Matthieu 5:18 - New Testament in Mitsogo

¹⁸ Me nanôbeenda na gô pie mbe ta na vibénda vivo viaMatendeo MaNzambé vingabusuni ngu na vangamangôa viangô éyanzee éedi, buétsé te tsina n’oba épanga éôta.

Matthieu 5:18 Iomraidhean Croise

Matthieu 10:15

Nanôbeenda na gô pie mbe gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome na asi Gomorrhe.

Matthieu 10:23

Vangakuanô anye gô mbôkane édigaanye, tôtani na gô nyene mbôka. Me nanôpandôéda mabégô mema mapie. Nôsangoongôa ékôdéda mbôkaye yetso yagô tsenge éaIsraël mbe me Muana Amôma tsavigaka.

Matthieu 10:42

Nanôbeenda ébégô édué éapie mbe, ône eetsa gébungu sameba masodi na gôndé môvo va gatse aneengie ami, gôndé angô mômami, môétsine angadiia misenda.

Matthieu 11:11

Jésus amanigôa mbe: me nanôbeenda na gô pie mbe: Va gatse amuetso amabôtuni gôsaba môma ootéa môvôni ga Jean‐Baptiste. Eébéyée nane, ône eendô mbe môma abobo g’ôkumu aNzambé, angô ootéa môvôni na Jean‐Baptiste.

Matthieu 13:17

Me nanôbeenda na gô pie mbe ayekani apandôédi ambeego amatasa maNzambé, n’avo oma amatsimamani aNzambé, amanyôngéô éena éne éenanye deo noo. Ivô ahngô asiene. Amanyôngéô éôkô mane mookô anye deo noo, ivô ahngô asiôkô.

Matthieu 16:28

Nanôbeenda ébégô édué éapie mbe avo va gatse anye nôndé éva, nôsangawa ta madeo nôsiena me, Muana Amôma naviga n’okumaka gôétôma.

Matthieu 17:20

Jésus amaabéa angô mbe: Paga yanyô dipoo. Nanônigôa ébégô édué éapie. Okô nôétsi mitémamie, pengo vi pesu, évundee ga môbie apivi, nôngayanza mabégô mavôni. Nôngatôma môkôdi mbe: Nôtôga éva, kea na vane. Na môkôdie ônganôtôga. Nôsangadagéô ébégô. [

Matthieu 18:18

Jésus amavovo mbe: Nanôbeenda ébégô édué éapie. Ene ékata anye gô tsengene ékatiô dôta gô tsenge éaNzambé g’ôba. Ene étsôbôa anye gô tsengene étsôbôyiô dôta g’ôba.

Matthieu 18:3

Jésus amatubéda mbe: Me nanôbeenda ébégô édué éapie. Okô anye nôsakoa mitéma mianyô gôéba mônongovo ga muanéngé, nôsangeengéa g’ôkumu aNzambé.

Matthieu 19:23

Jésus amanigôa aneengi edi mbe: Nanôbeenda na gô pie mbe énde ti édagani gôndé gékiti gôéengéa g’ôkumu aNzambé.

Matthieu 19:28

Jésus amanigôa mbe: Me nanôbeenda na gô pie mbe vangadigaa me, Muana Amôma gô gédigaa sami sokumaka gô tsenge éamanza, anye nzima n’aneengi abaé nôkea n’ami nzéepo, anye dôta nôngadigaa môma na môma gô sedi gédigaa sokumaka gôétsundéda nzima na mabôta mabaé meongo éaIsraël.

Matthieu 21:21

Jésus amanigôa ahngô mbe: Nanôbeenda na gô pie mbe ôkô anye nôétsa mitémamie mietso, gétsumé ngudi yaNzambé paga, nôngeenda éne ééndi me na géététége, na nôngeenda mavo mabégô mootéa mavôni. Nôôngôa évova na môkôdi ôdôô mbe: Môtôga na gô mubu. Na angô ôôngôa énôtôga na gô mubu.

Matthieu 21:31

Jésus ameevôa adeekedi adigondoku n’anigôi amige mbe: ?Va gatse ana abaé, ône ameenda éne émanyôngéô tétedi indaa? Ahmaabéa Jésus mbe: Te ône amapanga. Na Jésus amanigôa mbe: Nanôbeenda na gô pie mbe anye n’egébuéaka g’ôkumu aNzambé, abongi adepu na akeyi agésasô angapanga ébuéa.

