Matthieu 6:5 - New Testament in Mitsogo

⁵ Asi enyepa éamiônya anyôngéô étema mitie gôévovo na Nzambé gô yeba yewanyéô na gô magô manzéa gômbe oma angakuméda ahngô. Ivô anye vavovo anye na Nzambé, nômbienda mônongovo geenda ahngô. Me nanôbeenda na gô pie mbe gôndé ahngô asabadô na tsoongo, amani édiia misenda miaô.

Matthieu 6:5 Iomraidhean Croise

Matthieu 21:22

Okô anye nôétsi mitéma mianyô mietso gô éne édukanye Nzambé g’ôsambô, nôngeena éangô.

Matthieu 23:13

Jésus amavovo mbe: Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Anye nôkukégéa oma ôkuké ag’ôkumu aNzambé. Anyene nôseengéa gô angô, na nôsatsika ane anyôngéôni mbe eengéa. [

Matthieu 23:5

Mane mayanzahngô amayanza v’ekanga mbe ényepee éaô éenanô n’oma. Môbôtô aMatendeo MaNzambé ôtsua eekédi, ahngô avundéda angô na atsua angô kataga va panza yaô na va mogo maô gômbe ôenanô. Ngoyi yaô yeekédi, aditongeda na adinyepeda gôéenanô n’oma.

Matthieu 23:6

Gô môambô anyôngéô édigaa va kôbangô akumu éasueti. Gô eba agéwanyéô asevoa édigaa éokumaka éenanôni n’oma.

Matthieu 6:1

Nômbieenda mayanza manyô mamisôba va miso moma gôébuta éséngu n’ahngô ôséngu. Okô nôéndi nane, nôsangeetsô misenda na Tétanyô, ône andé g’ôba.

Matthieu 6:16

Vakinanye môyakô gôévovo na Nzambé, anye nôkinini, nômbiaduta ésunga gôényemôga geenda asi enyepa éamiônya. Angô anyinyama gôétubéda oma mbe: We tôkini môyakô gôévovo na Nzambé. Nanôbeenda na gô pie mbe gôndé ahngô asabadô na tsoongo, amani édiia misendamie miaô.

Matthieu 6:2

Okô éwe ôétsi misuga yôma ôbiia ônatoongo môsosi gôébuta éenanô n’akoo mbe: Odôô te ône eetsini. Asi enyepa éamiônya eenda te nane gô yeba yewanyéô na gô nzéa buta mbe oma akuméda ahngô. Me nanôbeenda na gô pie mbe angô amani édiia ôséngue waô n’oma. Asangeetsô ôséngu na Nzambé.

Matthieu 9:38

Tambô dukani kumu atsagane mbe angakudéga ayanzi gôéengéda éne émagaabôkôni.

Marc 11:25

Okô mbe ôndé na ébégô na môkoo, ômbiasuméa évovo na Nzambé. Buedi mbe ôpanga émôsingéa kokoo. Vane Tétoo, ône andé g’ôba angagôsingéa dôta kokoo gô mabégô moo mabévani. [

Marc 12:38

Vameekéda Jésus amakeneda oma mbe: Nôwema anigôi amige miaNzambé. Ahnyôngéô ékenga gô édénga éaô étongoni. Ahnyôngéô ékômbôu na géneega gô étungue éyeka oma.

LUC TSANGO EAMOSOBA EMATENDA 11:43

Ti gô maguga mandé gôndé anye Apharisien. Nônyôngéô édigaa gô kuanga yokumaka mbe nôenanô gô eba agéwanyéô. Nônyôngéô mbe oma anôkômbôa kômbôye yanyô yagéneega gô étungue édenganô oma ayekani.

LUC TSANGO EAMOSOBA EMATENDA 18:1

Jésus amanyôngéô éékéda aneengie mbe aba na môvinéné gô disambô mbe kabaga adeeda. Amagunya ahngô tsava mbe:

LUC TSANGO EAMOSOBA EMATENDA 18:13

Môbongi adepu asiwesea na gô mbene gô eba aNzambé. Asiyeege ébôkaméa. Ivô amadéa, amabômôa mbômedi ameeséda amuene, na amamema mbe: Ah Nzambé eena me ngeba. Me te môma môbévani.

LUC TSANGO EAMOSOBA EMATENDA 20:47

Ahnyôngéô émana éetso éndé gô yeba yamikué. Ahvovo disambô ditongoni te gô ényepa éamiônya. Gésisédéô saô géngootéa gévôni.

LUC TSANGO EAMOSOBA EMATENDA 6:24

Ti gô maguga mandé n’anye nôdônga g’ôkitie wanyô. Gényôngage sanyô, nômani égéena.

Jean 16:24

Ngu na ndéô nedué, anye nôsimôduka sôma gô inami. Dukani na nôngeetsô. Vane gényônga sanyô géngaba ti gésaba n’okana.

Ephésiens 6:18

Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

1 Thessaloniciens 5:17

Vovoni na Nzambé gédundé.

Jacques 4:6

Buéyé mbe nane, Nzambé atôétsa mene mate mootéa mane. Matendeo MaNzambé matôbeenda mbe: Nzambé agoméa asi nyemo. Ivô eetsa mate gôndé ane asaba na nyemo.