Matthieu 7:25 - New Testament in Mitsogo

²⁵ Mbuuane émanyogo. Géningôge gémaviga. Ekunga émakungéda na ématinda ebee. Ivô ebee ône ôsikuéé gôébégô ômasipa gô tungu éamataé na toto.

Matthieu 7:25 Iomraidhean Croise

Matthieu 16:18

Me Jésus nagôpandôéda dôta mbe: Inee éoo te Pierre, événdégéô mbe étaé. Gô ngongo oboboe ône me nangasaa eba ôtetu mbe mbumu éami. Buéyé n’owa ôsangaba na ngudi gôébunganéda ebee ône.

Matthieu 7:24

Muetso ookéô mabégôme mavovo me na agobeda mangô andé ga môma eodo amasaa ebedi gô tungu éndé toto na mataé.

Matthieu 7:26

Ivô ône ookô mabégô mavovo me na angô asagobeda mangô andé ga mômane apaga, amasaa ebedi va tungu éamisige.

Matthieu 7:27

Mbuuane émanyogo. Géningôge gémaviga. Ekungee émakungéda na ématinda ebee. Ebee ône ômakuéa na ômapanzéga.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Ephésiens 3:17

Naduka angô mbe Christ adige gô mitéma mianyô vandé anye gébé na paga gôndé angô. Naduka dôta Nzambé mbe anye nôngaba ga géétété gémasuenea mitambamie na gô tsina mbe n’anye nôngasuenea gôésipa gô étondo éaNzambé. Namôduka mbe

Colosses 2:7

Bakani gôndé angô gandé géétété gésipédu na mitamba miedi gô tsina. Oongôgani na diiani monyoe wanyô gôndé Christ gadiia géétété ône wedi gô mitambamie miedi. Odoni gô mabégô metso maNzambé mameekédu anye masitsumé anye paga. Singani mbe kumane éaNzambé ébunduga gô mitéma mianyô.

Jacques 1:12

One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

I Pierre 1:7

Ekuanô éenanye étubéda gôsipanye mitéma mianyô gô mabégô maNzambé. Te gandé dodo sôma gébunganani, ivô yangô ékanégu gôkanzô yangô gô soto. Te mônongovo gandé anye. Veetsanye Nzambé mitéma mianyô gébé na paga mika na génemba géôtéa buéyé géne sadodo. Na mikanégu gô gékuanô. Okô mitéma mianyô misipi nôngeetsô ôséngu na ôndômba n’egoba vangaviga Jésus‐Christ.

I Jean 2:19

Omeaa asibaké avo n’asô n’anyô t’ebandô amanôtôga gôndé we. Mbe amabaka avô n’asô n’anyô ahngô mbe andéké asô n’anyô. Ivô ahngô ahmanôtôga môvo na môvo anguene gôndé wa n’anyô gôémenyanganô mbe angô asaba wasô n’anyô.