Matthieu 4:3 - New Testament in Mitsogo

³ Yabédé amawesea na gôndé Jésus na amamôkanéga mbe: Okô mbe éwe na gô pie Muana ANzambé, koa mataé mema maka mipemba.

Matthieu 4:3 Iomraidhean Croise

Matthieu 14:33

N’avo aneengi ane amasanéaka gô mbôngône, amasiba mabongo maô va mbene aJésus gôémôneegeda. Amamôkuméda mbe: Na gô pie éwe te Muana ANzambé.

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

Matthieu 26:63

Jésus asibubué. Asisiié ta n’ogi. Pene amoomba évovo n’edi mbe: Gô ina aNzambé amonyo, nagôévôa mbe ti éwe ôaabéa me. ?Ewe te Christ ône amatômu na Nzambé‐a? ?Ewe te Muana ANzambé‐a?

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

Marc 1:1

Edué te Tsangône Eamôsôba éaJésus‐Christ Mauna ANzambé ébandôa mbe,

Marc 3:11

Edidi ébévani émasibaka mabongo maô ôkô émamôena na émaadôngana mbe: Ewe te Muana ANzambé.

Marc 5:7

Amavovo n’ogi agô ngongo mbe: ?Obé nayee n’ami, éwe Jésus Muana ANzambé ône amôbô na môbô? Nagôgondo ti na kokoo gô ina aNzambé, ôneetsa me tsôgôô.

LUC TSANGO EAMOSOBA EMATENDA 1:35

Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.

LUC TSANGO EAMOSOBA EMATENDA 22:70

Muetso amamôévôani amavovo mbe: ?Tambô éwe te Muana ANzambé-a? Jésus amanikéda mbe: Te geevôyi anye. Ii, te me.

LUC TSANGO EAMOSOBA EMATENDA 4:3

Yabédé amamôkanéga mbe: Okô mbe éwe na gô pie Muana ANzambé, koa mataé mema maka mipemba.

LUC TSANGO EAMOSOBA EMATENDA 4:41

Edidi ébévani émakusa gôndé abeeyi ayekani. Emakusa émaadôngana mbe: Ewe te Muana ANzambé. Jésus amadékéda éangô mbe: Nômbiavovo. Gôébégô édidie ésibômu mbe Jésus te Christ ône amatômu na Nzambé.

LUC TSANGO EAMOSOBA EMATENDA 4:9

Yabédé amakea na Jésus na gô Jérusalem. Amabata n’edi na gô ngongo eba aNzambé. Amavovo na Jésus mbe: Okô mbe éwe na gô pie Muana ANzambé, tséda na gô tsina.

Jean 1:34

Gôeni me nane, te ganôpandôéda me mbe ôdôô te Muana ANzambé.

Jean 1:49

Vane Nathanaël amamômekeda mbe: Môékédi, éwe te Muana ANzambé. Ewe te môtômine eongo éaIsraël.

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Jean 9:35

Jésus amookô tsangô amômôgôô apatsiôni. Amawanya n’edi na angô mbe: ?Gôndé ône eendô mbe Muana ANzambé, môtémee woo ôndé nayee? ?Ogétsumaka te paga-a?

Mayanzame 9:20

Asidingé éengéa na gô yeba yewanyéô gôéékéda mbe: Jésus te Muana ANzambé.

II Corinthiens 1:19

Wa na Timothée na Silas tômanigôa anye tsangône éaJésus‐Christ Muana ANzambé. Jésus asivigé na yôgi dibaé, ôô ôgi mbe: te nane, na ôvo ôgi mbe: kaka nane. Amaviga na ôgi ôvo aNzambé mbe: te nane.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

1 Thessaloniciens 3:5

T’ebandô tsiôngôé ésipa géôkô tsangô yanyô. Na te gamanôkudégéa me Timothée gôéôkô gasipanye gô nzéa éaJésus émeetsanye mitémamie. Namakebangana mbe mavooe yabédé amanôkuéséda, na éyanzee éami kabaga éba éagébé na tsoongo va gatse anyô.

Hébreux 12:16

Wemani kabaga gôdenganô va gatse anyô môsi gésasô. Wemani kabaga gôdenganô môma agono na Esaü asiditédé ôvangee aNzambé. Amakaba ôpayie wedi gô gépede samôyakô gakabô sôma sabobo.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 7:3

Ebandô éaMelchisédek ésamenyanganô mbe tétedi simbe, yeedi simbe. Obôtue wedi, n’owee wedi ôsamenyanganô. Agono n’amuene Muana ANzambé, andé môdeekedi adigondoku môsungéyi amôbô na môbô.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.