Matthieu 6:10 - New Testament in Mitsogo

¹⁰ Nanyôngéô mbe ôkumue woo ôviga gôétôma. Nanyôngéô mbe oma eenda va tsina éne ényôngéô éwe, Mônongovo geendô éne ényôngéô éwe g’ôba.

Matthieu 6:10 Iomraidhean Croise

Matthieu 12:50

Menyani mbe aneya vo iya te ane eenda éne ényôngéô Téta, ône andé g’ôba.

Matthieu 16:28

Nanôbeenda ébégô édué éapie mbe avo va gatse anye nôndé éva, nôsangawa ta madeo nôsiena me, Muana Amôma naviga n’okumaka gôétôma.

Matthieu 26:42

Ene éamôbaé Jésus amoomba étsika aneengie na amavovo na Nzambé mbe: Ah Téta, ôkô mbe gébunguge egé ôsagémôtôa gôndé me ta madeo tsipanga égényua, ébaké te ganyôngéô éwe.

Matthieu 3:2

Ameekéda mbe: Koani mitéma mianyô mbe nôngaba wene mônongo oma gôébégô ôkumu aNzambé ôweseyi na gôndé wa n’anyô.

Matthieu 4:17

Va géyénzage géne Jésus amabandôa éékéda. Amavovo mbe: Koani mitéma mianyô gôéba wene mônongo gôébégô ôkumu aNzambé ôweseyi na gôndé anye.

Matthieu 7:21

Kaka muetso ateta me mbe: Kumu, Kumu, angeengéa gô tsenge éami éag’ôba. Ivô ane eenda éne ényôngéô Téta ône andé g’ôba, te ahngô angeengéani.

Marc 11:10

Te ôkumu aTétasô David. Asi g’ôba n’asi gô tsina muetso, tôkumédékéni Nzambé.

Marc 3:35

Me nanôbeenda mbe aneya na iya te ahngô eenda éne ényôngéô Nzambé.

LUC TSANGO EAMOSOBA EMATENDA 19:11

Jésus amagunya épo tsava gôndé ane amaviga gôéôkô meekédume medi. Gômawesea ahngô môtôô na gô môsenge aJérusalem, muetso amamenya mbe, okumu aNzambé ôngatsutsuga pitsi yedi gôétôma.

LUC TSANGO EAMOSOBA EMATENDA 19:38

Te mbe mate maNzambé mabaké gôndé môtômine asô avigi gô ina aKumu. Gétabé gébaké dôta na gô gédigaa sedi g’ôba. Ondômbee wetso te gôndé Nzambé.

LUC TSANGO EAMOSOBA EMATENDA 22:42

Téta, ôkô ônyôngéô, nôtôa gébunguge samaguga egé. Ivô béyé mbe nane, kaka éne ényôngéô me ééndôni, ivô te éne ényôngéô éwe.

Jean 4:34

Jésus amanigôa ahngô mbe: Môyakôe wami te gôégobeda ône amatôma me. Môyakôé wami dôta te gôémana éyanza ématômu me n’edi.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 7:17

One andé na môtéma ôgobeda Nzambé asatsapéô gô meekédume mami. Asabômu mbe ône asavovo gô ényangee éedi, avovo te gô ényangee éaNzambé.

Mayanzame 13:22

Va mbenene vane, Nzambé amakina Saül na ameetsa omee ane David mbe ahngatômu n’edi. Gôébégô éaDavid, Nzambé amavovo mbe: Me neena mbe David ôdôô muana aIsï, andé muanami amôtéma. Angeenda mane manyôngéô me mbe meendô.

Mayanzame 21:14

We tôsibé na ngudi yekoa Paul matasame. Na tômasuméa évovo mbe: Ene ényôngéô Kumu Nzambé ébaké.

Mayanzame 22:14

Amavovo n’ami mbe: Nzambé, ône aneegedu na peeye yasô n’oo amasevoa éwe va mbeego gômbe ôngeenda éne ényôngéô angô. Na mbe ôena angô Kumu étsimama. Na dôta mbe éwe ôôkô gavovo angô gô mônyedi amuene.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Ephésiens 6:6

Kumu abéyee, asabéyee, yanzani ti eembe andé vangô gôénôbono. Vane nôngadugéda na môtéma ômasumani éne enyôngéô Nzambé ti eembe nôndé avéga aChrist.

Colosses 1:13

Endé te nane. Amatôwata g’ôvéga ômatômuku we n’evitsi. Amatôengéda gôétômu na Jésus Muanedi amôtéma.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

1 Thessaloniciens 4:3

Nôeni éne ényôngéô Nzambé gôndé anye, te mbe nôaaganana na mabégô mabévani gôéba môvo n’edi gô étsimama. Na mbe nôkina minongo mietso miagésasô.

1 Thessaloniciens 5:18

Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Hébreux 10:36

Buedi mbe nôyanza na mavôma mane manyôngéô Nzambé. Vane nôngadiia éne émavanga angô gôndé anye.

Hébreux 10:7

T’ebandô, me Christ navovo mbe: Ah Nzambé, me nangôô. Navigi gôéyanza éne ényôngéô éwe. Mônongovo gamatendu gôndé me gô Matendeo Moo.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

I Pierre 2:15

Nzambé anyôngéô mbe éne épatéô anye, tônani éangô n’esima éanyô éamisôba.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 12:10

Me Jean namookô ôgi angudi ôviga g’ôba ômavovo mbe: Tôka gô ndéône. Géobogeo saNzambé gébuéyi. Tôka gô ndéône. Nzambé atubédi ngudi yedi yokumaka. Tôka gô ndéône. Christ, ône amasevou na Nzambé atubédi ényangee éndé n’edi. Môtsuaviné amabaka môtie va mbene aNzambé gôétsuava asi mbumu éaNzambé, ana aTétee n’asô n’anyô na pitsi n’omanda. Môtsuavine ône te ône amapatsô g’ôba.

Gétsutsuéô 19:6

Na me Jean namookô ôgi agéômbé gévôni ômavovo na nzongodi éndé ga ngubu na ga midumu mikungani. Namookô angô ômavovo mbe: Tôkumédéni Nzambé, angô Kumu épôni éndé gôétôma.

Gétsutsuéô 20:4

Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.