Matthieu 6:34 - New Testament in Mitsogo

³⁴ Nômbiakebangana gô mane mamene. Panda yamene te yamene. Inya n’enya ôndé na yedi panda.

Matthieu 6:34 Iomraidhean Croise

Matthieu 6:11

Itsa we môyakô akuanakue n’asô deo noo.

Matthieu 6:25

Me Jésus, nanôbeenda mbe, nômbiakebangana gô môyakô ôngaa anye, na meba manganyua anye gô monyoe ôdôô. Nômbiakebangana béyé gô maduani mangaatanye gôékenea yôtô yanyô. ?Monyoe ôsootéa môyakô‐ma? ?Otôe ôsootéa maduani‐a?

Matthieu 6:27

?Môma ndé va gatse anyô angoongôa ékôndéga pitsiye yedi yava tsina gô ngudi yamikebanganô?

LUC TSANGO EAMOSOBA EMATENDA 10:41

Kumu Jésus amamôsemba mbe: Ah ti éwe Marthe, ôkebangana te pingôye yoo yamayanza, na ôyungédu na mabégô mayekani, tambô mabégôme mapie masayeka.

LUC TSANGO EAMOSOBA EMATENDA 11:3

Itsa môyakô akuanakue n’asô pitsi yedi.

LUC TSANGO EAMOSOBA EMATENDA 12:11

Vangakedu anye gôétsundédu gô yeba yewanyéô na vangatemedu anye va miso makitsi amisoso, n’ane atômani, nômbiakebangana môtangôe ônganigôa anye, na mônongoe ôngayuéga anye.

LUC TSANGO EAMOSOBA EMATENDA 12:22

Jésus amavovo n’aneengi edi mbe: Oôkôni gavovo me n’anye. Nômbiakebangana gô môyakô ôngaa anye gô monyo ôdôô. Nômbiakebangana béyé gô maduani mangaatanye gôékenea yôtô yanyô.

Jean 14:27

Me nakeyi. Ene étsikéa me anye te gétabé sami mbe géngaba gô mitéma mianyô mbe nôngaba na mitéma mimasumani. Géne sami gétsikéa me anye gésagono na géne satsenge nedué. Nombiaba na mikebanganô gô mitéma mianyô.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Philippiens 4:6

Nômbiakebangana ta n’ebégôe. Ivô gô mabégô metso vovoni na Nzambé gôémôduka éne égômbéô anye. Vovoni n’edi na mitéma miagéneega na kuma.

I Pierre 5:7

Deekedani panda na mikebanganô mianyô éetso na gôndé Nzambé gôébégô angô anôkenea.