Matthieu 7:16 - New Testament in Mitsogo

¹⁶ Anye nôngamenya angô te gô ésima éaô. ?Môma anenga masagu gô minzembe‐a? ?Na môma abénza mbida gô gétsagaa‐a?

Matthieu 7:16 Iomraidhean Croise

Matthieu 12:33

Okô ônyôngéô édiia miônda miamisôba ôkenea te géétété samôsôba. Okô ôkenea géétété gébévani ôngaba na miônda mibévani. Géétété gémenyanganô te gô mônongoe amiôndamie mibôta sangô.

Matthieu 7:20

Anye nôngamenya eekédi adiboe gô ésima éaô.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Jacques 2:18

Tôkanéga n’oma abaé. Môvo avovo na môkedi mbe: Me neetsi Nzambé môtémami wetso gémôtsumé paga. Môkedi mbe: Me va yami kuka nandé n’esima ényôngéô Nzambé. Tubéda me gameetsa éwe Nzambé môtémoo, éwe gédigéé n’esima ényôngéô angô. Ivô me nangagôtubéda ésima éami éamisôba vane éwe ôngayavôga émenya mbe: Odôô amani eetsa Nzambé môtémee wetso gémôtsumé paga.

Jacques 3:12

Ana aTéta asi mbumu éaNzambé, ôguda ôsabôta mbida, na gékadi gésabôta kuda. Meba mavianga masakoga maka mane mamana sôé.