Matthieu 7:21 - New Testament in Mitsogo

²¹ Kaka muetso ateta me mbe: Kumu, Kumu, angeengéa gô tsenge éami éag’ôba. Ivô ane eenda éne ényôngéô Téta ône andé g’ôba, te ahngô angeengéani.

Matthieu 7:21 Iomraidhean Croise

Matthieu 12:50

Menyani mbe aneya vo iya te ane eenda éne ényôngéô Téta, ône andé g’ôba.

Matthieu 16:17

Jésus amanigôa angô mbe: Ti gô gényônga géndé na éwe Simon muana aJean gôébégô éne éapie ésupuyi éwe. Osibeendu éangô na môma. Otsigédiô éangô te na Téta, ône andé g’ôba.

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 18:19

Me Jésus nanôbeenda mbe: Okô omami abaé asi tsengene, avangana gôéduka Nzambé pati yebégô g’ôsambô, Téta, ône andé g’ôba angasingéa môdukée waô.

Matthieu 18:3

Jésus amatubéda mbe: Me nanôbeenda ébégô édué éapie. Okô anye nôsakoa mitéma mianyô gôéba mônongovo ga muanéngé, nôsangeengéa g’ôkumu aNzambé.

Matthieu 18:35

Jésus angô mbe: Téta Nzambé ône andé g’ôba anganôénda te mônongovo ôkô anye nôsasingéa akanyô kokoo na mitéma mianyô mietso.

Matthieu 19:24

Na me noomba énônigôa édué gô tsava mbe éndé ti édagani nyama épôni gôédugu gô épôdéké èatsôngi na éôtéa ti édagani gôndé gékiti gôéasugéda amuene gôétômu na Nzambé.

Matthieu 25:10

Vamakeahngô atayi, gôésômba pitidodine, mômôgôô nône, kumu ayômba amatsiga. Akaô atayi ahmabaka kuanakue gôévéngéa angô ahmeengéa n’edi na gô eba gôéaa sueti éayômba. Ebee ômabandéku.

Matthieu 25:21

Môtômine amamôsénga ôséngu mbe: Mamisôba. Ewe môyanzi amavôma. Omagobeda me gô mane masibaké na tsoongo épôni, tambô nagôétsa mane mootéa na tsoongo. Viga tôtsôkéké, wa n’oo.

Matthieu 26:39

Amawesea amuene pesu na gô mbene. Amagudama na gô tsina. Amaduka Nzambé mbe: Ah Téta, gôndé éwe ôsadagéô ébégô. Nôtôa me gébunguge samaguga égé. Ivô béyé mbe nane, kaka éne ényôngéô me ééndôni ivo te éne ényôngéô éwe.

Matthieu 26:42

Ene éamôbaé Jésus amoomba étsika aneengie na amavovo na Nzambé mbe: Ah Téta, ôkô mbe gébunguge egé ôsagémôtôa gôndé me ta madeo tsipanga égényua, ébaké te ganyôngéô éwe.

Marc 3:35

Me nanôbeenda mbe aneya na iya te ahngô eenda éne ényôngéô Nzambé.

Marc 9:47

Okô mbe isoe yoo éndé ga pagô gôégôkubéda gô mabégô mabévani yuua éangô. Gôndé éwe gôéengéa g’ôkumu aNzambé n’eso évo ésadaga. Ivô gôékea na gô mungu asoto na miso mabaé te éne édagani.

LUC TSANGO EAMOSOBA EMATENDA 11:28

Ivô Jésus amanikéda mbe: Eébéyée nane, me nanôbeenda mbe, ti gô gényônga géndé na anye nôôkô ôgi aNzambé na nôgobeda angô.

LUC TSANGO EAMOSOBA EMATENDA 13:25

Okô kumu eba andé gô ebedi na amamana ébandéka na môsapi, n’anye nôndé gô môkii, buéyé mbe nôbôkéda na nômôbambéa mbe: Kumu eba kukuéa we, asanganôkukuéa. Anganôénda mbe: Me tsamenya gôviganye.

LUC TSANGO EAMOSOBA EMATENDA 18:25

Na Jésus amagunya tsava mbe: Endé ti édagani nyama épôni étetu mbe chameau gôédugu gô épôdéké éatsôngi. Eôtéa ti édagani gôndé gékiti gôéengéa g’ôkumu aNzambé.

LUC TSANGO EAMOSOBA EMATENDA 6:46

?Anye nayee nôénda me mbe: Kumu, Kumu, na anye nôsagobeda me gô mane matôma me?

Jean 14:7

Okô anye nôsibômu me, nôsabômu dôta te na Téta. N’anyedô nôsamôbômu, nômani émôena.

Jean 15:23

Okô môma avinga me, avinga te na Téta Nzambé.

Jean 3:5

Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.

Jean 5:17

Ivô Jésus amanikéda ahngô mbe: Téta, ône andé g’ôba ayanza kuka yetso. Na me te mônongovo. Nayanza te kuka yetso.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 7:17

One andé na môtéma ôgobeda Nzambé asatsapéô gô meekédume mami. Asabômu mbe ône asavovo gô ényangee éedi, avovo te gô ényangee éaNzambé.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 2:13

Nzambé asanyôngéô ane ookô mabégô medi na matô matévo. Anyôngéô te ane ookô na agobeda mangô metso gamakitsa amuene na gamatôma amuene Nzambé.

Ephésiens 6:6

Kumu abéyee, asabéyee, yanzani ti eembe andé vangô gôénôbono. Vane nôngadugéda na môtéma ômasumani éne enyôngéô Nzambé ti eembe nôndé avéga aChrist.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

1 Thessaloniciens 4:3

Nôeni éne ényôngéô Nzambé gôndé anye, te mbe nôaaganana na mabégô mabévani gôéba môvo n’edi gô étsimama. Na mbe nôkina minongo mietso miagésasô.

1 Thessaloniciens 5:18

Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.

Tite 1:16

Eenda mbe: We tôsabômu Nzambé, tambô. Esimee na mayanza maô matubéda mônongoe waô ôsavambangô na Nzambé. Andé ga sôma gébooni sambônga ébévani. Akina Nzambé. Na asoongôa éyanza ta n’ebégô évo éamôsôba.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

Hébreux 4:6

Ane amapanga éékédu Tsangô Eamôsôba v’ebandô asiengé na gô gévôgiméô te gô pagaye yaô. Te gamadugédu ôvangee gôndé avo gôéengéa ngu na deo noo.

Jacques 1:22

Nômbiabômédu anyene. ?Mane mamavovo Nzambé, nôndé gôéôkô mangô te na matô matévo nayee? Indakani mane mookô anye gô mangô.

I Pierre 2:15

Nzambé anyôngéô mbe éne épatéô anye, tônani éangô n’esima éanyô éamisôba.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

Gétsutsuéô 22:14

Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge.

Gétsutsuéô 3:5

Te anye nômadiia gô ébadi égenyuni nôngaatédu mikanda miavembo. Mina manyô masangabusuu gô môganda amonyo. Me nanganigôa na gényônga va mbene aTéta Nzambé n’ayanzi edi asi g’ôba muetso mbe: Adua te omami.