Matthieu 7:6 - New Testament in Mitsogo

⁶ Nômbieetsa inzua yôma éamisôba kabaga digéngôga gôénômbata na gôébunzéa anye. Nômbiagunya sôma soo sosunu ôvôni na vandé ngudu, kabaga diyeta sangô va tsina.

Matthieu 7:6 Iomraidhean Croise

Matthieu 15:26

Jésus amabeenda angô mbe: ésanyepa gôéwata ana môyakô, gôéétsa angô inzua.

Matthieu 24:10

Gô ndéô nene ayekani amabaka n’ami môtémovo anganôtôga gôndé me na Mabégô Mami. Oma angavingana na angakabana anguene n’anguene.

Matthieu 7:5

Ewe te môma enyepa éamônya. Panga énôtôa éengôe éndé gô ésoe yoo. Vane ôngeenéa na vede gôénôtôa tsengesengene éndé gô ésoe éamôkoo.

II Corinthiens 11:26

Gô mitôô miyekani mimakea me nameena panda na éningô, n’asi môkôbé. Nameena panda béyé n’Ajuif n’ami. Nameena panda n’ane asaba gô éongo éAjuif. Nameena panda gô misenge mivôni na gô tungu émagasani gôsaba oma. Nameena panda gô mubu. Nameena panda va gatse ane abévani apata mbe: Wa n’anyô muetso te oma aChrist.

Philippiens 3:2

Aaganani n’eendi amabégô mabévani agono na inzua. Wemani omee ane abuta ébeta ôtô betaga. Tsangoongôa éénda mbe, geetaga.

Hébreux 10:29

Tambô tasani gôndé ône eenza Jésus, Muana ANzambé. Tasani gôndé ône eenda mbe nzina dimaaga gôévambéda angô na Nzambé na gôégôgéda angô môtéma disaba na tsoongo. Na angô dôta adeta Gédidi sangeba yaNzambé. ?Gôndé angô éngaba nayee? Tôsabômu mbe tsôgôône yaô éngootéa na éne éandéô éaMoïse.

Hébreux 6:6

Buéyé gamabakahngô nane, anika te nikaga. Na oomba édigaa gô mane maô mambeego. Ti gôndé ahngô gôénika ékoa mitéma miaô na gôndé Nzambé géndégégé. Gôébégô andé gôéomba ébôkéda Jésus Muana ANzambé gô gésumu sowa, gôémôdetéda v’ekanga.

II Pierre 2:22

Ene éndé gôndé ahngô, te éne égunyu gô tsava mbe: Ene éogi inzua anika éaa éangô. Na, ngudu éôvôuni émanika gôépatsaméa gô gétékétéké.

Gétsutsuéô 22:15

Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.