Matthieu 6:12 - New Testament in Mitsogo

¹² Singéa we kokoo gô mabégo masô mabévani mônongovo gasingéa we kokoo gôndé ane atôéndéa mabégô mabévani.

Matthieu 6:12 Iomraidhean Croise

Matthieu 26:28

Eédi te nzina yami. Te nzina divambéda oma na Nzambé dimaaga ngu na g’ôwa gôndé oma ayekani gôésingéa ahngô kokoo gô ébévee éaô.

Matthieu 9:2

Oma amamôtsuéa môbeene amakata éeyo andé yama gô gékakage. Vameena Jésus mbe omeaa asatsuma ngudi yami paga, amovovo na môbeene mbe: Ombiaba na mikebanganô. Suméda môtémee muanami. Ebévee éoo ésingéyiô kokoo.

Marc 11:25

Okô mbe ôndé na ébégô na môkoo, ômbiasuméa évovo na Nzambé. Buedi mbe ôpanga émôsingéa kokoo. Vane Tétoo, ône andé g’ôba angagôsingéa dôta kokoo gô mabégô moo mabévani. [

LUC TSANGO EAMOSOBA EMATENDA 11:4

Singéa we kokoo gô mabégô masô mabévani, Mônongovo gasingéa we kokoo gôndé ane atôéndéa mabégô mabévani. Vangakanégu we gôéénda mabégô mabévani, ômbiatsika we.

LUC TSANGO EAMOSOBA EMATENDA 13:4

Aanakani. Avo nzima na omo génana ahmawa gô Jérusalem vamapikô ahngô n’eba aSiloé agô ngongo ngongo ômakitségani. ?Nômenya mbe ahngô te amootéa ébévani na asi Jérusalem muetso-ma?

LUC TSANGO EAMOSOBA EMATENDA 6:37

Nômbiatsuava akanyô kabaga anye nôtsundédu na Nzambé. Nômbieeséda akanyô, kabaga Nzambé anôeséda. Singéani akanyô kokoo, na Nzambé anganôsingéa dôta kokoo.

Mayanzame 13:38

Amôgôô, ana a Tétee n’ami, vootanganôni édué. Te gô ngudi yaJésus ône amakunduu na Nzambé g’ôwa mbe môma asingéô kokoo gô ébévee éedi. We tônonigôa te nane. Te gô ngudi yedi mbe muetso ane amôétsa mitémamie gébé na paga akusédu g’ôvéga ôtsôpu angô na mabégô maô mabévani. Mige na mitôma mimatsikéô wa n’anyô na Moïse misibé na ngudi gôétôkuséda g’ôvégee ône.

Ephésiens 1:7

Gôébégô wa n’anyô tômoobou na tômasingéô kokoo gô ébévee éasô n’anyô gô ngudi yowa aChrist, ône amatômu na Nzambé. Te gô ébégôe éne tôene gayekégéa ngeba yaNzambé gôndé wa n’anyô.

Ephésiens 4:32

Bakani n’enyônganéô na vitoo anyene n’anyene gôésingananéa anyene kokoo mônongovo gamasingéô anye na Nzambé kokoo gô ina aJésus‐Christ.

Colosses 3:13

Bakani n’obibo anyene n’anyene. Okô môvo va gatse anyô abé n’ebégô na môkedi, buedi mbe asingané kokoo anguene n’anguene. Singanéani kokoo gamasingéô anye kokoo na Christ.