Matthieu 5:22 - New Testament in Mitsogo

²² Ivô me nanôbeenda mbe muetso angeena môkedi ôpisa angatsundédu n’evovi. Muetso angatoko môkedi angakedu na gô eba ôvôni amisoso. Muetso angakoko môkedi angagunyu gô mungu asoto géseemakani.

Matthieu 5:22 Iomraidhean Croise

Matthieu 10:17

Bakani n’ekena gôébégo oma anganôkeda na gô yeba yamisoso. Anganôbita na mibitô gô yeba yewanyéô.

Matthieu 10:28

Nônookô oma gomo, ane andé na ngudi yeyôha ôtôe woo. Ivô ôôkôni Nzambé gomo. Te ône andé na ngudi yeyôha ôtôe na gédidige setso gô mungu asoto.

Matthieu 12:24

Ivô vamookô Apharisien nane, amasupua géômbége mbe: One akuséda édidi ébévani gôndé oma te gôéétsô angô ngudi na Béelzébul, môtômine edidi ébévani.

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Matthieu 18:21

Pierre amabambéa Jésus mbe: Kumu, ôkô muanéya eendi me ébégô ébévani kuka yetso ?nangamôsingéa kokoo kuka dikee? ?Te tsambué‐a?

Matthieu 18:35

Jésus angô mbe: Téta Nzambé ône andé g’ôba anganôénda te mônongovo ôkô anye nôsasingéa akanyô kokoo na mitéma mianyô mietso.

Matthieu 23:15

Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Nôkénga mitôô tsengene nyetso gô tsényé na gô mubu gôédiia môma môvo asinga meekédume manyô. Vakangô mômanyô, nômôkoa mbe ébévee éedi éngootéa pepe éne éanyô.

Matthieu 23:33

Anye te ti gandé nyogoye. Nôgono na mbigé. Anye nôndé n’etasa mbe: We tôsangakea gôébungana. ?Nôngabusuga mungu asoto nayee?

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 26:59

Tsesu yadeekedi adigondoku n’asi kundu épôni éAjuif ahmadigaa gôébuta ébégô, buéyé mbe éapataga, gôéeséda Jésus gôémôyôha.

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

Matthieu 5:34

Ivô me nanôbeenda mbe, nômbiasongéa ta na môsongia ôvo. Nômbiasongéa ôba gôébégô ôba te gédigaa saKumu Nzambé.

Matthieu 5:44

Ivô me nanôbeenda mbe, nyôngéôni adudeoe wanyô. Vovoni na Nzambé mabégô mamisôba gôndé ane anôkuanani.

Marc 14:55

Tsesu yadeekedi adigondoku n’asi kundu épôni éAjuif ahmadigaa gôébuta ébégô gôétsundéda Jésus gôémôyôa. Ivô ahsidenge ébégôe.

Marc 15:1

N’ongôngôe wetso, tsesuye yadeekedi adigondoku amaduga tungu épo na peeye, n’anigôi amige, n’asi kundu épôni éAjuif gôésevoa môsônda gôékatéda Jésus. Ahmakea n’edi gôéétsa angô gôndé Pilate, môtômi atsenge.

LUC TSANGO EAMOSOBA EMATENDA 12:5

Oôkôni geevéda me anye. Buedi gôéôkô Nzambé gomo. Vangayôhu ôtô, Nzambé andé na wene ôwa, te ône agô mungu asoto. Ii, nanôevéda te nane. Oôkôni Nzambé gomo.

LUC TSANGO EAMOSOBA EMATENDA 22:66

Vamaagiia nyee géômbé satsesu yadeekedi adigondoku, n’anigôi amige miaNzambé gémawanya. Géômbége géne sakundu épôni éAjuif gémavigéda Jésus na va gatse akundune yaô.

Jean 11:47

Apharisien na tsesuye yadeekedi adigondoku amadigaa gô kundu éaô épôni gôévanga gépangô. Amavovo anguene mbe: ?Tôéndani nayee na mômôgôô nône? Angô aseendô gôéyanza mabégô manyônganéôni masoongôa môma ésupua.

Jean 15:25

Gôéndahngô me nane, éne ématendu gô Matendeo MaNzambé mandé n’ahngô éenanô. Ematendu mbe: Me namavingô te bobo gééndé ébégô.

Jean 7:20

Oma muetso amatôna mbe: Yéé. ?One abuta éyôha éwe vita indae? Vavovo éwe vane, ôndé ti na gédidi gébévani.

Jean 8:48

Ajuif amasiia gô éne émavovo Jésus mbe: We tôndé na mitayi gôégôénda mbe: Môsamaritain, na gôégôénda mbe: Ondé na gédidi gébévani.

Mayanzame 17:18

Avo eekédi agô géômbé sEpicurien na géômbé sAstoïcien amavovo na Paul. Avo ameenda Paul mbe: ?One eetama ga ngubu gésikamé avovo vita ndé? Avo dôta ameenda mbe: We tôôkiô mbe gôndé nyene Nzambé évigi n’edi. Amavovo nane gôébégô Paul ameekéda mabégô maJésus na gamakunduganô g’ôwa.

Mayanzame 22:30

Môtômine agô Rome amanyôngéô éôkô ébégôe émasunda Ajuif asunda Paul. T’ebandô n’ongôngôe ône amamôtsôbôa ésengoe. Amakôkanganéda tsesu yadeekedi adigondoku na muetso asi kundu épôni éAjuif. Amatemeda Paul va mbene aô.

