Matthieu 5:8 - New Testament in Mitsogo

⁸ Ti gô gényônga géndé n’anye nondé na mitéma mimagôgéani. Anye nôngeena Nzambé.

Matthieu 5:8 Iomraidhean Croise

Mayanzame 15:9

Nzambé asatatôa Ajuif n’ane asaba Ajuif. Amagôgéda mitéma miaô gômeetsahngô Jésus miangô gébé na paga.

I Corinthiens 13:12

Ene étôenani na éne étômenyani éaNzambé pitsi yedi te gatôbono gô géeno géndé na bobé. Ivô nyovo tôngamôena na va miso. Deo noo tsabômu te ébégô évo ivô nyoone nangamenya te metso mônongovo gamenyanganô me n’amuene Nzambé.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Tite 1:15

One andé na môtéma ômagôgéani, mane medi metso te mamagôgéani. Géé ône andé na môtéma apaga ôsigôgéni, mane medi metso te masigôgéni. Gôébégô muangee amôtémedi ôndé gô évitsi ôsoongôa émôtsundéda.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Hébreux 12:14

Gényôngani gôédigaa na gétabé n’oma muetso na gôéba na môdigédi ônyôngéô Nzambé. Okô nôsidigaa ganyôngéô Nzambé, akanyô mbe asangeena Kumu Jésus gô mônongoe wanyô.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

Jacques 4:8

Weseani na gôndé Nzambé gôévamba n’edi, na angô angawesea na gôndé anye. Ovôakani mogo manyô oma abévani. Gôgédani mitéma mianyô, anye anyepi amiônya.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

Gétsutsuéô 22:4

Ahngeena ôsô aNzambé na inedi éngatendu gô panza yaô.