Matthieu 6:13 - New Testament in Mitsogo

¹³ Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Matthieu 6:13 Iomraidhean Croise

Matthieu 26:41

Bakani misiki géebogé. Vovoni na Nzambé anye muetso kabaga nôkuba vakanégu anye gô mabégô mabévani. Gédidi samôma gényôngéô éénda mane manyôngéô Nzambé ivô ôtôe ôdeeda.

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

Matthieu 5:37

Ene ésinganye singani mbe: Ii, gésongé môsongia. Ene ékinanye, kinani mbe: Aé, gésongé môsongia. Te Satan atôma oma gôésongéa misongia.

Matthieu 6:10

Nanyôngéô mbe ôkumue woo ôviga gôétôma. Nanyôngéô mbe oma eenda va tsina éne ényôngéô éwe, Mônongovo geendô éne ényôngéô éwe g’ôba.

Jean 17:15

Me nagôduka mbe, kenea angô andé amasetu na ône môbévani.

I Corinthiens 10:13

Gôsaba ta gô éangô. Nzambé asavétsua ôvangee wedi gôétôkenea gô éne ékanégu wa n’anyô. Nzambé asasinga mbe éne ékanégu wa n’anyô éôtéa ngudiye dindé na wa n’anyô mbe tôkékôa éangô. Gô ndéône éngatsiga éne énganôkanégani, Nzambé anganôétsa ngudi gôésipa na gôékékôa gômbe nôsangakuéa.

I Corinthiens 14:16

Endé te nane. ?Okô ôkuméda Nzambé gô gédidi gétévo, akoo andé vangô gôéôkô angoongôa éaabéa mbe: Amen‐a? Angô genigôgéô éne ékuméda éwe Nzambé asangamenya éne évovo éwe.

II Corinthiens 1:20

Na gô pie divanga yetso dimavanga Nzambé gôndé wa n’anyô te Jésus atôtubéda mbe Nzambé asapata. Te gô ina aJésus‐Christ tôkuméda Nzambé vatôaabéa mbe: Amen, ébaké te nane.

Galatie 1:4

Christ amaadeekeda amuene ngu na g’ôwa gô ébévee éasô n’anyô. Te gôétôoboo na gôétôkuséda g’ôvéga ômatômuku we na tsinane éadeo noo édué éndé émayôa na mabégô mabévani. Te éne émanyôngéô Tetasô n’anyô Nzambé.

1 Thessaloniciens 1:10

Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.

II Thessaloniciens 3:3

Kumu Jésus andé na mavôma na asakoga. Anganôodeda na anganôebakanédéa Môbévine.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

Hébreux 11:36

Avo dôta amadetu, n’avo amabitô na mibitô. Avo amakatô ésengo na ameengedu gô yeba yatsôgôô.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

II Pierre 2:9

Kumu asabômu éoboo omedi gô éne ékanégu ahngô. Kumu asabômu ékenea oma abévani ngu na gô nyaa amôtsundu.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 19:1

Va mbenene vane, namookô ôgie akangégangé ômavovo géômbé gévoni gô ngongo. Omavovo mbe: Tôkumédékéni Nzambé gô géôbogeoge géndé n’edi na g’ôkumakee, n’ondômbee wedi.

Gétsutsuéô 19:4

Vane nzima dibaé yapayi na payi dinayi na éôma énayi évégumani ahmasiba mabongo maô gôéneegeda Nzambé andé digaa gô gédigaa sokumaka. Ahmaabéa mbe: Amen. Tôkumédéni Nzambé.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 21:4

Nzambé angakôbôa ahngô keba yetso yagô miso maô. Owa ôsangabadô. Na miéngé misangabadô. Na mindônga na pievia édimbani te yetso. Mane mambeego metso mamadimbana.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.

Gétsutsuéô 5:13

Namoomba éôkô yene émbô. Namookô éetso évégumani éag’ôba, na éagô tsina, na éagô gatse atsina na éagô tsina ambéyi, ti éetso émavangangô gô tsinane nyetso ématôa émbô mbe: Gôndé ône andé digaa gô gédigaa sokumaka Na gôndé Môpagee, Te mbe géneegage setso, n’okumakee wetso, Na ôtômue wetso ôbaké gôndé ahngô môbô na môbô.