Matthieu 8:27 - New Testament in Mitsogo

²⁷ Aneengie muetso amasôbasôbana na amatsapéô mbe: O mônongo amôma ôgobedu na gékunga, buéyé na miyôkiyôkimie.

Matthieu 8:27 Iomraidhean Croise

Matthieu 14:33

N’avo aneengi ane amasanéaka gô mbôngône, amasiba mabongo maô va mbene aJésus gôémôneegeda. Amamôkuméda mbe: Na gô pie éwe te Muana ANzambé.

Matthieu 15:31

Oma amatsapéô vameenahngô asi dibôbô avovo, na asi dipôpéa aka na ngudi, n’ekonzo akea anguene, n’asi pogu eena. Muetso amakuméda Nzambé, môkenene aIsraël.

Matthieu 8:10

Vamookô Jésus ôgie ône amasôbasôbana. Na amabeenda ane amamôaandakani mbe: Buéyé gô éongo éetso éaIsraël me madeo tsiena môma ga ôdôô asatsuma ngudi yami paga.

Matthieu 8:26

Jésus amaabéa ahngô mbe: ?Anye nôena gomo na nôtatéa nayee? ?Tambô nôgétsumaka ngudi yami paga‐a? Jésus amatimôga na amadékéda gékungage na miyôkiyôkimie. Vane mubue ômaba na sinzii.

Matthieu 8:28

Jésus amabuéa gô dipo tsényé yamubu gô tsenge émadigaa Agadarénien. Amôgôô abaé amadigaaka gô tungu éangii amaviga na vandé Jésus. Omee ane amabaka n’edidi ébévani éadibagaa. N’akaô asiôngôé éôta gô tungune émabakahngô.

Marc 1:27

Oma muetso ahmasôbasôbana na ahmeevôana mbe: ?Eyéni‐éé? ?Odôô te wene mônongo ameekédu‐a? Atômaka ti n’edidi ébévani n’enyanga évôni na éangô dôta émôgobeda. Weniô.

Marc 6:51

Amapeka gô mbôngône n’ahngô. Gékunga gémoota. Aneengie ahmatsapéô pepe.

Marc 7:37

Oma ahmasôbasôbana ti sôbasôbana. Amavovo mbe: Metso meendangô, mandé ti mamisôba. Akukua ndiba na môma ookô. Anôtôa n’obôbô na môma avovo.