Matthieu 5:46 - New Testament in Mitsogo

⁴⁶ Okô anye nônyôngéô ane anônyôngéôni ?nômenya mbe Nzambé anganôétsa môsenda‐a? Asanganôétsa. Buéyé n’abongi adepu anyôngéô akaô te nane.

Matthieu 5:46 Iomraidhean Croise

Matthieu 11:19

Me, Muana Amôma namaviga. Me naa. Me nanyua. Na oma avovo mbe: Bononi angô. Sedi gémba te aakagane, na sedi gémba te nyuakagane. Angô avamba n’abongi adepu n’oma abévani. Na Jésus angô mbe: Ivô éodo éaNzambé éenanô te gô éne éyanzangô na éodo éne.

Matthieu 18:17

Okô angô akina dôta ôgi oma abaé, atatô, tsua ébégôe éne na gôndé asi mbumu éaNzambé. Okô akini ôgie asi mbumu éaNzambé, nômbiavamba n’edi. Andé te ga môma asavamba na Nzambé, andé te ga môbongi adepu.

Matthieu 5:47

Okô anye nôkômbôa te kinde yanyô atévo ?éne te mbe anye nôénda te ébégô éamôsôba‐a? Ane asavamba na Nzambé ?aseenda te nane‐a?

Matthieu 6:1

Nômbieenda mayanza manyô mamisôba va miso moma gôébuta éséngu n’ahngô ôséngu. Okô nôéndi nane, nôsangeetsô misenda na Tétanyô, ône andé g’ôba.

Marc 2:15

Jésus amabaka va tabudé gô eba aLévi gôéaa môyakô. Gômabaka va tabudé n’edi abongi adepu ayekani, n’oma aminongo mibévani, n’aneengi edi. Ti ahngô ayekani ahmaanda Jésus nzéepo.

Marc 2:16

Anigôi amige miaNzambé gô géômbé sApharisien ahmeena Jésus andé gôéaa va tabudé épo n’oma abévani n’abongi adepu. Apharisien ahmeevôa aneengi aJésus mbe: ?Jésus aa n’omeaa vavo nayee?

LUC TSANGO EAMOSOBA EMATENDA 15:1

Abongi adepu n’avo oma abévani amaviga na gôndé Jésus gôéôkô gamavovo angô.

LUC TSANGO EAMOSOBA EMATENDA 18:13

Môbongi adepu asiwesea na gô mbene gô eba aNzambé. Asiyeege ébôkaméa. Ivô amadéa, amabômôa mbômedi ameeséda amuene, na amamema mbe: Ah Nzambé eena me ngeba. Me te môma môbévani.

LUC TSANGO EAMOSOBA EMATENDA 19:2

Gômabaka mômôgôô môvo inedi te Zachée. Angô te pene abongie muetso adepu. Amabaka gékiti.

LUC TSANGO EAMOSOBA EMATENDA 19:7

Muetso ane ameena ébégôe amagiangana mbe: ?Jésus akea akedigaa gô eba amômane môbévani ône nayee?

LUC TSANGO EAMOSOBA EMATENDA 3:12

Abongi adepu amaviga na gôndé Jean gôébatésu. Ameevôa Jean mbe: ?Môékédi, we tôénda nayee?

LUC TSANGO EAMOSOBA EMATENDA 5:29

Vane Lévi amaambéa Jésus môambô gô ebedi. Abongi ayekani adepu n’avo oma amaa tabudé épo n’edi.

LUC TSANGO EAMOSOBA EMATENDA 5:30

Apharisien na géômbé sanigôi amige miaNzambé asinyôngéô gômeenahngô Jésus aa na omee ane vavo. Ameevôa aneengie aJésus mbe: ?Anye nôaa na nônyua vavo n’abongi adepu na oma amookanô mbe, abévani, nayee?

LUC TSANGO EAMOSOBA EMATENDA 7:29

Oma muetso, buéyé n’abongi adepu amookô gameekéda Jean. Na amanigôgéô mbe: Nzembé te Kumu etsimama asaba n’oési na ameenda Jean mbe: We tônyôngéô ébatésu.

LUC TSANGO EAMOSOBA EMATENDA 7:34

Me, Muana Amôma namaviga. Me naa. Me nanyua. Na oma avovo mbe: Bononi angô, sedi gémba te aakagane, na sedi gémba te nyukagane. Angô avamba n’abongi adepu n’oma abévani.