Mayanzame 23:1

Paul amabono asi kundu épôni éAjuif gébé na tsoyi. Amavovo mbe: Ana aTétee n’ami, vatsundédu me na muanga amôtémami, ôseeséda me va mbene aNzambé ngu na deo noo.

Mayanzame 24:20

Kôndi nane, omeaa angagônigôa éne émeetsô me ôési na kundu épôni éAjuif vamadigaa me gôétsundédu n’ahngô.

Mayanzame 4:15

Ahmakuséda Pierre na Jean gô tsongo nene, na ahmadigaa gô kundu gôévanga éna éngeendahngo.

Mayanzame 5:21

Ane amatômukuni amamookéô. N’ongôngô na kué, ahmakea na gô eba aNzambé na ahmeekéda. Pene adeekedi adigondoku n’ane ahmabaka n’edi amakôva peeye yetso yAjuif gôédigaa gô kundu épôni. Vane ahmakudéga môma na gô eba atsôgôô gôéwanyéda ane amatômukuni.

Mayanzame 5:27

Migode ahmabuéda ane amatômukuni na va mbene asi kundu épôni éAjuif. Pene adeekedi adigondoku amatsundéda ahngô mbe:

Mayanzame 6:12

Mitéma mioma muetso mimakanzôga, buéyéna mine miapeeye yAjuif na anigôi amige miaNzambé. Ahmatsôpa Etienne gôékea n’edi na gôndé asi kundu épôni éAjuif.

Mayanzame 6:15

Muetso ane amadenganô gô eba amisoso amabono Etienne na nzôô. Ameena gédimô sedi gémaba na ngéengéyi ga géne samôsi g’ôba, môyanzi aNzambé.

Mayanzame 7:37

Te amuene Moïse amavovo n’ana aIsraël mbe: Nzambé anganôkudégéa muene môpandôédi amatasa medi angaba gandé me, Moïse. Angaba éongo évo n’anyô.

Romains 12:10

Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

I Corinthiens 6:10

Na eesui, n’asi onzôô okitie, n’asi édangi, n’atokoni, n’asi môkôbé. Omee ane asangeengéa g’ôkumu aNzambé.

I Corinthiens 6:6

Ana aTétee n’anyô agô mbumu éaNzambé asundana va mbene ane ahsavamba na Nzambé. ?Anye nônyôngéô te nane‐a?

1 Thessaloniciens 4:6

Gô mabégô mema Nzambé asanyôngéô mbe môma abévéda muana aTétee n’edi gôébongo éne ésaba éedi. Tômani énôbeenda na tômani énôevéda mbe, Kumu Nzambé angeeséda ane eenda mônongoe ebéva ône.

Tite 3:2

Ewe Tite, tôma oma mbe: Nômbiatsuava môma. Bakani oma agétabé na oma ekena. Bakani kuka yetso na sekaseka n’oma muetso.

Hébreux 12:25

Bakani n’ekena gôégobeda ône avovo n’anye. Oma aIsraël amakina ôgie ône ava tsina ômeevéda ahngô éne émavovo Nzambé. N’ahngô asiôngôé ébusuga tsôgôône émeetsô ahngô. Eembe ti n’one atôôkô avovo ôgi ag’ôba. Okô tômôgéngôgéyi magotome masô n’anyô ?tôngabusuga ôpisedi nayee?

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

Jacques 2:20

?Ewe ôgétsumaka paga? ?Onyôngéô me nagôpandoéda‐a? Bonokoye. One eetsa Nzambé môtémedi gémôtsumé paga ivô asaba na ésima ényôngéô Nzambé, angô dôta asaba na tsoongo gôndé Nzambé.

Jacques 3:6

Omeni ôgono na soto. Te kumu ébévani éeme éetso éndé g’ôtô. Na ôbévéda ôtôe wetso. Omeni ôtumba soto gô monyoe wasô. Te soto géviga gô mungu asoto.

I Pierre 2:23

Amamôtoko, ivô Jésus asinikédé matoki. Amamôkuana n’angô asinikédé pégôani. Jésus amadeekeda mabégô metso gôndé Nzambé môkitsi ambanza asapenganédani.

I Pierre 3:9

Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi.

I Jean 2:9

One avovo mbe: Me te môma andé gô gévede, na angô andé na bôvingô asanyôngéô môkedi, agébaka gô évitsi.

I Jean 3:10

Nôeni éne étubéda na vede mbe adua te ana aNzambé na adua te ana ayabédé, étubéda mbe ône aseenda éne ényôngéô Nzambé na asanyôngéô môkedi, angô kaka muana aNzambé.

I Jean 5:16

Okô môma eena muana aTétee n’edi eenda ébégô ébévani ésamôkeda na g’ôwa, buedi mbe avové na Nzambé mbe angamôétsa monyo. Edue éndé kuanakue gô mane mabévani masakeda môma na g’ôwa. Ivô gôndéké ébégô ébévani ékeda môma na g’ôwa me tsanôbeenda gôévovo na Nzambé gô éne.

Jude 1:9

Buéyé Michel, pene asi g’ôba muetso asiindé nane. Vamasaganédangô na yabédé gôédiia ôtô aMoïse, Michel asitsundédé yabédé gôémôenza. Ivô Michel amasuméa vovogo na yabédé mbe: Kaka me, amuene Kumu Nzambé angagôsiséda.

Gétsutsuéô 20:14

Owa na tsenge édigaa ane amawani émagunyu na gô mungu asoto. (Mungue asoto ône, te ôwa amôbaé.)