Matthieu 7:22 - New Testament in Mitsogo

²² Gô nyee ône, ayekani angavovo n’ami mbe: Kumu, Kumu, gô inoo tômapandôéda ndongi dimeetsô we na Nzambé. Tômakuséda édidi ébévani gôndé oma te gô ngudi yainoo. Na dôta tômayanza émbégéa évôni na éyékani te gô ngudi yainoo.

Matthieu 7:22 Iomraidhean Croise

Matthieu 10:15

Nanôbeenda na gô pie mbe gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome na asi Gomorrhe.

Matthieu 24:36

Gôsaba môma angoongôa émenya pitsi vo ndéô éngabuéa mabégô mema, ivô te gô mbene n’okendô. Béyé asi g’ôba ayanzi aNzambé asamenya. Na me, Muana ANzambé tsamenya. Te amuene Téta asabômuni.

Matthieu 25:11

Va mbene éne, ahngô atayi ahsibaké n’eodo ahmatsiga na gô eba. Ahngô mbe: Kumu ayômba, kukuéa we.

Matthieu 7:21

Kaka muetso ateta me mbe: Kumu, Kumu, angeengéa gô tsenge éami éag’ôba. Ivô ane eenda éne ényôngéô Téta ône andé g’ôba, te ahngô angeengéani.

LUC TSANGO EAMOSOBA EMATENDA 10:12

Nanôbeenda na gô pie mbe, gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome.

Jean 11:51

Tambô asivové nane gô ngudi yamiene. Gômaba angô pene adeekedi adigodoku gémage géne, amapandôéda étasa éaNzambé g’ôwee ôngawa Jésus gôndé Ajuif muetso.

1 Thessaloniciens 5:4

Ivô anye asi mbumu éaNzambé nôsadigaadô gô évitsi. Génikéô saJésus nôsangagétsapéô ga gévigéô samuisui.

II Thessaloniciens 1:10

Engabuéa te gô ndéône éngavigangô gôéneegedu n’asi mbumu éedi na gôékumédu n’ane amamôétsa mitémamie. N’anyene nôngaba wangô gôébégô nôsitsumé paga gô meekédume mamanigôa we anye.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

II Timothée 1:18

Nanyôngéô mbe Kumu Jésus amôsingéa gôédiia ôkitie aKumu ôngakabô gô nyoo ône ôvôni. Ewe Timothée, ôsabômu metso mamisôba mameendéangô me gô Ephèse.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.