Matthieu 23:36

Nanônigôa na gô pie mbe tsôgôône éane amayôha omami éngaba gôndé anye asi pitsi yedi.

Matthieu 24:2

Jésus amaabéa ahngô mbe: Nôeni yebaye dipôni édi, gôsangasanéa ta n’etaé évo gô ngongo amôkedi. Metso mangapanzô.

Matthieu 24:47

Nanôbeenda na gô pie mbe kumu éyanzee angeetsa môyanzi nône énvanga évôni gôékenea n’okitie wedi wetso.

Matthieu 25:12

Ivô kumu ayômba amaabéa mbe: ?Anye yandaa? Me tsanômenya. Amapatsa ahngô.

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Matthieu 25:45

Kumu amaabéa ahngô mbe: Nanôbeenda na gô pie mbe kuka yetso disiwedéé anye anami, béyé mbe viana vigevige, anye nôsiwedéa te na me.

Matthieu 5:26

Na gô pie nanôbeenda mbe ôsangakusa gô eba atsôgôô ta madeo ôsivana ébômée éne.

Matthieu 6:16

Vakinanye môyakô gôévovo na Nzambé, anye nôkinini, nômbiaduta ésunga gôényemôga geenda asi enyepa éamiônya. Angô anyinyama gôétubéda oma mbe: We tôkini môyakô gôévovo na Nzambé. Nanôbeenda na gô pie mbe gôndé ahngô asabadô na tsoongo, amani édiia misendamie miaô.

Matthieu 6:2

Okô éwe ôétsi misuga yôma ôbiia ônatoongo môsosi gôébuta éenanô n’akoo mbe: Odôô te ône eetsini. Asi enyepa éamiônya eenda te nane gô yeba yewanyéô na gô nzéa buta mbe oma akuméda ahngô. Me nanôbeenda na gô pie mbe angô amani édiia ôséngue waô n’oma. Asangeetsô ôséngu na Nzambé.

Matthieu 8:10

Vamookô Jésus ôgie ône amasôbasôbana. Na amabeenda ane amamôaandakani mbe: Buéyé gô éongo éetso éaIsraël me madeo tsiena môma ga ôdôô asatsuma ngudi yami paga.

Marc 10:15

Me nanôbeenda na gô pie mbe ône asasinga ôtômu aNzambé gasingéa ana angô, asangeengéa g’ôkumu aNzambé

Marc 10:29

Jésus amaabéa ahngô mbe: Nanôbeenda na gô pie mbe ône atsika ebedi na anayeedi na yeedi na tétedi, n’anedi, na tsaga yedi, atsika éangô gô inami na gô Tsangône Eamôsôba édué,

Marc 11:23

nôongôa évovo na môkôdi ôdôô mbe: Môtôga vane, kea ôkekuyaméa gô mubu. Okô anye nôsiba na buétsé gô mitéma mianyô na nômenya na gô pie mbe éne évovi anye éngeenanô. Menyani mbe nôngeena éangô éngaba.

Marc 12:43

Jésus amabambéa aneengi edi. Na amavovo n’ahngô mbe: Nanôbeenda na gô pie mbe môkuée ôdôô, éne ékuyi angô gô gégaa sadibiia, éôtéa éne éakedi muetso.

Marc 13:30

Me nanôbeenda na gô pie mbe muetso ahndé adôngani asangawa mbe mabégô mema masatsigaka.

Marc 14:18

Vamabahngô va tabudé gôéaa, Jésus angô mbe: Nanôbeenda na gô pie mbe va gatse anyô nôaa n’ami, môvo angakaba me.

Marc 14:25

Me nanôbeenda na gô pie mbe me tsangadônyuadô mebame mamiôndee éma ngu na vangoomba me ényua mane mawene mônongo gô tsenge éaNzambé.

Marc 14:30

Jésus amaabéa angô mbe: Nagôbeenda na gô pie mbe na pitsine, tsôsône n’egékôkaka mabaé, éwe Pierre ôngatôna me kuka ditatô mbe: Me tsamenya ône.

