Matthieu 5:5 - New Testament in Mitsogo

⁵ Ti gô gényônga géndé n’anye nôsaba na nyemo. Nômeetsô tsinane nyetso na Nzambé ôbiia.

Matthieu 5:5 Iomraidhean Croise

Matthieu 11:29

Tôtsuéké égumbee wa n’oo abaé, éwe gévo gésa samôkongo, me dôta gévo gésa. Singa me nagôékéda. Me te môma angeba agébé na nyemo. Ongadenga gédundéô samôtémee woo ganyôngéô éwe.

Matthieu 21:5

Beendani asi môsenge aSion mbe: Bononi Kumu anyô avigi na gôndé anye Andé môma agébé na nyemo. Angô aviga digaa gô nyama éagétabé, ânesse. Adigaa gô ânon, môpaga ânesse.

Romains 4:13

Nzambé amavangana n’Abraham mbe: Ewe n’anoo, tsinane nyetso te mikuanya mianyô. Ovangee ône, Nzambé asiôvangé ne Abraham tsangô mbe Abraham agobeda ndongi na mige na mitôma miaNzambé. Amavangana gôébégô Nzambé ameena Abraham ti eembe asibé n’oési va mbene edi gômeetsangô Nzambé môtémedi gébé na buétsé.

Galatie 5:23

na gôéba gébé na nyemo, na gôéoodeda môtéma gôékina manyima mabévani. Mabégô mema masaba na môge.

Ephésiens 4:2

Bakani gébé na nyemo na gébé na dibagaa. Bibédani gôésinganéa mane maanyene n’anyene gô vitoone éndé n’anyô.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

II Timothée 2:25

Gôndé ane atsuma meekédu medi paga, buedi mbe anigôé na gényônga gébé n’opisa. Vane mavooe Nzambé angayanza gôékoa atsumie apaga mitémamie, n’ahngô angatsiga émenya mane mandé mapie.

Tite 3:2

Ewe Tite, tôma oma mbe: Nômbiatsuava môma. Bakani oma agétabé na oma ekena. Bakani kuka yetso na sekaseka n’oma muetso.

Jacques 1:21

T’ebandô tsikani ésima éetso énde éevindô na mayanza metso mabévani. Bakani na mitéma mimasumani gôédiia Mane Mamavovo Nzambé metso makuyiô mitéma mianyô. Te mabégô mema mooboo anye.

Jacques 3:13

?Gôndé va gatse anyô môma andé n’eodo n’ebagéa? Atubédé éodo éedi na ébagé éedi gô ésima éedi éamisôba na gô éne éendangô na môtéma ômasumani.

I Pierre 3:15

Kôngédani gô mitéma mianyô mbe: Nzambé te Kumu ami. Minya mietso bakani kuanakue nôngamenya éaabéa nyivô diévou anye mbe: ?Tsoongone yoo yééndé?

I Pierre 3:4

Ivô bakani n’enyepa ésenanôni éndé gô môtéma. Enyepee éagô môtéma ésagukani na ésakogani te éne éndé gô môtéma ômasumani na agébé na mikebanganô. Te éne ésingéda Nzambé.