EAMOSOBA EMATENDA 5:32

Me tsiviga gôébambéa ane anyepani. Navigi gôébambéa abévie mbe ahkoa mitéma miaô.

Jean 10:34

Jésus angô mbe: Ematendu gô Matendeo MaNzambé mandé n’anyô mbe: Anye nôndé nôneegeduni gandé amuene Nzambé.

Mayanzame 11:18

Asi mbumu éaNzambé gô Jérusalem amasuméda mitémamie vamookô ahngô tsangô nene. Amakuméda Nzambé mbe: Tambô na gô pie, Nzambé asabômu ane asibôtu gô éongo éAjuif. Eetsa ahngô ndéô gôékoa mitéma miaô na gôédiia monyo apie.

Mayanzame 2:38

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Mayanzame 20:21

Namabambéa Ajuif na ane asaba Ajuif na mbeene éaNzambé mbe: Koani mitéma mianyô gôéba na wene mônongo. Géngôgani na gôndé Kumu Nzambé. Istani mitéma mianyô na gôndé Kumu Jésus-Christ gémôtsumé paga.

Mayanzame 3:19

Tambô koani mitéma mianyô gôéba wene mônongo oma. Géngôgani na gôndé Nzambé mbe anônôtôa ébévee éanyô.

Mayanzame 5:31

Nzambé amatômba angô na g’ôba na amamôdigéda va géeyo sedi gémôgôô. Ameetsa angô ényangee. Na ameenda angô mbe: Ewe te Mooboyi oma aIsraël mbe angakoa mitéma miaô gôésingéô kokoo gô ébévee éaô.

II Pierre 3:9

Avo oma atasa mbe Kumu adinga édugéda éne émavovo angô. Kaka nane. Ivô Jésus anôenea. Angô asanyôngéô ta na môma môvo abungana. Ivô anyôngéô mbe muetso akoa mitéma miaô gôédiia géobogeo.