Matthieu 7:7 - New Testament in Mitsogo

⁷ Dukani na môvinéné, na nôngeetsô. Butani na môvinéné, na nôngadenga. Bôkédani v’okuké na môvinéné na nôngakukuéô.

Matthieu 7:7 Iomraidhean Croise

Matthieu 18:19

Me Jésus nanôbeenda mbe: Okô omami abaé asi tsengene, avangana gôéduka Nzambé pati yebégô g’ôsambô, Téta, ône andé g’ôba angasingéa môdukée waô.

Matthieu 21:22

Okô anye nôétsi mitéma mianyô mietso gô éne édukanye Nzambé g’ôsambô, nôngeena éangô.

Matthieu 6:33

Pangani ébuta mane mokumu aNzambé na gôéénda éne ényôngéô angô, na vane angoomba énôkôndéga évo yôma ébutanye.

Matthieu 7:11

Buéyé anye oma abévani, nômenya éétsa ananyô yôma éamisôba ?tambô na Tétanyô ône andé g’ôba, asangootéa éétsa anye yôma éamisôba gôndé anye nômôdukani‐a?

Matthieu 7:8

Muetso aduka no môvinéné angadiia. Muetso abuta na môvinéné angadenga. Muetso abôkéda na môvinéné angakukuéô ôkuké.

Marc 11:24

T’ebandô me navovo n’anye mbe vadukanye Nzambé ébégô, itsani na mitéma mianyô mietso mbe nômani éédiia. Na angô anganôétsa.

LUC TSANGO EAMOSOBA EMATENDA 13:25

Okô kumu eba andé gô ebedi na amamana ébandéka na môsapi, n’anye nôndé gô môkii, buéyé mbe nôbôkéda na nômôbambéa mbe: Kumu eba kukuéa we, asanganôkukuéa. Anganôénda mbe: Me tsamenya gôviganye.

LUC TSANGO EAMOSOBA EMATENDA 18:1

Jésus amanyôngéô éékéda aneengie mbe aba na môvinéné gô disambô mbe kabaga adeeda. Amagunya ahngô tsava mbe:

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 15:7

Okô nôndé môvo n’ami, na mabégô mami mandé gô mitéma mianyô, dukani éne ényôngéô anye, n’anye nôngeetsô éangô.

Jean 4:10

Jésus amamônigôa mbe: Mbe ômenyiki éne éndé na Nzambé gôégôétsa, na mbe ômenyiki ône agôduki meba manyuakaga, éwe mbe te ômôdukini. Angô mbe te agôétsi meba meetsa monyo.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 3:11

Gôsaba môma andé n’eodo, na ookôni. Gôsaba môma abénga Nzambé gôémôaanda.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Jacques 5:15

One eetsa Nzambé môtémedi wetso gétsumé ngudi yedi paga vadukangô, môduké wedi ôdôngéda môbeeyi. Kumu atimôa angô na ébévee éedi ésingéô kokoo.

I Jean 3:22

Wa n’anyô tôdiia gôndé angô metso mane maduka we te gôgobeda we mitôma na mige miedi na tôénda gô mabégô metso te éne ényôngéô angô.