Matthieu 7:15 - New Testament in Mitsogo

¹⁵ Wemai gôndé eekédi adiboe. Aviga na va gatse anyô ga mandombo, tambô gô mitéma miaô te ga nzego.

Matthieu 7:15 Iomraidhean Croise

Matthieu 10:17

Bakani n’ekena gôébégo oma anganôkeda na gô yeba yamisoso. Anganôbita na mibitô gô yeba yewanyéô.

Matthieu 16:11

Menyani mbe vavovo me tsanôkeneda gô mipemba miaakôni. Tambô wemani gô levure éApharisien na éAsadducéen.

Matthieu 16:6

Jésus amakeneda ahngô gô tsava mbe: Nôwema. Baani n’ekena gô levure éApharisien na gô levure éAsadducéen.

Matthieu 24:11

Gôngaba eekédi adiboe angabôméda ayekani.

Matthieu 7:14

Ivô ômbee ôgeôge na nzéane ékeke, te yangô ékeda môma na gô monyo. Gôsaba oma ayekani akea gô yangô.

LUC TSANGO EAMOSOBA EMATENDA 12:15

Na Jésus angô mbe: Nôwema kabaga nôba n’onzôô okiti. Buéyé mbe ôkiti ôvôni, monyo amôma ôsaba gô éne.

LUC TSANGO EAMOSOBA EMATENDA 6:26

Ti gô maguga mandé n’anye nôkumédu n’akanyô. Anye madeo nôsibôtu eekédi adiboe amakumédu te nane.

Jean 10:12

Gôndéké môma ayanza te gôédiia dode ditévo, angô kaka môkeneyi amandombo, n’angô kaka kumu amandombo. Vangaviga émbengie, môyanzine angabusuga gôétsikéa émbengie mandombome. Mavo mangapanzanganédu na mavo mangaaô.

Mayanzame 13:40

Tambô wemani kabaga éne émeevéda apandôédi amatasa maNzambé ébuéa gôndé anye. Ameevéda mbe:

Mayanzame 13:6

Ahmananga na néngéne nyetso ngu na môsenge aPaphos. Gône amadenga nganga éénda mavétô, inedi Bar-Jésus. Angô Môjuif ameenda mbe: Me te môpandôédi amatasa maNzambé.

Galatie 2:4

Béyé gamanyôngéô avo mbe ageetu. Ahngô te ane ahmagésangana n’asô ahmapataka mbe: We te ana aTéta. Ahmeengéa na wada gôévôtanganô mônongo agétabé géndéké n’asô n’anyô gôtôvamba na Jésus‐Christ. Ahmanyôngéô étônikéda g’ôvéga.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Ephésiens 5:6

Nôkenea kabaga môma anôbômédu na mavovia maô mabueme. Te gô mônongo oési ône ôngeenanô ôpisa aNzambé ôéséda ane asamôgobedani.

Philippiens 3:2

Aaganani n’eendi amabégô mabévani agono na inzua. Wemani omee ane abuta ébeta ôtô betaga. Tsangoongôa éénda mbe, geetaga.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

II Pierre 3:17

Anami amôtéma, anye nômani éevédu. Wemani anyene kabaga nôkudungana gô nzéa éoma abévani na kabaga mitéma mianyô minika ngima.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Gétsutsuéô 16:13

Nameena édidie étatô ébévani émagono na mônyaa émakusa gévo gévo gô mônya aGényogonyogo na gô mônya aGényamanyama na gô mônya amôékédi adiboe.

Gétsutsuéô 17:6

Nameena mbe môgeto noo andéké n’edangi. Edangie yedi te éanzina yasi mbumu éaNzambé ahmayôhu gô ina aNzambé. Nzina yaô dimaaga gôébégô ahngô ahmootéa ényôngéô Jésus na ahmasipa gô mabégô medi. Vameena me môgeto nône namasôbasôbana.

Gétsutsuéô 19:20

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.

Gétsutsuéô 20:10

Vane yabédé, Môbômédine waô angagunyu na gô mungu asoto gôkusa mbônga ébévani éangôté éndé na tsokida. Wangô angadenga Gényamanyama na môékédine adiboe ahndé gôéenéa angô. Angô atatô angabisongono na pitsi n’omanda môbô na môbô gékôdéé.