Marc 14:9

Nanôbeenda na gô pie mbe tsinane nyetso éngatsanzabana Tsangô Eami Eamôsôba, oma ahnganigôa dôta éne ééndi môgeto noo gôékôngéda angô.

Marc 3:28

Me nanôevéda ébégô édué éapie mbe oma muetso ahngasingéô kokoo gô mabégô maô metso mabévani madienza yamavovia maô.

Marc 6:11

Okô kumu yambôka asinôsingéa gôéengéa na asanyôngéô éôkô meekédu manyô, nôtôgani vane. Dumédani makôdôme ébisie. Te géevédéô saô mbe: Nôwema.

Marc 8:12

Jésus amavéguma na gégogomeo. Angô mbe: ?Anye asi pitsi yedi nôbuta gémbégéa sangudi yaNzambé nayee? Nanôbeenda na gô pie mbe: Gôndé ane abuta gémbégéa gôsaba gémbégéa.

Marc 9:1

Jésus amoomba évovo na géômbége n’aneengie mbe: Nanôbeenda ébégô édué éapie mbe avo va gatse anye nôndé éva nôsangawa ta madeo nôsiena ôkumu aNzambé ôviga na ngudi yedi.

Marc 9:41

One anôétsa pengo gébungu sameba gôényua gô ina aChrist étôvambani, nanôbeenda na gô pie mbe angadiia môsenda.

LUC TSANGO EAMOSOBA EMATENDA 11:51

Bandôa n’Abel ône amapanga éyôhuni ngu na Zacharie ône amayôhu gô gatse eba aNzambé va kaba agévumbéô sadigondoku na tsongo éadisambô édigaa Nzambé. Na gô pie, me Jésus nanôbeenda mbe: Oésie adiôwaye yedi yetso, ôndé te gôndé anye asi pitsi yedi.

LUC TSANGO EAMOSOBA EMATENDA 12:37

Ti gô gényônga géndé na ayanzie ane adenganiô na kumu aô andé misiki gébé gô vio. Nanôbeenda na gô pie mbe amuene kumu eyanzee angakoga môyanzi. Angadigéda ayanzie va tabudé gôéétsa ahngô môyakô.

LUC TSANGO EAMOSOBA EMATENDA 13:35

Tambô, menyani mbe gô ebanyô gôsangadôba môma. Endé te nane. Me nanôevéda mbe anye nôsangadôena me ngu na nyee ôngavovo anye mbe: Mbe mate maNzambé mabaké gôndé ône aviga gô ina aKumu asô.

LUC TSANGO EAMOSOBA EMATENDA 16:17

Buéyé gamoota ndéô émakitsô mige miaNzambé, gô miangô gôsangabusuu ta na vibéénda vivo. Tsina n’oba éngakôdéa te mige miaNzambé migétomaka.

LUC TSANGO EAMOSOBA EMATENDA 18:17

Nanôbeenda mbe, na gô pie ône asasinga éengéa na g’ôkumu aNzambé na môtémedi wetso geengéa anéngé, asangeengéa wangô.

LUC TSANGO EAMOSOBA EMATENDA 18:29

Jésus amaabéa ahngô mbe: Nanôbeenda na gô pie mbe ône amatsika ebedi na môgayedi n’anayeedi, na yeedi na tétedi na anedi atsika éangô gô inami na gô ina okumu aNzambé,

LUC TSANGO EAMOSOBA EMATENDA 23:43

Jésus amaabéa angô mbe: Me nagôbeenda na gô pie mbe deo noo ôngaba n’ami g’ôba gô gédigaa samôsôba gékea me.

LUC TSANGO EAMOSOBA EMATENDA 4:24

Jésus amoomba mbe: Me nanôbeenda ébégô édué éapie. Gôsaba môpandôédi amatasa maNzambé anyônganéô gô mbôkane émabôtu angô.

Jean 1:51

Jésus amoomba énigôa mbe: Nôngeena ôba ôkukuga. Asi g’ôba angavigédu na Nzambé, angabata na angasuma vandé me, Muana Amôma.

Jean 10:1

Jésus angô mbe: Me nanôbeenda na gô pie mbe ône aseengéa g’ômbaa amôgômba ôkeneo mandombo, na angô akônda môgômba kôndaga, angô te muisui na môsi môkôbé.

