Matthieu 6:4 - New Testament in Mitsogo

⁴ Itsaka misuga yôma ôbiia v’esooe. Na vane, Tétoo ône eena v’esooe angagôétsa ôséngu.

Matthieu 6:4 Iomraidhean Croise

Matthieu 10:42

Nanôbeenda ébégô édué éapie mbe, ône eetsa gébungu sameba masodi na gôndé môvo va gatse aneengie ami, gôndé angô mômami, môétsine angadiia misenda.

Matthieu 6:18

kabaga ônyemôga mbe: Me nanyepa gôndé Nzambé gôkina me môyakô gôévovo n’edi. Tétoo Nzambé andé wangô gô tungu évangi éwe n’edi gôékina môyakô. Tétoo amenya mabégô mav’esooe na angagôétsa môsenda.

Matthieu 6:3

Ivô vangeetsewe misgua yôma ôbiia te buedi mbe ôétsa v’esooe mbe buéyé mômane woo amôtéma asangamenya éne éétsi éwe.

Matthieu 6:6

Gôndé éwe, vavovo éwe na Nzambé, ingéa gô tsongone yoo na kukéga ôkukée. Vovo na Tétoo andé n’ewe gô tungu éav’esooe. Tétoo amenya mabégô mav’esooe, na angagôétsa môsenda.

LUC TSANGO EAMOSOBA EMATENDA 14:14

Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

LUC TSANGO EAMOSOBA EMATENDA 8:17

Metso masuéguni mangaba mamatsutsuuni. Na metso mav’esooe mangaba mav’ekanga na mamamenyanganôni.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

Hébreux 4:13

Gôsaba ta na môma ta na sôma, géngasomo va miso maNzambé. Eetso émakanôni na émavangôni éndé mônyenge gébé na gésomeo va mbene aNzambé. Na te gôndé angô mbe wa n’anyô muetso tônganigôa mane masô n’anyô.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.

Gétsutsuéô 2:23

Va ngongone vane nangayôha anedi. Na vane asi mbumu éaNzambé muetso ahngamenya mbe me navovoni ôdôô, te ône asabômu metso matasa môma na mane manyima môtémedi. Nangeetsanye môma na môma kuanakue n’ene émeendanye, môbévine angabévédu na mônyepine anganyepedu.