Matthieu 8:11 - New Testament in Mitsogo

¹¹ Nanôbeenda mbe oma ayekani angaviga gô gésa géviga kômbéne na gô gésa gékea yangô. Angadigaa tabudé épo na Abraham na Isaac na Jacob g’ôkumu aNzambé.

Matthieu 8:11 Iomraidhean Croise

Matthieu 21:41

Ane amookôni amaabéa Jésus mbe: Kumu éatsagane angayôha akeneyie abévani diôwa yamaguga. Angavangana n’avo akeneyi ahsangakina ékabana n’edi miôndamie.

Matthieu 24:31

Vangatoongu émbômba nangavigéda asi g’ôba ayanzie ami gôékôkéga omami andé gô ékoo na gô dongu na gésa na gésa amasevôu na Nzambé.

Matthieu 3:2

Ameekéda mbe: Koani mitéma mianyô mbe nôngaba wene mônongo oma gôébégô ôkumu aNzambé ôweseyi na gôndé wa n’anyô.

Matthieu 8:10

Vamookô Jésus ôgie ône amasôbasôbana. Na amabeenda ane amamôaandakani mbe: Buéyé gô éongo éetso éaIsraël me madeo tsiena môma ga ôdôô asatsuma ngudi yami paga.

LUC TSANGO EAMOSOBA EMATENDA 12:37

Ti gô gényônga géndé na ayanzie ane adenganiô na kumu aô andé misiki gébé gô vio. Nanôbeenda na gô pie mbe amuene kumu eyanzee angakoga môyanzi. Angadigéda ayanzie va tabudé gôéétsa ahngô môyakô.

LUC TSANGO EAMOSOBA EMATENDA 16:22

Môsugee amawa. Asi g’ôba amavigédu na Nzambé gôémôtsua na vandé Abraham. Gékitige dôta amawa. Amagunyu.

Mayanzame 10:45

Ane amaviga na Pierre gô Joppé gôémôveegeda na gô Césarée te oma aChrist agô éongo éAjuif. Amatsapéô ti v’ekôdéô éatsapéô vameenahngô mbe Nzambé ameetsa Gédidi Sedi na gôndé ane asibôtu gô éongo éAjuif.

Mayanzame 11:18

Asi mbumu éaNzambé gô Jérusalem amasuméda mitémamie vamookô ahngô tsangô nene. Amakuméda Nzambé mbe: Tambô na gô pie, Nzambé asabômu ane asibôtu gô éongo éAjuif. Eetsa ahngô ndéô gôékoa mitéma miaô na gôédiia monyo apie.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

I Corinthiens 15:20

Tôtsika vita pagaye. Tôôta na gô édué. Jésus‐Christ amatimôga na gô pie g’ôwa gôéba na monyo. Vane te gémbégéa gématôtubédu na Nzambé mbe: Gamakundua me Jésus g’ôwa, nanganôkundua muetso nômawani te mônongovo.

I Corinthiens 6:9

Nômbiabômu. Abévie asangeengéa g’ôkumu aNzambé. Menyani mbe abévie te angua, asi matasame meengéa gô gésasô na makusa te gô gésasô, na agobedi ambumba yegoni, n’akeyi agésasô n’ane ayanza gésasô amôgôô anguene n’anguene, ageto anguene n’anguene.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.

II Thessaloniciens 1:5

Nôeni gayanza Nzambé gépenganédé mabégôme. Gô gékuanôge gésipanye, andé gôénônyepeda mbe nôngaba kuanakue gôéengéa g’ôkumu edi. Magugame meenanye te gôndé angô.

Gétsutsuéô 7:6

Na gô éongo éAser te mônongovo na gô éongo éaNaphtali te mônongovo na gô éongo éaManassé te nane,