Matthieu 5:12 - New Testament in Mitsogo

¹² Tsôkéani na gényônga gévôni gôébégô nôngadiia misenda g’ôba. Va mbeego anye madeo nôsibôtu apandôédi amatasa maNzambé amakuanô te nane.

Matthieu 5:12 Iomraidhean Croise

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 6:16

Vakinanye môyakô gôévovo na Nzambé, anye nôkinini, nômbiaduta ésunga gôényemôga geenda asi enyepa éamiônya. Angô anyinyama gôétubéda oma mbe: We tôkini môyakô gôévovo na Nzambé. Nanôbeenda na gô pie mbe gôndé ahngô asabadô na tsoongo, amani édiia misendamie miaô.

LUC TSANGO EAMOSOBA EMATENDA 13:34

Ah anye asi Jérusalem. Ah anye asi Jérusalem. Nômayôha apandôédi amatasa maNzambé. Nômatuma na mataé ane amatôma Nzambé na gôndé anye. Kuka yetso me namanyôngéô énôweseda gôénôgudaméa gagudaméa tsôsô anedi. Ivô anye nômakina.

LUC TSANGO EAMOSOBA EMATENDA 6:23

Tsôkéakani vabuéa mônongo amabégô. Tsédani gô mangô na gényônga gôébégô nôngadiia misenda g’ôba. Va mbeego anye madeo nôsibôtu, apandôédi amatasa maNzambé amakuanô te nane na téteye yane anôkuanani.

LUC TSANGO EAMOSOBA EMATENDA 6:35

Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.

Mayanzame 16:25

Va gatse apitsine, Paul na Silas ahmavovo na Nzambé na ahmatôa mimbô gôémôkuméda. Ana amabaka gô dipo tsongo gô eba atsôgôô amookô.

Mayanzame 5:41

Ane amatômukuni amanôtôga gô eba amisoso. Amatsôkéa na gényônga gévôni mbe: Nzambé amasevoa we gôétubédu gékuanô saina aJésus.

Romains 5:3

Na va ngongone vane, tôtsôkékéni buéyé gô magugame masô n’anyô. Gôébégô tôsabômu mbe maguga meena wa n’anyô matsigéda gô mitéma miasô n’anyô ôbibo na môvinéné.

I Corinthiens 3:8

One agaabani na ône eetéa meba andé te mônongovo. Nzambé angeetsa ahngô môsenda kuanakue na éne émayanzahngô.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

Philippiens 1:29

Bangôani mbe Nzambé amatôétsa ébégô évôni ôbiia, te gôéyanzéa Jésus‐Christ. Tômamôyanzéa gô minongo mibaé. Oô mônongo te gôémôétsa mitémamie gébé na paga. Oô mônongo dôta, te gôétubédu gékuanô gô inedi.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

Colosses 3:24

Bangôani mbe Kumu Jésus anganôsangéga na môsenda ôvôni. Nôngeetsô mikuanya mane mamakôndégangô omedi. Kookone éanyô éapie éyanzéa anye te amuene Christ.

1 Thessaloniciens 2:15

Ajuife ane te ane amayôha Kumu Jésus, na amayôha apandôédi amatasa maNzambé, na amakuana me. Aseenda ganyôngéô Nzambé. Andé adudeo oma muetso.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.

Hébreux 11:26

Moïse amamenya mbe gôésipa gô gékuanô sainee éaChrist, te éne éndé na tsoongo. Géé gôédigaa n’okitie wetso atsengene éaEgypte, éne ésibé na tsoongo. Gôébégô Moïse amaténdéda na amabono miso medi te gô môsenda agô mbene éanzéa.

Hébreux 11:33

Gômeetsahngô Nzambé mitéma miaô na gositsumé ahngô ngudi na ôgi aNzambé paga amadiia tsengeye dimagenya n’ahngô. Amayanza mane mamanyôngéô Nzambé, na ameetsô éne émavanga Nzambé n’ahngô. Ahngô amakukéga miônya miembungu.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Jacques 1:2

Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni.

Jacques 5:10

Ana aTéta, bangôani apandôédi ambeego amatasa maNzambé, ahmeevéda akaô gô ina aKumu Nzambé. Bakani na tsingayi g’ôbibô ômabaka n’ahngô gô gékuanô.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.