Matthieu 5:7 - New Testament in Mitsogo

⁷ Ti gô gényônga géndé n’anye nôena akanyô ngeba. Amuene Nzambé anganôena ngeba te mônongovo.

Matthieu 5:7 Iomraidhean Croise

Marc 11:25

Okô mbe ôndé na ébégô na môkoo, ômbiasuméa évovo na Nzambé. Buedi mbe ôpanga émôsingéa kokoo. Vane Tétoo, ône andé g’ôba angagôsingéa dôta kokoo gô mabégô moo mabévani. [

LUC TSANGO EAMOSOBA EMATENDA 6:35

Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.

Romains 11:30

Va mbeego anye nômakina ôgi aNzambé ivô ndéô nedué nôndé nôenanô na Nzambé ngeba gôébégô Ajuif amamôkékôéa.

I Corinthiens 7:25

Gôébégô éepaga tsiitsô môtôma na Kumu Jésus ivô navovo éva te gô matasa mamemuene Paul. Gô ngudi yangeba yaKumu Jésus ndongiye diitsa me anye édi dindé kuanakue mbe môma eetsé môtémedi gô yangô.

II Corinthiens 4:1

Te amuene Nzambé asaba na ninga, ameetsa we eekédi éyanzee éndé n’asô. T’ebandô mitéma miasô misanika gévii.

Ephésiens 4:32

Bakani n’enyônganéô na vitoo anyene n’anyene gôésingananéa anyene kokoo mônongovo gamasingéô anye na Nzambé kokoo gô ina aJésus‐Christ.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

I Timothée 1:13

Eenda nane buéyé mbe namamôkékôa v’ebandô na namamôkuana na namamôenza. Ivô Nzambé ameena me ti ngeba gôébégô metso mane namamayanza g’ôdungé tsimenye. Namabaka na paga tsiitséké môtémee gô mabégô medi mapie.

I Timothée 1:16

T’ebandô Nzambé ameena me ngeba. Amanyôngéô mbe ôkana angeba yaJésus‐Christ dienanô gôndé me, pene oma abévani. Amanyôngéô mbe ébégôe édué émenyanganô na muetso ane ahngamôétsa mitéma miaô gôédiia monyo ôsakôdéakani.

Hébreux 4:16

Tôweséni gébé na buétsé, na gô gédigaa sokumaka saNzambé Kumu angeba. Vatôwesea na gôndé angô tôsingéô n’edi kokoo na tôétsô ngudi gôésipa gô ndéôye didagani.

Hébreux 6:10

Nzambé asoongôa épenganéda tsembô yedi na ôséngu edi. Andé n’oséngu gô éne éyanzanye, na gô ényônganéô éndé n’anye gôéwedéa asi mbumu éedi gô inedi ngu na deo noo.

Jacques 2:13

Okô mômane aseena akedi ngeba, Nzambé asangeena môma nône ngeba gô nyaa amôtsundu. Ngeba didiia te mitayi gô môtsundu.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

I Pierre 2:10

Va mbeego anye nôsibaké oma aNzambé. Ivô deo noo nôka asi mbumu éedi. Va mbeego Nzambé asinôeneke ngeba. Ivô deo noo anôena ngeba.