Matthieu 6:25 - New Testament in Mitsogo

²⁵ Me Jésus, nanôbeenda mbe, nômbiakebangana gô môyakô ôngaa anye, na meba manganyua anye gô monyoe ôdôô. Nômbiakebangana béyé gô maduani mangaatanye gôékenea yôtô yanyô. ?Monyoe ôsootéa môyakô‐ma? ?Otôe ôsootéa maduani‐a?

Matthieu 6:25 Iomraidhean Croise

Matthieu 10:19

Vangakedu anye gôétsundédu gô eba amisoso nônakebangana môtangôe ôngaba n’anye na mônongoe ônganigôa anye. Vangaba anye va mbene aatsundédi, nigôani te éne éngabeendu anye na Nzambé.

Matthieu 13:22

Avo te ane ahgono na tungune éndé kavanga. Ahngô ane te ane ookô Mabégô MaNzambé. Ivô matasa maô metso te mikebanganô miava tsina. N’ahngô ahbômédu n’onzôô okiti. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

Matthieu 6:31

T’ebandô nômiaba na mikebanganô mbe: ?We tôngaa môyakô ndé? ?Tônganyua ndé? ?Tôngaata maduani ndé?

Matthieu 6:34

Nômbiakebangana gô mane mamene. Panda yamene te yamene. Inya n’enya ôndé na yedi panda.

Marc 13:11

Vangatsôpu anye na gôndé atsundédi, nômbiapanga ékebangana éne éngaba n’anye gôévovo. Vangaba anye va mbene atsundédi, vovoni éne éngabeendu anye na Nzambé. Esangavovo anye éngavovo te Gédidi SaNzambé.

Marc 4:19

Ivô matasa maô metso te mikebanganô miava tsina. N’ahngô ahndé n’onzôô okiti na mavo manyima mabévani. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

LUC TSANGO EAMOSOBA EMATENDA 12:11

Vangakedu anye gôétsundédu gô yeba yewanyéô na vangatemedu anye va miso makitsi amisoso, n’ane atômani, nômbiakebangana môtangôe ônganigôa anye, na mônongoe ôngayuéga anye.

LUC TSANGO EAMOSOBA EMATENDA 8:14

Mine mimaaga va tungu éakavanga, te gandé oma ookô Mabégô MaNzambé na vadigaahngô mamapikaméô na matasa matsengene na ônzôô okitie, na gényônga satsengene. Gôndé ahngô Mabégô MaNzambé masaba na ngudi mbe ahngadiia ésima éamisôba.

Romains 8:32

Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

I Corinthiens 7:32

Me Paul nanôongô mbe gô mane meenanôni na mane mabandôni makebangana môma, bakani ga môma amapaba gésengo samane matsengene. Tôsabômu gandé môma. Mômôgôô asibeeni abuta éénda éne ényôngéô Kumu Jésus na matasa medi metso mandéké te gôéyanzéa Kumu edi.

Philippiens 4:6

Nômbiakebangana ta n’ebégôe. Ivô gô mabégô metso vovoni na Nzambé gôémôduka éne égômbéô anye. Vovoni n’edi na mitéma miagéneega na kuma.

II Timothée 2:4

Môgode atsengene anyôngéô étubéda môtômi edi gényônga gô éyanzee éedi te ône asagésangana gô monyoe oma asingaséni.

I Pierre 5:7

Deekedani panda na mikebanganô mianyô éetso na gôndé Nzambé gôébégô angô anôkenea.