Jean 10:7

Jésus amatimbôanéda tsavane mbe: Me nanôbeenda na gô pie mbe me te ôkuké av’ombaa amôgômba ôkeneo mandombo.

Jean 12:24

Me nanôbeenda na gô pie mbe éso éapôtô, ôkenea éangô gégaabô gô toto éngabaka môbô te éso évo. Ivô ôkô égaabiô gô toto éngaboo na éngakanda gôébôta pingô yamiso.

Jean 13:16

Nanôbeenda na gô pie mbe: Gôsaba môyanzi ootéa kumune yedi. Na ône atômuni asootéa ône amôtômani.

Jean 13:38

Jésus amavovo na Pierre mbe: ?Na gô pie ônyôngéô éwa gôndé me-a? Nagôbeenda na gô pie mbe tsôsône n’egékôkaka, éwe Pierre ôngatôna me kuka ditatô mbe: Me tsamenya angô.

Jean 14:12

Me nanôbeenda na gô pie mbe, ône eetsa me môtémedi wetso, angeenda mane mamisôba meenda me. Angeenda na mavo mabégô mangootéa mane mami na ngudi gôkea me na gôndé Téta.

Jean 16:20

Nanôbeenda na gô pie mbe nôngadéa na gégeba, na nôngadigaa na gésiganinga. Ivô asi tsengene angaba gôétsôkéa. Vane gésiganingage sanyô géngakoga géka gényônga.

Jean 16:23

Nyoone, anye nôsangadôtsapéô ébégô gôéévôa me nyivô. Nanôbeenda na gô pie mbe Téta Nzambé anganôétsa metso mangamôdukanye gô inami.

Jean 21:18

Jésus ameevéda Pierre mbe: Vamabakewe ôgébaka mônzambu ômakata ômuene édata éoo v’oningé gôékea pati tungu émanyôngéô éwe ékea. Ivô vangadombéa éwe, ôngatômba mogome moo gôéaatédu na muene môma. Ongakedu gô tunguye disangatékewe ékea.

Jean 3:11

Me nagôbeenda na gô pie mbe tôvovo te éne ésabômu we. Tônigôa te éne émeena we, n’anye nôsasinga ômbangie wasô.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Jean 3:5

Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.

Jean 5:19

Jésus amanigôa Ajuif mbe: Me nanôbeenda na gô pie mbe Muana ANzambé asoongôa éyanza gô ngudi yamuene. Ayanza te éne éenangô Tétedi éénda. Metso meenda Tétee, te mane mangeenda dôta Muanee.

Jean 6:26

Jésus amabika n’ahngô mbe: Nanôbeenda na gô pie mbe anye nôbuta me te gôngutédi me anye na mipembamie. Nôsabuta me gôeni anye ngudi yaNzambé.

Jean 6:32

Jésus amavovo n’ahngo mbe: Me nanôbeenda na gô pie mbe ône ameetsa anye mipembamie mimaviga g’ôba kaka Moïse. Te Téta Nzambé amaagéda miangô g’ôba na miangô te mipemba miapie miitsô anye.

Jean 6:47

Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô.

Jean 6:53

Jésus amanigôa ahngô mbe: Nanôbeenda na gô pie mbe, ône akina éaa ôtôe wami me Muana Amôma, na akina ényua nzina yami, asangaba na monyo gô môtémedi.

Jean 8:34

Jésus amavovo n’ahngô mbe: Nanôbeenda na gô pie mbe ône eenda mabégô mabévani andé g’ôvéga amangô.

Jean 8:51

Nanôbeenda ébégôe édué éapie mbe, ône agobeda mane mavovo me asangatsiga gô tsenge éowa.

Jean 8:58

Jésus amanigôa Ajuif mbe: Me nanôbeenda na gô pie mbe Abraham madeo asibôtu, te me nandéké.

I Pierre 1:25

Ivô ôgi aKumu ôndéké môbô na môbô. Ogie ône te ône ônigôu anye gô Tsangô Eamôsôba.

Gétsutsuéô 20:11

Vane nameena gédigaa gévôni savembo sokumaka, na ône andé digaa gô sangô. Tsinane na ôbee émanôtôga va miso medi na ésiombédô éenanô.