Matthieu 5:37 - New Testament in Mitsogo

³⁷ Ene ésinganye singani mbe: Ii, gésongé môsongia. Ene ékinanye, kinani mbe: Aé, gésongé môsongia. Te Satan atôma oma gôésongéa misongia.

Matthieu 5:37 Iomraidhean Croise

Matthieu 13:19

Ane ookô veekédu mabégô mokumu aNzambé, na ahngô asanigôgéô mangô agono na totone éagô kôbangô anzéa émaaga mibie. Satan aviga gôéwata gô mitéma miaô mane mookiô ahngô.

Matthieu 13:38

Tsagane te tsina nedué. Mibiemie miamisôba te ane agobeda Nzambé. Te asi ôkumu edi. Etutu émakandani ébévani te ane agobeda yabédé.

Matthieu 15:19

Mangô matubéda matasa mabévani makeda môma gôéyôha môkedi, na mbe akea gésasô, na adigaa sagôsagô, na eesua, na apata, na atsuava akedi.

Matthieu 5:36

Nômbiasongéa môtsée woo gôébégô éwe ôsaba na ngudi yekoa ta n’osôgé ôvo na vee, vo na vioo.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Jean 17:15

Me nagôduka mbe, kenea angô andé amasetu na ône môbévani.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Ephésiens 4:25

T’ebandô nanôtôma mbe: Sasani diboe. Buedi mbe môma na môma avové na môkedi mane mapie. Gôébégô tôndé muetso éeme éamôkuba ôvo.

Ephésiens 6:16

Môtéma ôndé gôndé Jésus gébé na paga te ga gébakanédéô sotô. Gô mabadime metso sumbédani sangô géngabakanéda anye gôékumba makongo mayôa na soto magunya One Môbévani.

Colosses 3:9

Nômbiapatanéa anyene n’anyene. Gôébégô nômamana étsubugéa g’ôtôe wanyô ambeego, ône ômbaka na ésimee éne.

Colosses 4:6

Buedi mbe gô ndéô yetso mavoviame manyô vandé oma mabaké mamaninganinga na mbe manyepedu na sekaseka ganyepeda môma mabunza na vianga. Menyani éaabéa kuanakue nyivôye yetso dibambéa oma.

II Thessaloniciens 3:3

Kumu Jésus andé na mavôma na asakoga. Anganôodeda na anganôebakanédéa Môbévine.

Jacques 5:12

Ebégô évôni ana aTéta, nômbiasongéa misongia. Nômbiasongéa ôba. Nômbiasongéa tsina. Nômbiasongéa ta na môsongia ôvo. Ene ésinganye, singani mbe: Ii. Ene ékinanye, kinani mbe: Aé. Kabaga nôkuyaméa gô môtsundu aNzambé.

I Jean 2:13

Nanôtendéa anye tétee gôébégô nôsabômu ône amapanga v’ebandô. Nanôtendéa anye minzambu gôébégô nômadiia gô ébadie émagenyanye n’one môbévani.

I Jean 3:12

Tômbiaba gamabaka Caïn, angô amabaka môma atômu na yabédé, amayôha muanayeedi. ?Amamôyôha gôndé? Te gôébégô mane mameendaka Caïn mamabaka mabévani, géé mane mamuanayeedi mamabaka manyepani meetsimama.

I Jean 5:18

Wa n’anyô tôsabômu mbe muana aNzambé ag’ôbôtu asangoongôa éomba éénda mabégô mabévani n’osôbedi. Gôébégô Jésus Muana ANzambé akenea angô, na amuene Môbévine asangoongôa étsôpa angô.