Matthieu 8:2 - New Testament in Mitsogo

² Vane môsi ébeea éagega amaviga na gôndé Jésus. Amasiba mabongo medi va mbene aJésus na amamôgondo mbe: Kumu ôkô mbe ônyôngéô ôsadagéô édôngéda me.

Matthieu 8:2 Iomraidhean Croise

Matthieu 10:8

Dôgédani ane abeeani, na kunduani ane awani, na dôngédani asi ébeea éagega na patsani édidi ébévani. Anye nômadiia ôbiia gévané, tambô itsani akanyô te ôbiia gévanéô.

Matthieu 13:58

Gône Jésus amadôngéda avo abeeyi. Asiôngôé étubéda ngudi yedi gôéyanza mayanza mavôni mamisôba, gôébégo asi mbôkedi ahmatsuma ngudi yedi paga.

Matthieu 14:33

N’avo aneengi ane amasanéaka gô mbôngône, amasiba mabongo maô va mbene aJésus gôémôneegeda. Amamôkuméda mbe: Na gô pie éwe te Muana ANzambé.

Matthieu 15:25

Ivô môgetone amaviga gôésiba mabongo medi va mbene aJésus gôémôgondo mbe: Môékédi wedéa me.

Matthieu 18:26

Môyanzine amameesegéa na va tsina va mbene akumu edi. Amamôgondo mbe: Ah kumu, kokooye éwe. Eena me ngeba. Vengéaye éwe. Nangagônikédéa ti éetso.

Matthieu 2:11

Dimeengéa na gô eba. Ahmeena muanee na yeedi Marie. Ahmasiba mabongo maô va mbene amuanee na ahmamôneegeda. Na vane ahmapunzua magumba maô. Ahmabongo ôkiti aô gôéétsa dibiia. Ahmamôétsa dodo, na mônongo amôyombo atumbaga, na wene môyombo ôéndô mbe myrrhe.

Matthieu 20:20

Yeene aJacques na Jean amaviga na gôndé Jésus n’anedi abaé. Amakotomo va mbene aJésus gôémôneegeda na gôémôduka ébégôe.

Matthieu 26:6

Jésus amabaka gô Béthanie gô eba aSimon, môsi ébeea éagega.

Matthieu 28:17

Vameena aneengie Jésus amamôneegeda. Ivô avo va gatse aô amatsuma paga.

Matthieu 28:9

Tsina na tsina Jésus amawanya n’ahngô. Na amasambanéa n’ahngô. Agetoe amawesea na amagudama na gô tsina gôémôbanda makôdôme na gôémôneegeda.

Matthieu 4:9

Amavovo n’edi mbe: Nangagôétsa yômee yetso édué éena éwe, ôkô ôsibi mabongome moo va tsina gôéneegeda me.

Matthieu 8:1

Vamasuma Jésus gô môkôdi, géômbé gévôni soma gémamôaanda.

Matthieu 8:25

Aneengie amawesea na vandé Jésus gôémôtimôa. Amaamugana mbe: Kumu, wedéa we kabaga tôwa.

Matthieu 9:18

Vamabaka Jésus gôéékéda, môtômi môvôni Ajuif amaviga. Amasiba mabongo medi va mbene aJésus na amavovo mbe: Muanami amôgeto awéyi ti n’atsatsee. Viga ôvibanda angô n’ogogoe woo, buta mbe adônga.

LUC TSANGO EAMOSOBA EMATENDA 4:27

Gô ndéône dôta émadônga Elisée, môpandôédi amatasa maNzambé, gômadenganô oma ayekani asi ébeea éagega gô tsengene yedi. Tambô gôndé ahngô gôsidôngédu ta na môvo. One amadôngéduni te Naaman, môsi tsenge étetu mbe Syrie.

Jean 9:38

Mômôgôô nône amasiba mabongo medi va mbene aJésus gôémôneegeda na amavovo mbe: Kumu, me tsatsumadô éwe paga.

Mayanzame 10:14

Ivô Pierre amakina mbe: Ae. Kaka nane Kumu ami. Me madeo tsiaa nyama éasagô na disigôgééni.

Mayanzame 10:25

Vamatsiga Pierre gô môkii, Corneille amakusa gô eba gôéwanya n’edi. Amagudama na gô tsina na amakotomo va makôdô maPierre.

I Corinthiens 14:25

Vookô angô, tambô matasa medi mav’esooe maka v’ekanga. N’angô angasiba mabongo medi gôéneegenda Nzambé mbe: Na gô pie Nzambé andé va gatse anyô.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.