Matthieu 6:20 - New Testament in Mitsogo

²⁰ Ivô vagani ôkitie wanyô gô tsenge éag’ôba éaNzambé. G’ôba gôsaba mangbangba na nyanga gôébunza éôma, pengo ta na pesu. Na dôta gôsaba éésui apada yeba gôébongo éôma.

Matthieu 6:20 Iomraidhean Croise

Matthieu 19:21

Jésus amavovo n’edi mbe: Okô ônyôngéyiô éba gébé n’oési, kiaka ôkesômbéda éetso éndé n’ewe. Obongo dodeye ôkekabanéa na misuga. N’ewe ôngaba n’okiti g’ôba. Na vane ôviga gôékea nzéepo n’ami.

Matthieu 6:19

Nômbiavaga ôkitie wanyô éva gô tsengene. Gô tsengene mangbangba na nyanga ébunza éôma. Eésui apada yeba gôébongo éôma.

Marc 10:21

Jésus amamôbono na gényônga. Angô mbe: Gôndé éwe gôsanéyi ébégô évo. Kiaka sômbédé éetso éndé n’ewe. Bonge dodeye ôkekabanéa misuga. N’ewe ôngaba n’okiti g’ôba. Na vane ôviga. Oka nzéepo n’ami.

LUC TSANGO EAMOSOBA EMATENDA 12:33

Sômbédani ôkitie wanyô. Itsani misuga dodeye dingadiianye. Gényôgani gôédiia gékeneoge sadode gésatubégani. Vagani ôkitie wanyô gô tsenge ag’ôba. Gône ôsangadimbana. Eesuie asangaôdenga. Mangbangba masangaôbunza.

LUC TSANGO EAMOSOBA EMATENDA 18:22

Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba.

I Timothée 6:17

Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

I Timothée 6:19

Gôénda ahngô nane, andé gôévaga ôkiti ôvôni agétangégé na ôsagôgani. Na angadiia monyoe apie amôbô na môbô.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.

Hébreux 11:26

Moïse amamenya mbe gôésipa gô gékuanô sainee éaChrist, te éne éndé na tsoongo. Géé gôédigaa n’okitie wetso atsengene éaEgypte, éne ésibé na tsoongo. Gôébégô Moïse amaténdéda na amabono miso medi te gô môsenda agô mbene éanzéa.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

I Pierre 1:4

Na mikuanya miasô n’anyô mitôtsôkéani mindé gôndé Jésus. Te mikuanya miagébungané na miagébômbé, na miagéongodone. Mikuanya mimatsikéô anye mindé na Nzambé g’ôba.

I Pierre 5:4

Vangatsutsuga amuene pene akeneyi amandombo, nôngadiia gépôkôdô sôbébayi sokumaka agébungané.

Gétsutsuéô 2:9

Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.