Matthieu 5:30 - New Testament in Mitsogo

³⁰ Na dôta, ôkô ôgogoe woo agéeyo gémôgôô ôndé ga pagô gôégôkubéda gô mabégô mabévani, tambô kitsa ango na gunya angô gôdagôda n’ewe. Te nane. Okô éwe ôkonzogi ôgogo ôvo, gôndé éwe ésaba édagani. Ivô ôkô ôtôe woo wetso ôgunyu gô mungu asoto, te éne éôtéa édagani.

Matthieu 5:30 Iomraidhean Croise

Matthieu 11:6

Ti gô gényônga géndé n’ewe ômeetsa me môtémoo wetso, na ôsakuéa gékôba gôénika na gô ngima.

Matthieu 13:21

Ivô ahgono na géétété gésaba na ngangi. Ahngô asaba na môvinéné. Vaviga maguga na vabuéa gékuanô gô Mabégô MaNzambé, ahngô ahsasipa.

Matthieu 16:23

Ivô Jésus amanikéda miso na amakangéa Pierre mbe: Nôtôga na gôdagôda n’ami Satan. Onyôngéô ébôméda me gôéénda ébégô ébévani. Ewe ôsatasa éne ényôngéô Nzambé. Otasa te éne ényôngéô oma.

Matthieu 17:27

Buéyé mbe nane, wa n’anyô tôsanyôngéô ébévéda adua. T’ebandô éwe Pierre kiaka na gô mubu, kuya éobo. Yuua nyamane éamapanga. Kukua yangô mônyee. Ongadenga dodeye diwanya n’otangôe adepune éasô n’oo. Okea na yangô ôkedivana depune.

Matthieu 18:8

Okô ôgogoe woo na ôkôdôe woo ôndé ga pagô gôégôkubéda gô mabégô mabévani, kitsa angô. Gunya angô gôdagôda n’ewe. Okô ôndé n’ogogo ôvo na ôkôdô ôvo, na monyo apie gô môtémoo, ésadaga gôndé éwe. Okô ôndé na mogo moo mabaé na makôdô moo mabaé, na ôkea na gô mungu asoto, te éne éôtéa édagani. Gône te gô sotoge géseemakani.

Matthieu 22:13

Môtômi atsenge amatôma ayanzie mbe: Katani angô makôdôme na mogome. Gunyani angô gô mbadi gô évitsie. Gône te gôngadéangô miéngé na gôngagéangô ngeko gô panda dienangô.

Matthieu 25:20

Môyanzine amapanga, ône ameetsô yabi ditayi amamôtubéda yene ditayi na amamônigôa mbe: Kumu ami, éwe ômeetsaka me dodeye yami yabi ditayi vamakewe. Oeni yene ditayi dikusi gôyanzi me na dine yoo.

Matthieu 26:31

Jésus ameevéda aneengi edi mbe: Ti éne éngabuéa gôndé me na pitsine, anye nôngatsika me. Te gatôtanga gô Matendeo MaNzambé mbe: Môkeneyi amandombo angayôhu. Na mandombome mangapanzangana metso.

Matthieu 5:22

Ivô me nanôbeenda mbe muetso angeena môkedi ôpisa angatsundédu n’evovi. Muetso angatoko môkedi angakedu na gô eba ôvôni amisoso. Muetso angakoko môkedi angagunyu gô mungu asoto géseemakani.

Matthieu 5:29

Okô isoe yoo éagéeyo gémôgôô éndé ga pagô gôégôkubéda gô mabégô mabévani, tambô yuua éangô na gunya éangô gôdagôda n’ewe. Okô ôkonzogi iso évo, gôndé éwe ésaba édagani. Ivô, ôkô ôtôe woo wetso ôgunyu gô mungu asoto, te ébégô éôtéa édagani.

Marc 9:43

Okô ôgogoe woo ôndé ga pagô gôégôkubéda gô mabégô mabévani, kitsa angô. Okô ôndé n’ogogo ôvo na monyo apie gô môtémoo, ésadaga gôndé éwe. Okô ôndé na mogo moo mabaé na ôkea na gô mungu asoto, te éne éôtéa édagani. Gône te gô sotoge géseemakani. [

LUC TSANGO EAMOSOBA EMATENDA 12:5

Oôkôni geevéda me anye. Buedi gôéôkô Nzambé gomo. Vangayôhu ôtô, Nzambé andé na wene ôwa, te ône agô mungu asoto. Ii, nanôevéda te nane. Oôkôni Nzambé gomo.

LUC TSANGO EAMOSOBA EMATENDA 17:2

Buedi mbe nômôditéga étaé évôni va môngônga na nômôgunya gô mubu kabaga abôméda muene.

Romains 9:33

Nôeni, gô Sion nadigédi étaé éngapôngéda oma. Te ôbobo ôngakuéséda oma. Ivô ône angamôétsa môtémedi asangabômédu.

I Corinthiens 8:13

T’ebandô ôkô môyakô ôndé na ngudi yebévéda muana aTétee, tsangadôaa nyamane kabaga nakuéséda muana aTétee n’ami gôéénda éne ébévani.

Galatie 5:11

Ivô gôndé me, ana aTéta asi mbumu éaNzambé, ôkô me neekéda mbe buedi mbe nôgeetu ?tambô akasô agékuanaka me gôndé? Okô éébé mbe te nane, tambô mane meekéda me maJésus‐Christ amakomedu va gésumu sowa masangadôduméda môtéma amôma.

I Pierre 2:8

Matendeo MaNzambé matônigôa mbe: Etaé éne émakoga éka éôkana mabaku. Na éka ôbobo ônikanédana mangimangima. Angô ôpôngéda muetso asookéô ndongi yaNzambé. Te gamavanga Nzambé mbe éngaba te nane gôndé ane asookôni.